حكايه كتبها القدر رومانسي

العشرون والاخير

الحلقه العشرون والاخيره

ملك بفزع :عمر انت اتجننت ايه اللي جابك جنبي وفين ادم
عمر بتنهيده : يابنت المجانين كفايه احلام بقي انتي كل يوم تصحيني مخضوض كده لوكا انتي كان نفسك تطلعي مؤلفه ومعرفتيش صح
ملك بضحكه :اه ياحبيبي عرفت منين
عمر:يعني كل يوم والتاني بصحي علي بطل متخلف من ابطالك مش عايزاني اعرف
ملك بتصنع الزعل :كده برضو ياوحش زعلانه منك انت ازاي تخوني صح
عمر بإستغراب :انا اخونك وخونتك ازاي بقي ياهانم المرادي
ملك :كنت بتحب واحده اسمها ناني ايام كليتك اللي هي اخت ادم جوزي
عمر:جوزك دنا هقتلك ياملك انتي اتجوزتي غيري يابت
وقفت علي السرير ووضعت يدها حول خصرها وقالت بدلع وتحدي :ياسلام ما انت اتجوزت غيري ياخويا وانا متكلمتش
عمر:ههههه انا قلت لعمي بنتك مجنونه مصدقنيش
ملك 🤔😲هو بابا عايش هو انا مش يتيمه 🤣
عمر :يتيمه مين ياعنيا انا هخليكي مرحومه دلوقتي
قام ليجري ورائها ففتحت الباب لتري فاروق امامها
ملك : ههههه عمي الحقني
فاروق بضحكه مالكو يامجانين كل يوم كده
عمر :الحق يابابا بنت المجانين دي جيا تقول انها يتيمه وقال ايه انا اتجوزت واحده غيرها وهي واحدغيري سبني بالله عليك اموتها واخلص منها
فأتي ياسين والد ملك :هههه مالكو علي الصبح يا اخر صبري انت وهي بتتخانقو ليه تاني
عمر:الحق ياحاج بنتك موتتك في حلمها ياحاج
فاروق :ههههه الله يرحمك ياسين ياخويا كنت طيب
ملك وهي تستعد للهروب : متضحكش اوي كده ياعمي انت كمان مت بسكته قلبيه بعد ماخطفتني وابيه عمر هو اللي عرف مكاني
عمر :لا ده الموضوع زاد عن حده دي موتت العيله كلها 😂 وبتقولي ابيه انا ابيه دنا اكبر منها بسنتين لا وحبيت حب في الجامعه لا ياحبيبتي لتصليح معلوماتك انا كنت بحب من ابتدائي
ملك بجد كنت بتحب مين ياعمر انطق ناني صح
عمر وهو يستعد بالجري ورائها :انتو عايزنها تاني اكيد بعد الحلم ده لا 😂 انا هريحكو منها
ياسين :براحه علي البت ياولد دي حامل
فاروق وهو يضرب كفيه ببعضهما لا الحمل ده هيجيب اجلنا كلنا صح يابت ياملك مموتيش امك ولا مرات عمك في حلمك ده
فرجعت ملك له واقتربت منه وقالت بمشاكسه متقلقش ياحاج هي كانت ميته من اول الحلم اساسا حاسه بيك بردو 😂

لم يمر الوقت ابدا في فيلا ياسين وفاروق دون مشاكسه وشقاوه اولادهم الذين تعاهدو علي الحب والموده من صغرهم فملك شقيه مدلله وعمر متيم لوكا هكذا كانت حياتهم
الامهات يحضرون الطعام مع الخدم والوالدان يجلسون سويا يلعبون الطاوله
ام العاشقان ملك وعمر كانا جالسان علي الارجيحه يتحدثان سويا كانت ملك تضع رأسها علي كتف عمر اما هو فكان يحاوطها بزراعه
عمر:ها ياقلبي وبعدين حصل ايه في حلمك الغريب دي
ملك: كانت تقص عليه ما حلمته جميعا بتفاصيله
عمر: ده حلم مجانين ميلقش غير بحبيبتي يعني ازاي واحد غريب هياخدك في فيلته ويبقي حنين كده جدع والله انه مغتصبكيش 😂
ملك ببحلقه وبنغزه بيدها خفيفه :اتلم ياعمر الله عيب بتكسف
عمر:لا وانتي وش كسوف اوي بقي انا تقوليلي يا ابيه طب انا هعرفك الابيه ده هيعمل فيكي ايه ثم قام بحملها متوجها الي غرفتهم
ملك بدلع::بطل قله ادبك بقي واخدني ورايح فين
عمر بغمزه :هروح اكمل اللي ادم معملهوش ياقطتي😉

وهنا تنزل الستار وتقفل الروايا النهايه مجنونه انا عارفه 😂بس دي اخره اللي يقري لاسماء رويات تاني😂 بحبكو بقي جدااا احلي فريندز احلي بنات وقمرات صفحتي رايكو بقي جدا يهمني وعايزه اعرف النهايه عجبتكو ولا لا كنتو متوقعين كده في الاخر اكيد لااااااا القاكم قريبا مع روايه جديده

#سوما
بقلم اسماء النمر