اكتر حاجة ممكن تتعب نفسية الواحد انو يكابر بشعور هوا حاسو سواء ناحية نفسو او ناحية اي حد ..
المشاعر توجدت عشان تتقال
خايف انكسر
خايف اتوجع
خايف انخذل
خايف الشخص ده يبعد عني
خايف اترفض
خايف احرج نفسي
خايف اكون سبب فإن علاقتنا تخرب
خايف اخسر الشخص ده
خايف وخايف وخايف
دي كلها حجج حجج حجج
الحب ، الفضول ، والخوف وحجات تانية كتير مجرد ما تختفي الانسان بكون وجودو زي عدمو بمعنى اصح بكون في عداد الموت ، طب ليه ؟ لان مفيش روح ! هتكون حياتو عباره عن روتين ، عبارة عن مشاعر بتقيدو وبتخليه يمشي فمسار معين ميقدرش يطلع منو رغم انو عندو القدرة .. بتبدأ الحياة تتجرد من كل معانيها ..
ببالغ ؟
لا
ليه؟
لان ده كلو بيندرج تحت خانة الكتمان اللي بيولد تراكمات كتيرة
جداً .. التراكمات دي بتوجع اوي ، مرة على مرة على مرة الواحد بيفيض بيه والنفسية بتتعب ، بيعزل نفسو وكل حاجه صغيرة وكبيرة بتجرحو بينجرح اوي وفلنهايه يقول حبي للشخص ده هوا السبب انا انجرحت بسبب مشاعر اديتها لشخص غلط وكلام زي كدا كتير .. وفي الحقيقة سبب كل ده الكتمان ، سبب كل ده المكابرة ، سبب كل ده الاوهام اللي بنبنيها وبنحطها زي حواجز قدامنا بايدينا ..
معتقدش انو في حد ميعرفش الكلام ده كلو بس فلنهايه بنرجع وبنختار الحاجة اللي بتوجعنا مش لانها اسهل بس لان احنا بنفكر غلط ، بنفكر ان احنا لو اتكلمنا مش هننفهم ، لو قلنا هننخذل ، بنفكر في الاحتمالات الوحشة قبل الحلوة وبنخليها تسيطر علينا فبنختار نبعد وبنختار نتجاهل وبنختار منقولش .. والسبب؟ اوهام بنيناها على اساس كلو غلط في غلط .
