#شهكة_حزن
البارت الخامس
للكاتبة ام مصطفى
بيوم من الايام اجه ابن عمتي شارد من البصرة
صارت احداث الامريكان وضابريهم
والامريكان كامت ادور عليهم وتعتقل بيهم واحد واحد
فنهزم واجه يمنا كعد بالكوت
ياسر شاب عمره ٢٢ سنه متدين وخوش ولد
بقى فتره يمنا كاعد مكدر يرجع للبصرة
لان مطلوب هناك
صارت بينه وبين رغد نظرات
وحب
فاتح رغد يتقدم الها
اكيد هي وافقت بس كلتله شلون
مو انت مطلوب هناك للامريكان
كلها هنا ازوج ااجر بيت وازوج
اقتنعت رغد لان حبته وهو انسان صدك ينحب متدين
جان ابد ميترك صلاته حباب
حتى امي كلش حبته
خابر ع عمتي حتى تخطب رغد اله
اجت عمتي من البصره
واستقبلناها
بقت عدنه يومين بالهيومين
فاتحت امي بالموضوع
كالت الها ياسر رايد رغد اله
واني هم ماالكة احسن من بناتج نعم التربيه
وانتي امهن اتحملتي اخونه سنين ع سوالفه
امي كالت الها والله ياسر خوش والد
وصار ابنه منا وبينا
وهاي صار اشهر يمنا مشفنا شي موزين عليه
بالعكس اخلاق وتربية
وشاغول يعني برغم ظروفة ميكعد
يطلع يشتغل عماله
اي والله وهسه يكول اقدم ع وضيفه لو
يقدم للجيش والشرطه يتعين
وياجر بيت يمكم قريب
امي كالت الها اني بالنسبه الي ماعدي مانع الاعرفة احسن من الي منعرفة
يجي ابو رغد وكليله
للعصر اجه ابوي
وعمتي فتحت الموضوع وياه
بسرعة وافق ابوي
عاد عمتي كالت اروح وارجع الكم فد يومين اجيب عمامه واهله ونجي نخطب
راحت عمتي
امي حاجت رغد
كالت الها ماما اهم شي متدين وفقير وماعنده سوالف نسوان وبنات
لان صارت بينه عقدة من ابوي
امي كالت اي والله اني هم
والولد مؤدب وصايم مصلي
الله يوفقج بنتي
رغد جانت مقدمة ع وزارة الصحة
تتوظف
كالت يوم هم بلكت تطلع وظيفتي
ونساعد اني وياه
ثاني يوم عمتي خابرت
كالت باجر نجي نخطب ونعقد سيد الهم
ياسر راح لبيت عمو فاضل كعد بهاي الفتره استحه من اهلي
عاد امي كالت الها هلا بيكم
خابرت امي خوالي عزمتهم وخالتي بتول
وع طاري خالتي بتول
اجه محسن زوجها من الاسر وره السقوط
بس اجه متزوج من وحده ايرانيه وعنده اطفال منها
وبعد ماراد خالتي بتول
بعد كل السنين الي انتضرته بيها مارادها
وعافها ورجع ليران
بقت يم بيت خوالي كاعده يم بيبيتي
وابنها عدها مهاجر الي كبر وصار شاب
بس ماكمل دراسة وخالتي مدللته هي تصرف عليه
المهم
امي عزمتهم وعزمت بيت عمي
للخطبه
واخذت رغد حفتلها واشترت الها نفنوف
رغد كلش فرحانه جانت بياسر
ثاني يوم صارت الخطبة وحضروا كل اقاربنه
وعقدوا
بفترة الخطبة تعينت رغد
وداومت بالصحة
وبدت تكون نفسها
اجروا بيت واثثوه سوه
وياسر قدم ع الشرطة
وتعين
