- بتبكي؟.
م رديت ليه وانكمشت اكتر قعد جمبي وزح يدي من وشي
- عشان شنو بتتعبي في نفسك؟.
بعدت منه خايفة وفكيت يدي
- بععدد😭
- مايا؟
- انت ح تعمل زيه😭
- انتِ شايفة كدا؟.
م رديت ليه سكت مسافة وقال
- انا لما شلتك م كنت زيه ولا فكرت في حاجة كعبة بس المنشفة كانت ح توقع.
م رديت ليه لانو احتمال كلامه صح بس انا خايفة لسة قرب مسح لي دموعي
- انا مستحيل آذيكم فاهمة؟ يلا غسلي وشك وخلينا ننزل نفطر ولا نطلبه هنا؟
- حابة انوم بس😢
- لا ح تفطري اول عشان الدواء واذا م اكلتي م ح اكل وانا جيعان يعني ح تموتيني يرضيك كدا😔.
ضحكت بخفة
- خلاص اطلبه هنا.
بعد فطرنا انا نمت صحاني زياد الضهر للصلاة
- مايا عندك مشكلة اذا مشيت المسجد؟
- لا امشي بس م تتاخر
- خلاص ح ادخل ادوش ممكن تطلعي لي ملابس
- طيب.
دخل طلعت ليه الملابس اديتها ليه طلع ماشي للصلاة وقفته جمب الباب
- ادعي لينا معاك.
وختيت يدي ع بطني رجع باس راسي وقال
- م عندي غيركم ادعي ليه💙.
صراحة لخبطني بس قلت
- م تتاخر😔
- حاضر😊.
وطلع انا مشيت قلت طولت م قعدت اتسرحت لقيت في شعرات لونهم اشقر قلت
- عجزتي يا مايا🐸.
عملت ضفيرة وصليت ورقدت بقيت بفكر في حياة زياد وليه م متزوج و كذا بعد شوية جا داخل سلم علي وقعد شوية في التلفون وانا راقدة بلعب بشعري بيد و التانية في بطني بفكر في اهلي والبنات وح نرجع متين قطع تفكيري صوت زياد
- مايا في حاجة😕
- لا ابدا بس سرحت شوية
- طيب نتمشى ولا نحضر فيلما؟😀
- فيلم طبعا☺.
فتحه مشيت قعدت جمبه بعد فترة تعبت قلت ليه
- ممكن ارقد في حضنك😔
- تعالي.
رقدت في صدره
- في حاجة واجعاك؟
- لا
- طيب مالك😕
- اشتقت لماما
- زهجتي مني يعني😔
- لا
- خلاص طيب زعجتك في شنو😔
- زياد انا م قلت انت عملت لي حاجة ضايقتني بس كدا بفكر كيف هي م سالت عني و اذا ح يتقبلوا البيبي و..
خت يدوا ع خشمي
- اشش خلاص م تفكري في دا كله انا معاك و البيبي كويس ودا المهم
- يلا ناكل ايسكريم تحت
- طيب ي لهفة يلا😂
- لهفة دي منو
- ولا حد
- بتحب من وراي ي زيزو😹
- ماياا طلعي قبل اغير راي😒
- يلا.
نزلنا اكلنا ايسكريم ومشينا نتمشى
- زياد انت ليه م متزوج م شايف انك كبير كفاية😕
- امم
- طيب؟
- قصتي طويلة شوية
- امم.
سكتنا لحد م وصلنا الفندق حسيته م حابي يحكي طلب العشاء انا قلت م جيعانة بس اقنعني اكلنا ومشيت رقدت هو مشى البلكونة بعد فترة جاء رقد على يدي وعاين للسقف وقال
- قبل6 سنة انا كنت بقرا في امريكا كنت بين طايش ورايق وكزول عنده اصول سودانية في بلد اجنبي كنت زول محبوب اصحابي كتار بنات واولاد كنت بقرا في جامعتين في نفس الوقت هندسة داخلية وطيران اصلا رغبتي الاصلية الهندسة بس حادث اهلي اثر معاي وخلاني اعمل كدا يوم واحد من طلاب قانون كشفني ونسبة انو بقرا في جامعتين ف دي حاجة ممنوعة اتكلمنا انا و هو واحتدينا في - النقاش في الاخر قال عنده اخوه متهم بترويج المخدرات في الاصلاحية عمره17اذا قدرت امرقه في شهر ح يسكت غير كدا لأ انا وافقت وانا م عارف الح يحصل ووعدته امرقه وكانت قضية صعبة اخدته إجازة من الجامعة ومشيت ازور الولد المسجون نيفاد دخلت اتكلمت مع المسؤول وفهمت منه انو الولد كان معاه مخدرات في شنطته مشيت لاقيت نيفاد سلمت عليه وقعدنا جاء جاري الحارس ونفسه هايج قال
- اسرع ي هذا لانا تعبة وتطلبك.
نيفاد قام جاري بسرعة مشيت وراهم افهم الحاصل
لقيت بت مرمية ع الارض ومستفرغة وبترجف وحالتها صعبة نيفاد شالها حضنها عليه وحاول يصحصحها بس م قدر شالها وطلع عاينت للباقين كلهم صغار قربت من واحد دايرا سأله منهم تلفوني ضرب طلعت خليته لقيتها تالية اتكلمت معاها و فصلت لمحت صوت نيفاد بتكلم مع البت وبهدي فيها انو هو جمبها و كذا البت هدت جو مارين جمبي البت دي كانت جميلة بصورة خيالية انا بدون م اشعر سرحت فيها كانت اسم ع مسمى(لانا) حالتها كانت سيئة نحيفة و عونها خضراء افتح منك و وارمة و حتى المشي م قادرة بس بدا كله كانت حلوة💗.
نزل عينوعاين لي
- تم منتظراك انا😕
- تعبته😊
- طيب
- م نفسك تنومي
- ح انوم حسي.
غمضت وانا م جايني نوم بعد ساعة و شوية قال
- مايا!.
كنت كسلانة ارد ليه لعب بحواجبي شوية و بقى ببكي وبتكلم بس م ركزت كنت بفكر هو ماله قطع تفكيري بوسته المرة دي م فكاني قريب5 دقايق كدا انا اضايقت عملت فيها دايرة اتقلب فكاني وقال
- انتِ م عارفة انا بحبكم قدر شنو.
فتحت عيوني من الخلعة مسح دموعو بسرعة
- زياد دايرة موية.
قام جاب لي الموية شربت
#نهاية 10...
