#شهكة_حزن
البارت الرابع
للكاتبة ام مصطفى
.....جنان.....
حجيت الكم نبذة مختصرة عن حياة امي
وهسه راح ابدي بقصتي
من وعيت ع الدنيا واني اشوف ابوي يضرب امي ويضربنا وعصبي
مافديوم حسيته يحبنا لو حنين علينا
بس غلط وصياح وضرب
عشنه حياتنا يم بيت جدي اهل امي اكثر من ابيت جدي اهل ابوي
جان عمري تقريب ٦سنوات اذكر مره
قبل لا انشيل ابيتنا
جانت امي يم بيت جدي
واحنه نلعب اني ورغد وسهى ومهاجر ابن خالتي بتول وبت خالي كوثر
نلعب بالحوش ختيلان
مهاجر ختل وره المبرده
مااعرف شلون حركها ووكعت من مكانها
جانت خاليها ع بيت حديد بي فتحات
مدري شلون وكعت
ابوي جان بالشغل
دخل شافها واكعه
كام يصيح هاي منو وكعها
رغد كلتله بابا وكعت وحدها
عاط لا انتوا وكعتوها
مهاجر وكوثر شردوا
بقينا بس اني واخواتي
طبك صوندة علينه
وحصرنا وشبعنا دك نصرخ نتوسل بس بابا فدوه كافي
مايعوفنه الى ان احس روحي راحت
ماحسيت
اله خواتي يبجن يمي
وهو رايح
اجت امي مهاجر رايح كايل الها
اجت لكتنا نجاره دم واني اكثر وحده متأذيه
جان ابد ميحبني لان ثالث ابنيه
كابلتنه وكامت تبجي
كالت وينه هو
رغد ماما راح نام وكال اكعد الكه المبردة
مرجعة لمكلنها
حسبي الله ونعم الوكيل بيه
الله اكبر شنو من بشر ذرة رحمه ماكو بكلبه
يربي صبرك وعفوك تعبت من هالرجال
لو تعدلة لو تاخذه
كامت غسلتلي وتبوس بيه وتبجي
سوده علي يايمة
شبيدي عليجن عتبي ع ربي الي يشوف
وساكت عليه
اووف استغفر الله ربي
والله طلعني من طوري هالرجال
استغفر الله استغفر الله
امشن يمةة امشن النه الله هو يشوف ويباوع
اخذتنه لبيت جدي
بيبي شافتنه هي وخالتي بتول كامن يبجن علينه
جسمنه مشطب تشطب بالصونده
ونبجي بجي من الوجع
امي صاحت ع خالو جواد
فدوه خويه هذول موكعين المبرده
متروح وياي نعدلها
ليش لعد محد بالبيت
هناك يهود ناس متعرف ناس
حبيب اموت البنات بصوندة ومحد فاتحه باب غرفتها فاكتهن
وعمتي مو هنا
-استغفر الله وتالي وي رجلج هذا ع يوم اطكه واموته تره متحمل علي
مايتعدل شنو
-خوية الاعوج عمره ماينعدل اني سلمته بيد الله
اخذت امي خالي وراحت سوت المبردة ورجعت لان تخاف من ابوي اذا كعد وملكاها راجعه بمكانها يشبعنه كتل
هذا اكثر موقف اذكره بصغيري لهسه احس بوجع الصوندات من اذكره الضرب
عشنا اتعس طفوله بحياتنا امي وابوي ع طول يتعاركون وابوي يضربها ويضربنا وع طول نبجي ماشفنا يوم راحه ....
امي جانت حريصة ع دراستنا
اني سجلت صف اول ابتدائي واخواتي وحدة رابع وحده ثالث ابتدائي
جنا كلش شطار امي تتعب علينا
تقرينا وتدكول اهم شي دراستجن
اريجن تكملن وتحصلن ع شهاده
هي سندجن بالدنيا الشهاده
اريد ارفع راسي بيجن
جانت امي تقفل الغرفه علينا حتى نقره
وتروح تنظف لو تروح للسوك لو بيت جدي
تعوفنا بيها وتطلع متخلينا نختلط وي ولد عمي وبناتهم بالبيت
جانوا يضربونه ويعيرونه بابوي
دوم يصحولنه ابوجن ابو الك.... ب
