اوقات بندي لنفسنا قيمة كبيرة اوي عند الناس اللي بنعزها وبننخذل ..
شعور بيوجع بجد لما تكون فاكر نفسك حاجة مهمة عن حد ، وتلاقي فيوم إنك مكنتش اي حاجة ليه ..
شعور بيوجع بجد لما تحس انو وجودك فحياة حد غالي اوي ، وفيوم تلاقيه بيبيعك ببلاش ..
شعور بيوجع بجد لما تنزل دموعك لمجرد انك سمعت اسم حد عشان وحشك فحين انو لو اتقال اسمك مليون مره قدامو ممكن ميفتكركاش حتى ..
شعور بيوجع بجد لما تدي لحد قيمة كبيرة وتراهن عليه الكل وفي النهاية يطلع أسوأ من السوء ذات نفسو ..
شعور بيوجع بجد لما تحس انو دمعتك غالية اوي عند كل اللي حواليك وعند الشخص اللي بتعزو وبتحبو بجد بتكون ارخص ما يمكن ..
شعور بيوجع بجد لما تكون موجوع ومش عارف تعبر عن اللي جواك كويس ..
شعور بيوجع بجد لما تكون موجوع بسبب حد مجتش فبالو حتى ..
شعور بيوجع بجد لما تكون بتحاول تسامح شخص وجعك اوي ومش قادر ..
حجات كتير اوي بنحس بيها بسبب ناس اعتبرناهم كل حاجة فحين ان احنا كنا ولا حلجة عندهم ، هل الغلط فينا لأن احنا صدقناهم ؟ او لان احنا اديناهم قيمة كبيرة وكبرناهم فعينا اوي ؟ او لان احنا عاملناهم بقلوب صافية ؟ او لان احنا حبيناهم بجد ؟ او لان احنا خليناهم اولى اولوياتنا ؟ او لإن احنا ضحينا بكتير عشانهم ؟ هل الغلط فينا انو احنا كنا بنكلمهم بقلوبنا مش بعقولنا ؟ حتى لو كنا عارفين انو الغلط مش فينا هنفضل نقنع نفسنا بغير كدا عشان نحطلهم أعذار ، أو عشان مش قادرين نصدق الحجات اللي بدأت تكون واضحة جداً لينا وقد ايه احنا ملناش اي معنى عندهم .. الحقيقه ! احنا بنضحك على نفسنا بس عشان منندمش .. الفكرة مش فكرة احنا مش فاهمين ولا ان احنا مبنفكرش صح ولا ان احنا عايزين نحطلهم اعذار وخلاص الفكرة ان احنا حبيناهم بجد فمش عايزين نخسر شعورنا الحلو ناحيتهم حتى لو خسرنا وجودهم كأشخاص فحياتنا...
