#شهكة_حزن
البارت الثاني
للكاتبة ام مصطفى
بعد.اسبوع اجاني حبيب
كال يله نرجع للبيت
عاتبتة ليش ماسئل عني كل هاي الفترة
كال جنت اشتغل وارجع تعبان
وانام كبل
كتله نص ساعة متاثر عليك يعني بنفس الدربونه اني وياك واسبوع متمرلي
متكول شمحتاجة ممحتاجه
كال كتلج جنت بالشغل
هوجان يشتغل عمال بناء
كال لازم. بيت واشتغل
امي غمزتلي اسكت كالت الله يرزقك وليدي
وانت ميادة شيلي بنتج وارجعي لبيتج
اخذت بنتي ورجعت
تلكتني عمتي كل الهلاه بيج بنيتي والحمد لله ع سلامتج
الله يسلمج عمة
دخلت غرفتي وسخة وريحتها تكتل لعبان نفس
خليت بنتي يم عمتي
واستلمتها تنضيف
ريحة الجكاير تكتل ونزلة الجرباية مطكعة وسخ ولعبان نفس شنو هاي ويع
دخلت مرت حماي انعام
ها الحمد لله ع سلامتج
كتلها الله يسلمج
واكفة واني انزع بوجوه المخاد
سدت خشمها
كالت لعبت نفسي لو اني منج اذبهن بالزبل
كتلها ليش
لا اغسلهم ويتنضفن
اووي شلون نفس الج
معرفت شنو تقصد
كملت تنضيف وخليت بيها بخور
انعام وسحر يتبسبسن وكلما اوصل يمهن يسكتن ويتبسمن
مااعرفت شنو شعدهن
المهم بدة حبيب يتغير علي وعصبي
وياخذ الراتب مني
وحتى اذا جبت من اهلي هم ياخذهن
نسوان حماي شادات وياي فد شدة
لان اداوم شكد حاولت اطلع منهن مكدرت
جانت حرب ايران وفلوس ماكو
والفلس الي يصير عندي ياخذة حبيب مااعرف وين يوديهن
اختي ازوجت محسن
ورحت لعرسها فرحت الها
جاتت فرحانة حسيتها بدت تحب محسن وتعلقت بيه
ارتاحيت من شفتها هيج
كل شوية اباوع الها واتبسم واكول الف الحمد لله
بقيت يومين يم امي بهاي الفترة اخوي جواد ازوج
واخوي الثاني خطبنالة
فمرت جواد تتنحس من اجيهم رغم اني
مالي علاقة بيها ابد وماادخل بيها وباخوي
ردت بس حبيب يجي ياخذني
واني مااكدر اروح بالرغم بيتهم قريب بنفس الدربونه
بس هو محذرني بالج واياج تجين وحدج
يكون طلاكج ه جيتج
اني اوديج واني اجيبج
وهو من يجيبني يعوفني يومين يله يجي
بقيت انتظرة بنتي رغد شلعت كلبي
احسها صخنت
مااعرف سنون جاي تطلع الها وبس تلوع بيدي
امي كالت اوديج اني لعيالج ومناك خلي حبيب ياخذها
لا يمةة فدوه ميقبل
هسه يبين شسوي انتظره
ميصير هيج يابنتي
انتم ذول بصفنا
شلون ميقبل ترجعين وحدج
يغار علي ماما
شيغار لج لعد مو ترحين لدوامج وحدج ميغار
هااا والله ماادري
السالفة بيها ان هذا رجلج عنده شي مو خالي
شلون يعني
ماادري
ماما فدوه لا تقلقيني اكثر والله تعبت وكرهت عيشتي
فوك مكاعد لا شغل ولا عمل وفوك مياخذ راتبي
هنوب ميتحاجه ويتعصب ويغلط
وهسه انتي تشككيني بيه
الله يساعدج بنيتي ميخالف تحملي المره الزينه تتحمل
