قصتنا الجديدة
#شهكة_حزن
البارت الاول
للكاتبة ام مصطفى
مرحبا اني جنان
حبيت احجي قصتي الكم حتى تستفادون من تجربتي بالحياة
راح ابدي وياكم من قصة امي وابوي
امي ميادة مواليد ٦٦
اتقدم الها ابوي حبيب مواليد ٦٣
جانو اقارب امي من عشيرتها من بعيد يعني
وجيرانه بنفس الدروبونه
ابوي خال عينه ع امي
بس امي محجوزة لابن عمها
تعالو وياي نتعرف ع قصتها .....
..........
ابو جواد اليوم بيت ابو فاضل اجوي يخطبون ميادة لابنهم حبيب
انت شتكول
ليش ميادة مو منطيها لابن اخوي محسن
وحاجين عليها من زمان
-بس البنية متريدة دكول مااريدة
-سئلتيها انتي
-اي والله من غير مااسئلها وقبل لا يجون بيت ابو فاضل عليها دوم دكلي يمة محسن مااريدة
لعد شلون خاف اخوي يزعل
ماادري انت وبنتك اني طلعني خاف احجي
ويكولون امها هاي تأثر عليها
صحيلي اياها
اي صار هسه اصيحها
ميادة ميادة
وينج بنتي
ها ماما
تعالي بنتي ابوج يريدج
شكوو
ع مود شغلت محسن
اوو ماما كتلج مااريدة
استحي احجي وي ابوي انتي احجي بمكاني
بنتي انتي جبيرة وفاهمة ومعلمة
شنو تستحين
وهذي حياتج وانت الي لازم تقررين
محد راح يعيشها غيرج
زين ماما
تعالي لعد كولي لبوج مااريدة وخلص
ميادة: رحت لابوية وكفت يمة بس كلش مستحية منه
كتله هاا بابا رايدني
-اي بنتي اكعدي كبالج
حاضر
بوية انتي صرتي جبيرة كملتي دراستج وتوضفتي واني تاركج ع راحتج ماضاغط عليج عايفج ع مايج مثل ميكولون
بس بنتي عمج كل فترة وفترة يفاتحني
بموضوعج انت ومحسن واني اأجل
وهسه بيت ابو فاضل رايديج
لحبيب
انت شدكولين
يابة اني محسن مثل اخوي مالي نفس بيه وعمي ع عيني وراسي
بس زواج غصب ميراد
واني مااريدة لمحسن
لا بوية منو يكول غصب انت براحتج
وحبيب شدكولين عليه
يابة خوش ولد ماشايفه عليه شي
وانت بكيفك
والله ابوه من عمامنا الكبار وولدهم خوش ولد
اني ماعدي اعتراض عليهم
بس خلي لشوف شلون تفض وعي عمج
لان هسه يزعل اكيد
انت اصرف يابه
كمت من ابوي واحس جبل وانزاح مني
محسن مااريدة
وحبييب بيني وبينه نظرات
وقبل فترة كلي راح ادز اهلي يخبوج
هزيتله راسي بالموافقة
يارب اخلص من بيت عمي وتصير خطبتي ع حبيب
لليل ابوي دز ع عمي
كلة البنية ماقابله بمحسن صراحة
واني مااريد اغصبها
وبيت ابو فاضل جايين عليها
هم مااريد اوكف بقسمتها
ابو جواد جا حبيب احسن من محسن وترضى بيه
مو هيج خويه بس الكلب ومايهوى
هي ماهوية محسن دكول مثل اخوي حاسبته
هذا شلون حجي يعني عاشكة حبيب هي
ومن شوكت احنه ناخذ شور النسوان
شنو هالحجي شنو عاشكته
خويه كل مافي الامر البت ماهاويتة
لف عبايته عمي وكام
وزعل
شايفين خير انت وبتك
طلع من البيت بعصبيه وزعلان
