امي مايا مرتي وانتي عارفة انابخاف عليها كيف واظن انتي اكتر زول عارف كدا الله يخليك م تكوني زيهم حرموني من اولادي وتحرميني من مرتي والله بموت ي امي😔
كويس ي زيادبس اذا حصل ليها حاجة م تلوم الا نفسك فاهمني😊
حاضر و وعد م يحصل ليها الاكل خير
ان شاء الله م تخيب ظني فيك
ان شاءالله.جات امي بوستني وقالت
اناح اسافر لكن كل يوم ح اضرب ليك خلي بالك من زياد لانو انتي قوية واناعارفة كدا وزياد دا بحبك شديد و الله ي بتي زياد..الباب طق دخلوا لانا وربا وجوينة روز نايمةم كنت بتكلم معاهم لحدم طلعوا بالليل جاءداخل زياد قعدجنبي وهو مدنقر اتلفت منه رقد قصادي
خلاص كرهتيني انتي بقيتي م بتطيقي حتى تشوفيني بالسرعةدي هان عليك حبيبك😔.اتلفت بالجهة التانيةونمت صحيت لقيت زياد نايم بالفريم طلعته ليه ونكشت شعره اتذكرت لما بصحى بلقاه نايم واقعد ابوسه علشان يصحى ويصحى يحمرلي ويشيلني يفتح فيني الدش دموعي نزلت مسحتهم بسرعةومشيت ادوشت وطلعت مشيت لروز لقيتهاخاته يدهافي بطنها وسرحانة
روز😔.التفتت لي مشيت رقدت جنبها قالت
كيفك
زي م شايفة
امم بقيتي نحيفة وكئيبة ي مايا😒
انتي م حاسة بي بس.قاطعتنا لانا
اناحسيت بالاكعب.سكتت شوية وتمت. زي م عارفين انا اتزوجت نيفاد من بدري كان عمره19وانا م قفلت 16المهم في ولادتي الاولى كانت بت وانا بولدها هي اتخنقت الحبل السري كان ملتف بيها وماتت دي انا كنت شايلاها 9 شهور و بتوجع وببكي وبصرخ علشان تطلع كنت منتظراهاحتى غرفتها جهزتها بنفسي طلعوها متوفية دام اصعب من احساسك بالاجهاض يادوب في حمل شهر😊؟اذام اصعب او اسوأ م ح اسألك وفي النهاية انتي ام وليك حق تبكي وتزعلي بس دا ابدام معناه نهايةالحياة
جوينة:واتاكدي انوربنا م حرمك منهم الا لحكمةعارفها هو
انا:ونعمةبالله.حضنوني فرحته انوعندي اخوات زيهم جات رباجارية
ززيااد😨.وقفت بسرعة
زياد ماله انطقي.لسةم اتكلمت اناوصلت الغرفة لقيته طالع من الحمام مشيت حضنته بعدين ركزت انو كويس طلعت رجعت للبنات
ربا😒
انتي م خليتيني اكمل كلامي اعمل ليك شنو☺
لانا:مايا علاقتكم كيف انتوا
م عارفة انا زاتي والله😪
روز:مايا الله يخليك حني عليه زياد دا مسكين والله وبحبك انتي م شفتيه بكون ملهوف عليك كيف طول الفترة الفاتت اشكري ربناعليه ع الاقل هو معاك😢.مشينا حضناها لانو عيونها بتقول انها مشتاقة لديلان
لانا:روز انتي ديلان م اداك حجل؟
اداني قال لي م تقلعيه ابدامنحوت فيه اسمه واسمي.رفعت رجلهاوطلعت سلسال قلب من رقبتهاوفتحته كان فيه خاتم
ودا كمان بس قال ح يلبسني ليه مع اول طفل لينا😢وهوحسي م ح يكون معاي لما يجي😭.لانا جرت خدها
انتوا اتشاكلتوا قبل يسافرصح؟. هزت راسها باي
لانا:وانا اقول ماله اخر فترة بكون مكشر كتير😹حسي انتي ح تمشي معانا تركيا لانو انتوا كدا متزوجين دي عادات عيلتهم الحجل والبيبي الاول بعداك الخاتم لازم امه وابوه يعرفوا
انا:لانا ممكن يعارضوا لانو اول شيء هومافي حسي وتاني شيءهو م وراهم
لانا:انا ح احاول اتواصل معاه واوريه
روز:طيب اهلي انا😔
انا:اهلك قولي ليهم انو عندك شغل معانا
جوينة:ي جماعة الموضوع م بالسهولة دي فلنفترض اهلها وافقوا اها ح تقعد مع منو اذا مع مايا في يوم بطنها ح يظهر وزياد ح يسالها ح تقول ليه انا لقيت نفسي متزوجة وحامل؟ولى نيفاد الممكن تحصل مشكلة مع عيلته؟واذاقلنا تقعدفي شقةبراها ممكن تحصل ليها حاجة لا سمح الله وهي براها واها بعد م يجي الطفل محتاجين ابوه للمستشفى يعني لسة في تعقيدات واحتمال ديلان يرفضه وح تقول لاهلها شنووهل الشغل مستمر الحياة كلها يوم ح يقولو ليها تعرس ويمكن حاجات كتيرة
روز:ديلان م ح يرفضه لانه اخر مرةكان ناقي في موضوع البيبي ورفض اخد احتياطي😔
لانا:خلاص خلونا نفكربس في الوقت الحالي لازم نمشي ايطاليا لانو خالتو بتلقط بسرعة وممكن تعرف بحملها.قلنانمشي بعد3ايام ودعتهم رجعت غرفتي لقيت زيادما في بلعته مسكن ورقدته جاء داخل
ماياممكن تجي تحت شوية؟.م اشتغلت بيه
حاجةضروريةوالله😔
#نهاية 36 ...
