من الكنيسة للبيت ومن البيت للمسجد(عائشة بطرس)

أول سلمة..

نفسي أتوب أنا م الذنوب.. وأكون قريب م اللّٰه
كل لحظة وكل ثانية أكون بقلبي معاه
وابقى راضي وهو راضي عني يوم ما القاه..
_______________________

طبعا العشا بتدن دلوقت.. متستغربوش ..انا تقريبا بقيت حافظه اسماء صلوات المسلمين وعارفه اوقاتها.. بحب أنا وقت الليل كده وهي الدنيا بتضلم اطلع واقعد ف البلكونه واتفرج ع اللي رايح واللي جي.. طيب طيب مش بعمل كده بليل بس ..
اللي داخله العماره تحت دي كريستينا.. هي أصغر مني بس ديما بحسها قدي..
أهلا يا سارة.. شكلها كده بنوته طعمه ودمها خفيف..اممم وشعرها ناعم كمان..اي ده هو اخوها بيقوللها اي يا ترى..

( ساره..انتي طالعه ف البلكونه منغير الطرحه؟!.. ادخلي يا ماما البسي حاجة على شعرك افرضي ان راجل كان واقف ف الشارع وشافك كده!!)
( آسفه يا أبيه..مخدتش بالي بس..حاضر يا عم الشباب هدخل اهه)
اممممم شكله كده متشدد..دي طفله لسه ف ابتدائي واللا اعدادي بالكتير..حرام عليك يا ااااا اسمووووو..محمد باين..هههههه كانت بتقوللو يا عم الشباب هههههه حلوه منها..اي ده دا بيبص عليا..ليه دخل جوا اول ما شافني..هو اي ده..على فكره انا مش عفريت ولا بعبع يعني..قرف اصلا..يابو جلبيه قصيره هه فووو عليك...هوجع راسي ليه بالواد الرزل ده..ما ادخل ارسم كام لوحه كده من بتوعي الحلوين..نسيت اقوللكوا انا شطوره اوي ف الرسم..فنانه بمعنى اصح..وبعرف اقلد اللوحات اللي بشوفها على جدران الكنيسه للسيد المسيح والعَذره..والحيطه ف اوضتي مليااااانه رسوم م النوع ده..وكنت مشتركة قبل كده ف مسابقة ف مدرستي للرسم وخدت المركز الأول كمان وبجدارة..عشان تبقوا عارفين قدراتي بس ..خدت فرشتي والواني وقعدت ارسم..بس عوزه ارسم بقه حاجه مختلفه..امممم هرسم مثلا صوره لشاب ماسك كتبات مثلا او ورد اوووو مش عارفه ابدأ وخلاص...اممممم كده تمام اوي..ايوه..وهنا شوية نغمق كمان..و..

___________________
(ماما.. عاوزه حاجه مني؟.. أنا نازل اتمشى شوية كده ف الشارع)
(ماشي يا حبيبي.. مش عاوزه حاجه..)
سارة(اممم.. انا عاوزه انزل اتمشى معاك شوية)
(ماشي تعالي..)
رفعت الأم عنيها عليه وهي بتضحك وبتقولله..

(بس لو هتاخد سارة معاك يبقى لازم يكون معاك فلوس.. دى كل ما هتشوف حاجه هتقوللك عاوزه منها يا محمد)
محمد(ههههه.. معايا يا ستي.. ما تيجي تمشي رجلك معانا يا ماما بدل قعدت البيت دي)
(لا .. انا هتفرج ع التليفزيون روحوا انتوا.. أنا بايعه رجلي؟... يللا ومتتمسوش..)
(حاضر...محمد.. احنا هنمشي بعيد البس لبس خروج وللا اي؟)
(لا هنروح المقلى ونتمشى حوالين البيت بس.. البسي الطرحه ع الترينج كدهه وخلاص)
(ماشي)

____________________
(دياناااااا.. تعالي اتعشي يللا)
(حاضر.. جيه)
طبعا لازم واحنا بنتعشى نتفرج ع التليفزيون.. واول ما تشغله يفتح على نفس القناة المسيحية اللي بابا بيحب يتاعبها... ولما ييجي البرنامج اياه بابا لازم يقول جملته المشهورة..
(يا سلااااام لو نغمض عنينا ونفتحها نلاقينا دولة مسيحية)