من الصباح صحيت بموية باردة من يدين مصعب😬
-ياخ مالك م بتعرف الادب نهائي😑👋
-بطاقتي وين م لقيتها😑
-في درجك واطلع برا😠
-برضو قومي نايمة مالك الح يعمل لي النسكافيه منو😔
-ي مصعب ياخ اعمله براك ولا قول لزارا😐(زارا دي الشغالة)
-انا م اخوك يعني😔
-اوف ي مصعب قايمة نشوف بعد اسافر ح تعذب منو😤.
باسني وقام جاري حيوان خلاص😤مشيت عملته ليه وطلعت ليه ملابسه ونمت في غرفته حسيت بيه باسني وطلع😹كملت نومي م صحيت الا بجوطت البنات اصلا يوم كج من بدايتو بمصعب😒
روز:قومي ي زفته
في شنو يخوانا ياخ
جوينة:انتي مسافرة بكرة😆
ربا:دايرين نعذبك قبل م تمشي.
حمرت ليهم وختيت المخدة في راسي ورجعت نمت بري مالي بيهم 😹👋لكن روز جابت موية باردة و رمتها فيني😭في النهاية استسلمت ومشيت ادوشت لقيتهم جابوا لي ملابس وهم مشوا غرفتي😤عندهم قوة عين فظيعة ياخ😴فطرت و سلمت ع بابا و ماما بعد داك طلعت ليهم لقيتهم منزلين الملابس كلها في الشنط التقول م راجعة تاني دي طردة عديل غايتو😹قلت
-هي انتوا دا شنو😹
روز:مالك ي بت مرتبين ليك حاجاتك وبتقلي في ادبك😏👋
ربا:مايا امشي اعملي لي مكرونة😔
-اجي ي بيبي(بكسرالباء)مكرونة من الصباح😹
جوينة:وانا دايرة فطاير😹👋.
طلعت في نص السرير و قلت ليهم ابيت امشوا اعملوا براكم😁رموا فيني الملابس لحدي م وقعت 😹بعداك مشيناعملنا الاكل اكلنا و اتونسنا لحد بالليل قالوا بايتين مشردين البنات ديل ياخ😹ماما و بابا قعدوا اتونسوا معانا حبة و طلعوا جاء مصعب جايب افلام وشيبس معاه😹قعدنا نحضر كدا في النهاية انا نمت😹.
تاني يوم بالليل في المطار اتفقعنا كلنا بكى م متعودة اسافر بدونهم كتير ياه😿دعوا لي كدا و مشيت و يالسودان جاك زول😹👋وصلت بعد يومين بالصباح😿ركبت الشريحة الاداني ليها مصعب واتصلت لرقم خالي ماهر(ودعم ماما)
-السلام عليكم
وعليكم السلام ي بتي اتلفتي يمينك ح تلقيني😊.
حسيت بيه انسان طيب كدا مشيت ليه لقيت معاه ولد عرفني بيه وطلع ولده الصغير فادي عمره زي22 كدا طبعا طبعا طويل😹لونه قمحي جسمو دا معضل والسكسوكة مرتبه لمن غلط والشعر اسود يسوي كدي😹👋بعد السلام والكلام دا خالوا اعتذر و مشى قال عنده اجتماع ضروري مشينا وطول الطريق م اتكلمنا غير كم مرة لم بيسال عن اخواني وكدا وصلنا
