-حازم رايك شنو نخلي مايا تنزل اجازة السودان مدام نحنا م عندنا وقت
-امي دا كلام شنو اجي م ضروري امشي بقعد هنا عادي😀
-ي بت سافري واتعرفي ع اهلي ومصعب يمشي معاك لو فاضي
انا مايا دا👆كان كلام امي لابوي امي اسمها ألينا من ام تركية واب سوداني ابوي حازم امه سودانية وابوه لبناني يعني انا لبنانية ملخبطة بسوداني وتركي عمري 19بقرا هندسة مدنية في السنة الاخيرة اي شافعة دخلت صغيرة🐸اخواني اتنين مصعب الكبير جراح عيون وامي جراحة مخ واعصاب وابوي حازم كبير القضاء مصعب عمره 25 اما اخوي التاني مهند عمره 20 في تالت صيدلة و انا البت الوحيدة علشان كدا مدلعني شديد عايشين في فرنسا من زمان مولودين هناك كلنا يلا ابوي عنده اخته وحدي متزوجة و عايشين في الفيلا القدامنا وامه وابوه متوفين عندها بتين توم (رينا و رالينا) عمرهم 5 سنوات وانا م حصل نزلت السودان غير مرة و كنت صغيرة علشان كدا امي اصرت انزل اتعرف على اهلهم وكدا لانو م بعرفهم ولا متذكراهم واخواني بعرفوهم وكل اجازة بنمشي كلنا سياحة اي بلد بختاره انا المرة دي اجازتي جات بدري م معاهم وهم مضغوطين في الشغل المهم نرجع..
ابوي:لكن ي لولا(امي😹)ح تقعد مع منو و مصعب م اظن يدوه اجازة خصوصا عنده عملية مهمة بعد اسبوعين
امي:القعاد دا ممكن تقعد مع ناس عمي و كمان هي كبيرة بتمشي براها عادي
انا:شنو ي ماما يعني دايرة تتخلصي مني علشان يفضى ليك الجو😹لكن وين انا م ماشة حتة😉
امي:اعقلي ي بت انتِ😒
ابوي:يفضى لينا الجو كيف و مهند قاعد بس😹
انا: لا لاي بابا يمشي عند اصحابه طوالي😹
- دا كلامك😹
- اي انا برحله ليكم لكن برضو م ماشة😹.
قمت جارية خليتهم اصلاهم عارفني مجنونة و م بعارض رغباتهم يعني لو قالوا لي طيارتك الليلة بسافر😹 مشيت غيرت ملابسي و اتصلت لصحباتي (روز بريطانية_ربا مصرية_ جوينة سعودية)
ح اختصر بالسوداني
-سجججم انتوا وين
روز:قربنا ياخ م تصرخي😹
-عندي ليكم خبرحلو😒
جوينة:اش فيك مايا😹
ربا:نفسنت خلاص😹
روز:كدي افتحي نحنا برا😒.
نزلت فتحت ليهم جو واقعين فيني ضرب سجمانات خلاص كسروني كسير😹
قالوا لي مالك م قلتي انك مسافرة😒
-عرفتوا من وين وانا يا دوب عرفته😹
جوينة:من مصعب😒
-اجي ي دي براحة انتي وهو زاتو ماشي معاي ح اجيب ليه عروس عشان يحيرك😹
-م ماشي ي زولة فاضي ليك هو زاته عينه مليانة😏
روز:خلو الرغي و اطلعوا عشان م نتاخر😹
-اي دقيقة اكلم بابا.
مشيت كلمته و مشينا المول خميت كترت حاجات م خليت شيء والبنات جابوا لي هدايا عطور و ميكب وجزم بشنطها و ملابس غايتو م قصروا فيني😹و اتظبنا في الكوافير م خلينا شي و م عملناه و مشينا نتعشى في مطعم😹
- بنات انا ماشة اتصل لمصعب علشان يجي ياخدني بعد شوية طيب؟
جوينة:طيري😒
- اجي ي دي كان م اخوي😹.
حمرت لي قمت طوالي 😹
جوينة مربطة هي ومصعب اخوي بقولوا مربطين هظار و كدا و م بحبوا بعض بس الظاهر انهم بحبوا بعض شديد لكن ماخدين الموضوع لعب😹متخلفين خالص
انا مشيت برا اتصلت ليه وانا ماشة خبط في ولد لمن التلفون وقع وسجارته تشت خدي😭وبقيت ببكي وماسكة خدي انا كدة اصلا ببكي بسرعة لكن برضو م بنسى حقي مسحت دموعي واتلفت ليه
-انت م بتشوف يعني😡.
قلت ليه بالفرنسي ع اساس انه كدا بس فاجأ ابو اهلي لم همس سوداني😳
-وتتشافي كيف وانتي قصيرة كدا😒.
رديت ليه بسرعة
-طولي م بخصك كتير😡.
اتفاااجأ🐸شكله م مفكرني سودانية💔
-هي حيلك حيلك م تكوركي لانو انتي الغلطانة م انا راجل طول في عرض كدا م قدرتي تشوفيه😏👋
-مغرور و غبي بس😒.
حمرت ليه ومشيت حكيت للبنات فقع مرارتي ياخ جاء داخل المطعم لكن م شافني وصفته للبنات اتلفتوا بدل م ينبزوه لي اتدردقوا فيه😑
جوينة:خلي اخوك عندك انا م دايراه خلاص اسي ولد زي القشطة كدا تتشاكلي معاه😔
روز:واي لالا انا م بعرفك ي ميمي اسي دا شبه مشاكل عايني ليه كيوت كيف ولا العيون😭
ربا:دشدشني ياخ😢.
حمرت ليهم وقلت لربا
-حتى انتي ي ربا
-اي ياخ عايني ليه سمح كيف
روز:متاكدة انو سوداني😢
-خلاص اتسدوا خلوني اتهنا بالاكل قبل مصعب يجي.
مصعب جاء سلم ع البنات وقعد شوية و م لاحظ لحرقتي بعد طلعنا اتفاجأ بكمية الحاجات الاخدتها😹
-والله ي ميمي زول مكمل قروشي غيرك ماف😹
-لالا اطمن المرة دي من بابا لكن باقي الحاجات بكرة منك😹
-شيلة هي م خلاص كفاية😹
-ي زول ابيت😏👋.
بعد وصلنا البيت جريت الغرفة وقفت في المرايا عاينت لنفسي صحي كلامو انا قصيرة بالنسبة ليه😹لكن عموما طولي م كعب للدرجة البقولوها لي طولي عادي بس مايل للقصر اكتر😹عندي غمازة وحدي بالشمال الوحيدة عيوني لونهم اخضر تركواز بين اهلي على حبوبة ام ماما لكن انا م بحبهم ف دايما بلبس عدسات سود وعلى حظي الليلة طلعت ونسيت اختهم ورموشي غزيرة جسمي مليان ومقسم😌 وشعري اسود قاصاه لنص ضهري😹عاينت للحرق جاء فوق الغمازة طوالي جمب الشامة😑في اللحظة دي كرهت الولد شديد ف حمرت لنفسي ومشيت ادوشت ونمت...#نهاية ...
