#شهكة_حزن
البارت السابع
للكاتبة ام مصطفى
خالتي انتقلت البيتها
واني كملت اخر سنه الي وتخرجت الحمد لله بقيت مخطوبة فترة
ست اشهر تقريبا
بوكتها جنه بشهر شعبان
خالتي كالت جاينه رمضان والعيد
اريد ازوجكم قبل رمضان
شدكولون
امي كالت الها بكيفج عيني احنه ماعدنه شي
لعد باجر اخذها تكمل نيشانها والذهب
بوكتها بس حلقه جانت عندي
بالليل خابرت مهاجر كتله اكولك
تروح وياي نشتري ملابس
كال شسوي رايح اني انتي روحي اشترث الي يعجبج اني ملتهي
هالايام
كتله بشنو
كال كو قدمت ع الحرس وطني
وكاعد اركض بيها
اييي يا الله لعد ما اضغط عليك اخذ راحتك
ثاني يوم اجت خالتي تاخذني نشتري الذهب
ابوي دخل عليها كلها لا تكلفين نفسج اشتريلها اشياء بسيطه
والباقي كملي احتايجاتج بيها
شسوي بالذهب هي
احنه نشتري زلمة
رحم الله والديك ابو رغد والله انت نعم الاخو
خالتي مصدكت
اخذتني وراحت
وكامت تجيب ارخص شي
مكلف الذهب مليون زنجيل خفيف ريشة
وحبس نص مثقال
وتراجي
صارن بمليون وملابس تنزيلات
شكو محل تنزيلات تدخل تشتري وتطلع
حتى متاخذ ذوقي
هذا حلو ورخيص وتشتري
رجعت مقهوره
البنيه هي فرحتها بنيشانها تشتري ع ذوقها هي مره بالعمر تجي
احس اول شغله انحرمت منها وماخفي كان اعظم
بدت شغلت البدلات والصالون
ردت اجر للحنه بدله
جان دكول احنه منسوي حنه هي حنه هي عرس
ع شنو بعد ماجره بدله
ليش خاله اريد اعزم صديقاتي للحنه
كالت مانسوي حنه
حجيت ردت قفلت
كلش انقهرت خابرت مهاجر
حجيتله كال والله بكيف امي
لان هي الي تصرف علي ومااكدر احجي
وبعدين صديقاتج اعزميهن للعرس
كتله وين بيتكم كلش صغير
كال ديله ع اساس بيتكم قصر هو نفس المساحه
حبيبتي شلج بالحنه هاي اشياء شكليه
اهم شي انتي راح تجين يمي
وبقى يتغزل وغير الموضوع
كلت يله مو مهم
اجرت بدلة حنه من عندي كلت البسها اني اخذ صور بيها وبعدين البس بدلة العرس
وحجزت صالون
امي تكفلت بكلشي
خالتي تدك اليتيمة يمها كل شويه ماعدي وماعدي عاد امي
كالت الها اني من عندي الفلوس
وصار عرسي يوم ١٥ شعبان ذكرى ولادة الامام المهدي عج
عزمت صديقاتي ومدرساتي
ووووو...
كلش حلو صار العرس امي
سوت الغده منها الهن
والكيك والشربت هم منها
ع ابو ابن اختها وماعدها
ومحد اله مهاجر ابوه ركض وره الايرانية
وعافهم وماسئل بيهم
امي تكفلت بكلشي
اخواتي خطيه كومه جهزلي منهن ملابس
وشغلات اشترولي
وهدايا اشكال الوان
خصوصا رغد صرفت راتبها علي سوده عليه
جانت كلش حنينه وتحبني ...
اجت الزفة
سمعت صوت الهورنات ونقفص كلبي
شكد شبعت قهر وظيم بهذا البيت
بس امي واخواني كل تفكيري بيهم
شلون راح اعوف امي ورضاوي
اختنكت بعبرتي
خصوصا من شفت امي تمسح يدموعها
