#شهكة_حزن
البارت الثامن
للكاتبة ام مصطفى
رجع قبل الفطور بشوية
خليت اني الفطور محجيت شيى
كلت اطب لغرفتي واحجي
بس متنكة عليه
يحجي وياي كوة احجي
خالتي لاحظت
ضلت تضرب بسامير
رافعه خشمها ومدري شنو
محجيت عفتها
خلصت وفتت للغرفة
سديت الباب
كال شكوو شبيج مو ع بعضج
اني هنا انفجرت بجي
كال شكووو
كتله مهاجر انت تشرب
صفن بوجي شنو اشرب منو كلج
مهاجر انت تشرب وعندك سوالف نسوان
شفت كلشي بالحاسبه
عاط وانت منو سمحلج تشوفين خصوصياتي
كتله انت واني واحد اتصور
ماكو خصوصيات بينه
وبعدين لا تغيير الموضوع انت تشرب
كال هاي قبل قديمة الشغله وانتهت هي كم مره جانت طيش وتبت والحمد لله
وهاي البنات شنو
اكلج تره ماكو رجال ماعنده ماضي وهاي السوالف
بس هسه صار ماضي وخلص الج بالحاظر عود اذا شفتي شي الج حق
كمت ابجي كعدت كعود
اجه حضني وجر ايدي باسها
حبيبتي والله اكلج ماضي وانتها
انتي هسه حبيبتي زوجتي وماعندي غيرج
شسوي بالنسوان وعندي هالجمال هذا كله
كام يبوس
واسف اني صوجي مامسحهن
وماعندي هسه شي والله ونسيت
وووو
كول صالحني وسلمت امري لله سبحانه وتعالى
مشت الايام وخلص رمضان
هنا فاتتني الدورة
رحت حللت طلعت حامل كلش فرحت طرت فرح
ومهاجر وخالتي فرحوا
خابرت امي بشرتها
جان دكول الف مبروك بنيتي
بقت تحجي وياي
كالت عندي صديقتي فتحت مدرسة اهلية
وتريد معلمات واني كتلها عليج
وهي وافقت كالت مدام بنتج خلي تجي
تقدم اوراقها
صدووك يوم
اي والله باجر تعاي واخذج الها
اييي ان شاء الله يجي مهاجر واكلة
مهاجر بالدوام
رحت كلت لخالتي
كالت وشكد يطوج كتلها مااعرف والله خالة بعد مسائله
مو مهم عندي شكد المهم اداوم احسن مكاعده
كالت وشغل البيت عليمن يضل
خالة والله اخلص كل شغلي واروح بعد شتردين
يجي مهاجر ونشوف
سوده علي هالايام يتعب
عمت عيني وليدي
كون يكعد ويسكت مدام انت راح تشتغلين
يااا خاله مصدكنا توظف شنو القصة
والله ابني بزر دلال اني مدللته
مو مال شغل بسرعه يتعب
وين جان نهار كله ونسه وطلعات وي اصدقائه هسه انحرم
وين انحرم خاله
اشو يجي من الدوام يروح لنص الليل يجي
لعد شترديه بت حبيب تردين تحبسيه
اسم ابوي جان بسمار
ضربتني بيه
سكتت عفتها وكمت
من اجه مهاجر حجيتله
هم كام يشرط علي
نص الراتب الي
وشغل البيت تكمليه يله ترحين
كتله ميخالف بس خل اداوم
لان مهاجر مينطيني فلوس
خالتي تاخذ الراتب عدها تضمه
وبس من مهاجر يريد
تنطيه
المهم رحت والمديرة رحبت بينا ووظفتني وداومت
خاله تدور حجح علي
لازم اخلص كل شغلي يله اروح
حتى الغده الله يشهد علي اسويه
واروح حتى ارجع بس احميه
وهاي يوميه تشهى علي اكله شكل
واني حبيت دوامي وطلابي
مااريد اعوفهه بعد
تعودت ع خالتي وخباثاتها
وبس احجي شي تعيرني وامج هيج صبرت وهيج وهيج وحفظت الكليشة مالتها
فديوم رجعت من الدوام
خالتي تغدت وكالت رايحة لمي اشوفها
ع بيبي
مهاجر تغده وطب نام ع الجربايه
اني شغلت قران بمبايلي
وخليته بالصالة كلت خل انظف
شغلت الغسالة خليت ملابس بيها
وكعدت انضف بالمطبخ
واسمع قران كلش احب اسمع للقران
بعدين اذكرت
ملابس مهاجر معلكات وسخات بالغرفة
كلت اجيبهن
رحت فتت للغرفة لكيته
يخابر متغطي جوه البطانية
ويحجي كلمات سخيفة
احس روحي راحت
ورجلي مااكدر اوكف عليهن
عطت مهاجر منو هاي
رساَ طفر هو كال شكو شبيج
هاي منو تحجي وياها
كال ماكو وحده دكت الرقم غلط
وحجيت وياها
وهيج تحجي وياها سخيف
لا اشتقي لان كالت الرقم غلط
انت تشوفني جاهل كدامك تقشمرني
ليش هيج مهاجر
مو كتلك كلشي ولا هاي السالفة
لاتخرب حياتنه بهاي السوالف ليش ولك
كمت املخ بروحي
كعد كبالي اسف حبيبتي والتوبه
ودنك ع ايدي باسها
عليج القران بس هالمره سامحيني توبه
كلبي طيب انقهرت عليه
جان يحجي ويرجف يريد يبجي
كتله اوكي سامحتك
بس وديني لهلي
كال مااوديج تردين تحجيلهم
لا والله بس مااكدر ابقى هنا اليوم
خلي اروح احضن رضاوي وانام
طبعا رضاوي اخوي الصغير كلش تأذى من ازوجت
وبس يبجي علي واني هم افكر بيه
كام يحلفني مااحجي واني احبج
واسف مااعرف هيج راح تتأثرين
كتله تعرف اني صايره بيه عقدة من هاي ابسوالف مااريد تنعاد علي
حلف توبة ومااعيدها
لبست ورحت لهلي
بس كولشي محجيت
لامي
كتلها جاية تعبانه ماما ومالي خلك
كلت ابات يمكم
بتت صدك يمهم وثاني يوم اجه اخذني
لكيت خالتي جاية
وكالبة وجها علي ومتتتحاجه
عاد تعودت عليها عفتها
وهيج مرت ايامي
بدت بطني تكبر وحملي ثكيل
شو بديت اورم ورم مو طبيعي
رحت للدكتوره كالت زلال حمل
مهاجر كام يرجع العصر من الدوام
ويطلع ميجي اله نص الليل
احسه صار بارد وياي
حتى ميتقرب يمي
كمت اشك اكثر بيه
واذكر سوالف ابوي
اشبع قهر
من احجيله اكوله شبيك ووين تروح
يكلي انت مريضة نفسيا
عبالج كل الناس مثل ابوج
لزم علي هالحجاية لزمه
كمت اشك بنفسي
اكول يجوز صدك اني مريضة
بس هو مبين عنده شي
مبايله كله قفل يسويله
ومايرجع اله نص الليل
وينام كبل
لايكول شرايده شمحتاجه
لا يسولف وياي يرجع ينام كعد الصبح راح للدوام
نفس الروتين
اني تعبت صار عندي ضغط من التفكير والتعب والارهاق
احجي ابتلي ع عمري هو خالتي
يكولولي مو عبالج الزلم مثل ابوج كلهم
بقيت اسكت واكل بروحي اكل
الى ان صار عندي ظغط حملي
خالتي سجلت للعمره وعافتني وراحت
كمت اورم اكثر
رجعت الدكتورتي سوتلي تحاليل
كالت صاير تسمم بالورم
اله عمليه يله تجيبين
جنت شهر الثامن بوكتها
مهاجر طلعت عنده دورة بالنجف عشرة ايام
ذبني يم اهلي وراح
عشرة ايام ولا يخابر اله اني اخابره
ولا يسئل شنو محتاجه
شبعني قهر ولا جني مرته وحامل ومريظه
رجعت خالتي من العمره هي وبيبي
ورجعت للبيت
خالتي شافتني مورمه
كلي من الكعده نهار كله لا شغل ولا عمل
كتلها خاله كل هذا الركض ولا شغل ولا عمل
يااا وانت متعجبه ع خمسين المتر الي تنظفيه
الله يرحم ايام زمان
اسئلي امج شلون جانت عيال ودوام ومصايب ابوج
يبووي خاله اعرف اعرف ابوي كواد وعنده سوالف ماكو داعي
تذكريني كل شوية تعبت تره
رجعت يم اهلي
امي كضتني تشكيلي من ابوي
هيج لكيت بتلفونه رسائل
والليل كله يخابر بك.. ويواعدها
وتبجي
كتلها كافي ماما عوفيه ماتعبتي منه ع شنو تغترين عليه
كالت ابجي ع حضي يعني كبرت وازوجتن وهو ما مل ولا بطل سوالفة
شوكت يلتفت النه ماادري
ماما فدوه عوفيه لخاطر الله
ابو طبع ميغير طبعه ....
وره اسبوع الدكتوره حددتلي موعد عملية
مهاجر رجع من النجف
امي كلتله ع الدكتوره
كالت عمليه كلها اي خلي تسوي عادي
اخذني للبيت ورحنا
حضرت اغراضي وملابسي
خالتي تكلي شنو عمليه انتضري
كتلها خاله مشوفيني شلون وارمه
ميصير اله عمليه
قبل من يمي هالحجي غير الدكتوره
حددتلي
جان دكول والعملية ابلاش غير بفلوس
منين نجيبلج
كتلها ليش رجلي مو عده راتب
وين يكفي الراتب مايكفي
اذا تردين تسوين عمليه خلي امج تسويلج ع حسابها احنه ماعدنه
التفتت عليه
شنو مهاجر
جان يكول اي صح منيلنه احنه
امج خلي تدفع
وللحكاية بقية
ام مصطفى
