مهند ضرب فيديو كول في تلفون ماما جريته منها
يا بياع اسبوعين م تسأل مننا🐸
مايا اخر المستجدات علشان نحنا طالعين😹.جرا مصعب التلفون
اختك حيجيها بيبي تاني🐸
مهند:اي وحدي فيهم🐸
مهند حالتك صعبة ركز انا قلت ليك تاني م تالت😹.جات وسن صرخت
مايا وااو😹
انا:يا بابا اتكلم مع اولادك القليلين ادب ديل😢
بابا:يااولاد خلاص بطلوا بالجد بكت😂
باباا.عيني وقعت ع زياد دموعه في طرف عينه استأذن مشى الجنينة لهفة نزلت مشت وراه مشيت شلتها رجعتها لماما عيونها رقرقو بستها ومشيت كان ببكي💔قلت
زياد يلا نرجع البيت.هز راسه مشينا قلت
ياجماعة يلا انا تعبانة شوية و زياد مصدع ح نرجع وبنجيكم بكرة
بابا:الف سلامة طيب خلوا بالكم من بعض.هزيت ليه راسي زيادمشى يشيل لهفة ابته
ماما:خلوها الليلة هنا وبعدين شكلكم تعبانين احسن.قلت
ماما لكن..قاطعتني
مايا و زياد اتوكلوا امشوا😒.اديتها حاجاتها وبوسناها ومشينا دخلت ادوشت وزياد دخل حمام الغرفة التانية طلعته قبله مشيت جمب المسبح قعدته في الارض وضميت رجولي شويةوجاء قعد وراي ريحت ضهري في صدره وراسي في رقبته لف ايديه حولي وضماني رقدع الارض وشداني اكتر عاينت ليه كان ببكي بصمت كنا قريب ال3ساعات كدا💔شالني ومشينا الغرفة صحينا المساء مشينا الدكتور ضهري كان واجعني شديد
م تتحركي نهائي يامدام الطفل وضعه م مستقر ابدا و اذا فضلتي في المستشفى بكون احسن
دي اخرحاجةسمعتها وغبت عن الوعي بتذكر صحيت وانا م متذكرة غير يوم الاعتداء زمان قبل 3 سنةفي السودان كانه حصل امبارح وزياد كان بهديني اتذكرته اني م كنت متذكراه وبعامله كانه غريب ولما كان بقول مرتي كان حقيقة وحتى الاوراق التركية السافرنا بيها رحلة مع عيلته اصلية وما مزورة اتذكرت يوم الرحلة واخر الحصل فيها
Fla$ back
صحيت زهجانةزي 4ليل بقيت بعاين للسقف زياد دخل
مايا انا طالع ثواني وراجع😊.م اشتغلت بيه بعد اقل من ربع ساعة الباب فتح م طلعت اشوف منو افتكرته زياد بس جاء داخل ودعمه وقفت بسرعة
زياد م هنا ممكن تطلع😨
ياحلوة علشان زياد م هنا انا هنا😈.قرب علي ومسكني من خصري لزيته بسرعة وطلعته من البيت جاءلاحقني وحاول يبوسني جاء زياد جاري اول م شافه بعده عني وبقى بضربه لحدم اغمى عليه واناجريته حضنته شديد وراسي بطق من الآلم
Back
الذكريات دي كلها اختفت ورجعت ورا اكتر لما لهفةكانت كل يوم بتصحى تبكي وترفض اي حاجةو زياد يديها حليبي واصحى اتشاكل معاهم ولما تبكي واول م احضنها تسكت فتحت عيوني كانت في حضن زياد و ماسكين مصاحف وبقروا💖الغرفةكانت بيضاءكلها فيها شرفة قزاز كبيرة ع البحر لونه الازرق كان عاكس في الغرفة💚زياد كان نحيف وعنده شيبات في لحيته الكثيفة وشعره بنفس التسريحة البحبها وعاملها للهفة اتجولت بنظري فيهم كويس لهفة كبرت من اخر مرة كانت في حضني قبل شهور بس لسة حلوة زي ماهي بتشبهني شديد زي م زياد كان بقول كل يوم وهو مفكرني نايمة فكيت السيروم المعلق من يدي وقمت م لاحظوا لي كانوا خاشعين شديد بقراية زياد وصوته الحلو في التلاوة💙راسي صدع ولفى استنيت لحدم خفى ومشيت رقدته في حضنه قلت
ربنا اتقبل دعاكم حبيبي❤.غمض عيونه شديد و دموعه جرت كأنه م مصدق زي كأنه بطرد في افكاره مسحت ليه دموعه عاينت للهفة كانت بتعاين بصمت زياد قفل المصحف وباسه حضني عليه شديد ولهفة طلعت في حضني وهي بتقول ماماماما💜
زياد:الفترة دي كلها نايمة يا قاسية😭.ابتسمت وقلت
م عرفتني ع الحلوة المعاك دي.فكاني باستغراب
م بتعرفيها؟.هزيت راسي بلأ رجع الالم لعيونه
دي بتي😔
حلوة شديدبس كأنها م بتشبهك وانت قلت م متزوج.عاين لي
بتشبه امها شديدو حلوة زيها.التفت لي باس شفايفي فكاني بعد وقت وانا زي م انا زمان كل م يقرب علي بخجل قلت
زياد عيب دا1و2 لهفة بتك قاعدةح تكلم امها😔
انتي كيف عرفتي اسمها لهفة😼
انت قلت🙆.جر لي انفي
بطلي استهبال انا عارفك متذكرة بعدين انا م قلت اسمها🐸.عاينت ليها كانت نايمة و حاضناني شديد نزل باسها وباس راسي
انتي كويسة حاسة بحاجة؟
انا كويسة ما فيني شيء
الحمد لله يلا امشي ارقدي.رقدته لهفة وقلت
انا لي كم هنا؟
شهرين
زياد البيبي بالجد مات ولا انت اخترتني😔 ولوسمحته الحقيقة
انا اخترتك لانو انا مستحيل اعيش من دونك بعدين حتى لو البيبي دا جاء تفتكري ح اقدر من غيرك اكبره واربيه؟ لا طبعا مستحيل وكونوا انتي ولهفة معاي م داير حاجة تاني سامعاني؟😊.رقدته وانا دموعي نازلة جاءالدكتور فحصني قال مافي حاجة تاني بس اكون كم يوم تحت المراقبة نمت ولهفة في حضني فتحت تاني يوم كان مهند داخل وماسك يد وسن وكانت حامل💕اول م شافني فكاها وجاني كان ماشي براحة كأنه م اتوقع قمت حضنته وفضلنا نبكي وسن كانت برضو و دموعها نزلوا ختيت يدي ع بطنها وشهقت كانو بتحركوا وظاهر انو تؤام لان بطنها كبيرة شديد والحركة حركةاكتر من واحد شهقت بفرحةوختيت يدي ع خشمي حضنتها شديد الحمدلله كانو مع بعض وبالحصل ليهم كله م اتفرقوا وحسي مستنين اولادهم💗زياد جاء داخل قعد جمبي وحضني
مهند:6شهور يامايا م دايرة تتذكرينا وم دايرة تفتحي😔
وسن: حسي كويسة؟.هزيت ليها راسي
#نهاية 70...
