#شهكة_حزن
البارت العاشر والاخيير
للكاتبة ام مصطفى
لكيتها تراسل ولد بمبايلها
ضربت ع خدها خالتي دهر صابج ولج صدك
يمةةةةة منج بت حبيب العرج دساس ثاري
عطت كااافي ابنج جذاب جذاب
ابنج شاذ لواط
ضربني دفره ع حلكي
كمت ع حيلي اطيني مبايلك
اشوفه لامك
شوفي مبايله شلكيت بيه
ابنج الزين يصور نفسه لولد
وعنده صور جنسي وي ولد
صاحت
انجبي ولج ص... فوك شينج انوب اذبين جذب ع ابني
مااجذب افتحي مبايله
خلي يشوفج سوالفه
والله دقيقه ماابقى يمكم
انت شيطان انت عار
كام هو وامة يضربون بيه
ملخوني تملخ
كمت اصرخ اخذوني لهلي لا احرك روحي
خالتي كالت كومي س.. اوديج لابوج
هو يصرف
والله اله اشهركم شهيره
جان يكول كلمة وحده منج تطلع
اكلهم لكيتها تخابر ولد وافضحج فضيحه
اندارت امه عليه يعني شنو انت ملكيتها تراسل
كتله مو بعيده عليك
الي ميخاف الله كلشي يسوي
وديني لهلي لعبت روحي منك شاذ
صاح يمةةةةةةة طلعيها منا وبعد مااريدها
كتله ومنو يريدك اصلا
لبست عباتي
وخليت كم حاجه بجنطة وطلعت
طلعت وراي عمتي
صعدتني تكسي
شمرتني ابابنه ورجعت بنفس التكسي
نزلت اوون وابجي
احس نفسي بكابوس
بحلم اسود اريد اصحى منه
اريد ارجع مااعرفة ولا مزوجته
اريد امسح كولشي يذكرني بيه
كمت اعيد شريط الذكريات
صور الحاسبة بس ولد
عمار وتعلقة بيه
البيت الجان ياخذ جماعته ويروح
الصور
شكد غبية اني معقوله هسه انتبهت
كلشي جان واضح كدامي
بس ما انتبهت لا مامتوقعة هالشي
معقولة اووف يربي وين اني وين
دخلت لهلي امي شافتني صرخت
يمة شبيج
ركضت ذبيت ابني الي يصرخ
ورحت حضنتها
ماما جاي اموت ماما روحي جاي تطلع
اسم الله عليج بنتي الرحمن الرحيم
يمة حبيبتي من هيج مسوي بيج
مهاجر ماما
تنكسر ايدة كون الله لا يوفقة
شلون هيج يأذيج وانت حامل
ماما مو مهم الاذى الجسدي
روحي متأذية اكثر
ماما متت اني متت
وج اسم الله شبيج احجي
حجيت لامي الصار
يااااا معقولة
خاف متوهمة
لا والله ممتوهمة شفت بعيني
يعني هو شفتيه
اي اعرف جسمه
صح وجهه مطالع بس جسمه وضهره
اعرفة كولش زين
ماما هسه ربطت كلشي
ابن اختج من قوم لوط من الشذوذ
يااا يمة لا دكولين هيج
عندج ولد وباجر يجي بعد طفل
لاتحجين عليه هيج
اليسئلج كولي نسوان شفت بمبايله
هاي السالفة جبيره تره وتهجم بيوت
اخخخ ماما روحي محتركة
اريد املخ روحي اريد اصرخ
اريد اطلع الحسرة من كلبي
تعالي يمه جرتني لحضنها
صرخت اخخخ
شبيج
ايدي ماما ضربني بطابوكة
وتوجعني موتتني
الله لا يوفقة
كلة مني اني زوجتج اله
لو مطيتج لابن عمج ولا هو
والله انعام اشرف من بتول
لج ماما فوك كل هذا يتهمني بشرفي
يطلع حجي علي
يريد يسد سالفته
وخالتي طابكة وياه
يكل خ... يروخلج فدوه ولتربيتج
دخل موسى شافني مدماية
هاااي شبيج
بجيت
احجيي شبيج ولج
امي كالت مهاجر كاتلها
وليش شنو تايهتله والله اله اسحلة سحل
عوفه يمةة لا تسوينه مشاكل
اني اصرف
خابر اختك رغد تجي تاخذ اختك للمستشفى
ايدها توجعها
كام يدردم موسى وبسيطة
امي عاطت بيه لا تدخل انت
سكت وخابر رغد
ساعه واجت هي وياسر
شافتني وكامت تسب وتغلط ع خالتي ومعاجر
اخذوني للمستشفى حامل ميصير اسوي اشاعة
انطوني عصارات وباندج لفيت ايدي
وضربوني ابره
طلعت للدكتوره اخذت سونار
كالت مابي شي الطفل انت حامل بالشهر السادس
وبيج ولد
مافرحت من كالت ولد كرهت الولد من وراه
رجعنا للبيت
رغد وجهالها بقوا يمنا يومين
