من الكنيسة للبيت ومن البيت للمسجد(عائشة بطرس)

تالت سلمة..

بدعيك وبتمنى القبول.. ولكل خير دعاك لي الرسول
ومهما عدنا للمعاصي.. هفضل برضو يارب أقول
_____________________________

(الحمد لله)
(اممممم هو انتي عاوزه حاجه من عندنا؟)
(اه.. عاوزه اسألك بس ..)
مكملتش الكلمة ومامتها دخلت وشايلة صانية عليها الواجب..
(اتفضلي يا حبيبتي)
(يا طنط والله حضرتك تاعبة نفسك أنا بس كنت عاوزة اسألك هي القبلة فين؟)
الست فضلت كتير مبرقه كده م التعجب.. زي ما تكون بتقول.. ازاي؟..
(ايوه انا اسلمت)
(ما شاء الله.. مبروك يا حبيبتي)
(الله يبارك ف حضرتك.. انا بس عاوزه اعرف القبله هنا فين عشان اصلي لاني مصليتش م الصبح)
(اه.. طيب بصي..)
قعدت بقه تشرحلي اتجاه القبلة بالظبط..
( ممكن اطلب من حضرتك طلب يا طنط)
( يا حبيبتي انا حبيتك خالص اتفضلي اؤمري)
( ممكن بس متعرفيش اي حد اني مسلمه..عشان انا مخبيه على بابا وماما لحد ما رجلي تثبت ف الدين بس)
( حاضر يا حبيبتي..محدش هيعرف غير اللي سمعك دلوقت..انا وساره ان شاء الله)
( اا لا مشش..اا لا عادي يعني ممكن اسرتك كلها تعرف عادي بس اهم حاجه ان الخبر ميوصلش لبابا وماما)
( حاضر يا حبيبتي ..بس مش المفروض تلبسي حجاب يا ديانا؟)
( اه طبعا..بس اضطريت انزل منغيره عشان بابا وماما..وكمان معنديش حجاب اصلا)
( امال هتصلي ازاي؟)
( مش عارفه بقه..ممكن اداري شعري باي حاجه..تيشترت واللا حاجه)
( لاانا هجيبلك طرحه من عندي..استني بس)
( لا يا طنط شكرا)
( اولا مفيش شكر ولا حاجه الشكر لله وحده..ثانيا متستخسريش اني اخد شوية حسنات من ربنا ان شاء الله ثالثا بقه متقوليليش يا طنط دي..قوليلي يا خاله ام محمد ...اتفقنا يا ديانا)
( اتفقنا يا خاله ام محمد..بس نتفق برضو متقوليليش يا ديانا..انا عائشه..قدام الناس اسمي ديانا بس مدام احنا مع بعض اهه يبقى عائشه)
( ماشي يا عيوشه ربنا يبارك فيكي ويحفظك ويثبتك يا رب.. متعرفيش انا حبيتك قد اي وارتحتلك كده وفرحتلك اوي)
( وانا حبيتك اوي والله..انا بحب حضرتك من اول ما شفتك اصلا..وبحب ساره برضو اوي.. و كلكوا يعني ..انتوا ناس طيبين جدا ربنا يبارك فيكوا)
( ربنا يحفظك يا بنتي ويهدي قلب ولدتك ووالدك للاسلام زي ما هدالك قلبك قادر يا كريم)
( آمين..يلا بعد اذن حضرتك بقه لاتأخر)
( طاب ما تصلي هنا..مش انتي اتوضيني؟واللا عاوزه تتوضي لسه؟)
( ايوه ..واحده صاحبتي علمتني الوضوء وكيفية الصلاة بعد ما خلصنا الكليه..واغتسلت اما جيت م الكليه برضو زي ماهي قالتلي..بس عاوزه اجدد وضوئي برضو ..وكمان عشان اتعود على الوضوء)
( ماشي يا حبيبتي خدي راحتك)
اتوضيت ودخلت اوضة ساره..كانت قاعده على سريرها بتذاكر..كلمتها شويه وصليت بقه عشان متأخرش..من اول الصبح لحاااااد المغرب طبعا صعب بالنسبالي شوية ..يدوب سلمت م المغرب قامت العشا مأذنة..صليتها وقعدت اتكلم مع ساره..هي اللي طلبت مني على فكره يعني.. عشان متقولوش رغاية..
( مبروك على الاسلام يا اُختي)
( الله يبارك فيكي يا اختي الصغيره..)
( دا محمد هيفرح اوي انك اسلمتي)
( ا...اا اشمعنا هيفرح؟!)
( عشان هو بيفرح اوي اما يسمع ان حد دخل ف الاسلام)
( يلا هستأذن انا بقه سلام يا سورة)
(لا إستني اقعدي معايا شوية)
(كده هتأخر)
(اقعدي اقعدي دا بيتكوا هناك اهه يعني مش بعيد)
(هههه هو انا تايهه عنه)
(بالله عليكي اقعدي معايا)
(مدام بالله .. ماشي هقعد معاكي شوية كمان)
(ايوه كده)
(قوليلي بقه يا سورة انتي ف سنه كام؟)
(انا ف رابعة ابتدائي)
(ما شاء الله)
(لا كبيرة انا)
(هههه لا صغيورة..رابعة ابتدائي لسه صغيرة)
(اممممم امال انتي ف سنه كام يعني مثلا؟)
(انا ف اولى)
(شفتي صغيره)
(هههه اولى جامعة)
(انتي ف كلية اي؟)
(اقتصاد وعلوم سياسية)
(يا سلااام.. مع محمد)
(ايوه)
(امممم.. بتشوفيه بقه وكده ف الكلية)
(احم ايوه..مهو معايا ف المدرج)
(طاب بصي.. هسألك سؤال بس تجاوبيني بصراحه وده سر بيننا)
(ا...ا.... اا ماشي اتفضلي)
(بيني وبينك كده......
هو محمد شاطر ف الكليه؟)
(ههههه هوووف ايوه)
(اصل الواد يااختي كل شويه يقوللي انه شاطر.. بس أنا بيتهيألي انه بينضرب كل يوم م المدرسين ف الكليه)
(هو انتي فاكره الكليه دي عامله ازاي؟)
(يعني.. زي المدرسه بتاعة الاعدادي مثلا.. ده الحكومه مظبطاها خالص ومخلياها اجمل م المدرسه بتاعتنا عشان هم اكبر مننا)
(هههههه لا الكليه مش زي المدرسه خالص..دي بتبقى زي فصل واااااااسع وفيه دسكات طويله خاااالص والعيال يقعدوا فيها وقدمهم زي مسرح كده بيقعد فوقه الدكتور ويشرح ف المايك)
( اي ده..بيقعد ع المسرح ليه..عروسه؟!)
( ههههههههه لا عشان يبقى عالى والعيال يشوفوه اوضح)
( وبيديكوا اي؟)
( بيدينا مواد هيدينا اي يعني)
( مبيدكمش حقن؟!)
( حقن؟!)
( مش هو دكتور يا بنتي..فتحي مخك شويه )
( هههههههههههه لا هو مش دكتور بشري يا هابله...هو زي المدرس كده بس احنا مش بنقولله يا استاذ..بنقولله يا دكتر)
( وليه الهبل ده يعني؟)
( هههههه هو اسمه كده)
( اسمه دكتور)
( مش اسمه اسمه يعني..قصدي بيتقالله كده..مش انتي بتقولي لبتاع الانجليزي يا مستر وبتاع العربي يا استاذ وكده..بتاع الكليه بنقولله يا دكتر)
( مااااعلينا..انتي بقه اسمك ديانا...اسم حلو..بس باين مش مسلم)
( ايوه..انا اسمي ديانا بس قوليلي يا عائشه)
( ماشي يا عايشه)
( عايشه؟! لا عائشه..زوجة الرسول صل الله عليه وسلم)
(اها انا بدلعك لسه هقول عا. ئي.  شا.  هه)
(ماشي يا ستي عايشه عايشه.. انتي بقه لمضه لي؟)
(مين ؟ انا؟!.. انا مش لمضه خالص)
(ياراااجل.. لا لما كنت بشوفك كنت بلاقيكي لمضه كده مع اخوكي)
(محمد؟.. دا اخويا الصغير بهزر معاه مش اكتر)
(ههههه ربنا يبارك فيكي يا سارة)
(يارب انا وانتي وخالي وخالتي)
(ههههه يارب..يلا همشي بقه عشان متأخااااارش)
( ماشي..بس ابقي تعالي على طول ..ماشي؟)
( ماشي يا حبيبتي ان شاء الله)
( اه..مامتك بتديني ف المدرسه على فكره.. بتديني حساب)
( بجد؟!)
( امال بهزر يعني)
( هههههههه طاب ماشي يا سراسير البلاعات..هروح بقه سلام انتي رغايه اوي)
( ماشي سلام..اصلا ورايا مذاكره وانتي معطلاني)
طلعت للصاله وسلمت على خالتو ام محمد وخرجت...
ع السلم قابلني الداع..يووووه ليه مصره اقول الداعشي؟! قصدي هو يعني..المهم..وقف ف جنب لحد ما عديت وطبعا عينه ع الارض وانا كمان ..اروى علمتني كده...بقيت انا على اخر سلمه تحت وهو على اول سلمة فوق..تقريبا والله اعلم قال مبروك..مش متأكده بيتهيألي سمعت كده..كملت طريقي للبيت..
( كنتي فين يا ديانا؟!. )
( ك...اااا كنت تحت شويه مبحبش تكتيفة البيت ما انت عارف يا بابا)
( اه..اصلك اتأخرتي يعني)
( معلش يا بابا مخدتش بالي م الوقت..آسفه)
( طاب يلا ادخلي كلي وذاكري شويه..عاوزك تجيبي تقدير حلو زي السنه اللي فاتت)
( حاضر يا بابا...بعد إذنك)
دخلت كلت وذاكرت شويه وقعدت اتفرج ع اليوتيوب على قصص اسلام النصرانيات..قصصهم حلوه اوي ومأثره ..يا ترى هييجي يوم واحكي قصة اسلامي كده زيهم..ااااه يا رب بقه ماما وبابا يعرفوا ويخلصوني..بس قلبي فرحان اوي اني مسلمه..طاييييره م الفرحه..لا تقوللي نجاح ولا افراح ولا ولاده ولا ولا ولا..من ساعة ما اسلمت ملقيتش الا كل الهنا..يارب...ثبتني يا رب...طبعا قفله الباب عليا كويس عشان بابا لو شافني بتفرج ع الڤيديوهات دي كأني بتفرج على بلاوي زرقه بالظبط..هيزعقلي اكيد..حطيت الطرحه اللي خالتو ام محمد ادتهالي على راسي وطلعت للبلكونه..اتأكدت ان مفيش حد من جراننا النصارى شيفينني عشان ميقولوش لبابا والا حاجه..ساره دي بنت طعمه اوي..ههههههه طعمة اي دي بريزيدو...دمها خفيف اوي وعسوله ربنا يحفظها ياااارب...طلعت ساره هي واخوها واقفين ف البلكونه..وكانت مش لابسه طرحه..وتقريبا هو نسى يذكرها..
انا( بسسسست..ساره)
هي بصيتلي واخوها دخل اوضته..
( نعم يا عا..يا ديانا )
( البسي طرحه عشان ممكن حد يشوفك)
( حاضر..)
هي دخلت جوا وانا فضلت واقفة..