#شهكة_حزن
البارت التاسع
للكاتبة ام مصطفى
كتله شنو امي شعليها تدفع غير ابنك هو
امي مملزمة تدفع
خالتي حجت لعد جيبي بالعام بلاش
شنو اله خاص
ا
خاله مو اني وضعي خاص عندي تسمم صاير ميصير
وهاي التقارير والسونرات يمج
اخذوهن وروحوا شوفوا
اي ماعدنة منين نجيبلج قابل نبوك احنه
ليش خالة راتب مهاجر خير من الله
ميكفي مطلوبين ع البيت ونوفي جاي بيه
كتلها الله كريم
رجعت لهلي مقهوره
طول الطريق ابجي ع قسمتي
حجيت لمي كالت لا تضوجي ماما
شكد الفلوس من عندي
لا ماما ليش
يعني فوك مياخذ نص راتبي
وماينطيني مصرف الي
هالنوب ميدفع فلوس العملية
فدوه بنتي بله مشاكل ابوج لا يسمع
والفلوس تروح وتجي هسه كومي بالسلامة والله كريم
كلش انهضمت بوكتها
اجت رغد اختي وهم حجيت الها ضلت تتحسب ع خالتي
كالت شورطج وياها طول عمرها حاقده
على امي
شسوي غير حظي هذا
كلة من ابوي راد بس يزوجني
منو الي اني مدكوليلي
ورجلج الشفية
يكول ماعدي كوليلة اداين
باعي جنان لا تخلينه ينتكل عليج
وع امي لا تعودينه
خلي يحس بالمسؤولية
خابريه
عاد صدك خابرته
كتله ادبرلي فلوس العلملية
كال ماعندي منين اجيب
اداين روح سوي سلفة مااعرف المهم دبر
كال راح اخابر صديقي
والله كريم وارجعلج خبر
سديته منه
كالت هاا
قنعته يداين اي عفية عليج جذاب لج عنده فلوس
هو عنده بس يم امه متنطيه يخاف منها
هسه يداين وميجيب منها
كبر شكد خنيث
شسوي اسكتي كل خير مابي
جن المقسوم ع امي انقسملي
بس لا هم يدور
مااعرف شاكة بيه
لج جنان ديري بالج تسكتين ع هيج شي
شوفي امي سكتت ع ابوي وطيح حضها
بعد متكدر تحجي
تضلين طول العمر هيج
اووف اني هم اكول بس هسه ممتأكده
اذا تاكدتي ابد لا سكتين
لا ماااصير ميادة ثانية ابد
ثاني يوم خابرني مهاجر كال ادينت الج ٥٠٠ الف
كتله اي يا الله منين
من صديقي بس نص انت توفيهن ونص اني
كتله ميخاف يمعود
عيب من امي كله اخذ منها
كال ماشي شوكت العمليه
عكب باجر ان شاء الله
يله حبيبتي مع سلامة عندي شغل
الله وياك
فرحت لن جاب فلوس
بس بعد مخابر ولا بين ليوم العملية الصبح خابرته قبل لا اطب
فتح خط
كلتله شنو لا خابرت لا اجيت
لا جبت افلوس
كال اني عندي خفر
ومكدرت اجي ادفعوا منكم واجي انطيج
وامي راح تجيج همة
ضجت منه كتله معقولة اسوي عملية وانت متوكف ع راسي
كال اكلج خفر وانذار
مااكدر اجي للعصر يله انزل
هو جذب ادري بيه لا خفر ولا انذار
اصلا مخلصها ونسات وطلعات وي اصدقائه
ينطي فلوس وينزل حتى الدوام ميداوم
ضجت وسديته منه
الدكتوره اجت
ماما وياي خطيه جايبة الفلوس حاسبة حساب تدفع
انطت وصل ب٧٥٠ الف
وكالت ادخلي ماما للصاله
