حاجة وحشة اوي
لما تكون فرحان بحاجة حصلتلك وتستنى بس كلمة وحدة او حتى ابتسامة من اقرب حد ليك ومتلقيهاش ..
حاجة وحشة اوي
لما حد كان بيعنيلك كل حاجة وفجأة يسيبك ويرجعلك بعد فترة يقولك محتاجك ..
حاجة وحشة اوي
لما الناس اللي المفروض تكون اول حد يقف معاك حتى لو كنت غلط !! بتكون اول حد يقف ضدك ..
حاجة وحشة اوي
لما تحس انك من كتر ما تعبت خلاص مش قادر حتى تعبر عن زعلك او عن حاجة جواك بتوجعك ..
حجات وحشة كتير بنحس بيها ، دورنا على حلول كتير ، اشتكينا لصحاب كتير ، دموعنا نزلت كتير ، وقعنا كتير ، انكسرنا كتير ، تعبنا كتير واستحملنا كتير ، ولسا!!
ولسا عايشين ..
موقفتش الحياة لما حد حبيناه سابنا ..
موقفتش الحياة لما حد مكناش نتوقع يخذلنا وخذلنا ..
موقفتش الحياة لما وقعنا وانكسرنا ..
موقفتش الحياة لما كنا محتاجين ايد تتمد لينا ومتمدتش وضعنا ..
موقفتش الحياة لما حسينا ان احنا عايشين في الدنيا دي لحالنا مش معانا اللي يسندنا ..
موقفتش الحياة لما انجرحنا ونزلت دموعنا ..
الحياة مبتوقفش .. الحياة ممكن تفقد معناها اه ، بس الحياة مستمرة ، ممكن ننكسر ، بس هنعيش طول عمرنا مكسورين ؟ طول عمرنا بنزعل ؟ وبنتضايق ؟ وبتنزل دموعنا من نفس السبب ومن نفس الاشخاص ومن نفس الذكريات مبنزهقش ؟
لأ هوا احنا زهقنا وتعبنا وفاض بينا بس قلوبنا لسا بتتضعف ، ولسا ارواحنا بتتألم ولسا جروحنا ملتأمتش.
