حضنت ليفانت شديد عليها وقالت
- وديني ليها ي بتي.
هزيت راسي وشلت ليفانت وطلعت زياد جاء لاحقني
- مايا استني.
وقفت وانا بمسح في دموعي
حضني من ورا
- اهدي طيب.
هزيت راسي شال ليفانت ومسكني استنينا امي جات مع ابوي و مصعب و مهند و مشينا دخلت ليهم اول لقيت لانا طالعة من الحمام والبنات برتبوا في البيت جات علي
وين ليفانت.حضنتها وبقيت ابكي
- مايا في شنو😥.
جاء داخل زياد بعد طق الباب وجات امي بقت بتعاين ليها وبتبكي مشت حضنتها ولانا م فاهمة حاجة فكتها وقالت
- لانا؟ ام ليفانت!.
هزت راسها باستغراب
- سلسل ليفانت جبتيه من وين
- كان معاي من وانا طفلة
امي رجعت حضنتها و بتبكي قاطعها مصعب
- ي امي فهمينا حاجة.
امي فضلت تتامل لانا مسافة وقالت
- مايا عندها تؤام اتخطفت يوم عيد ميلادها التالت خطفتها الدكتورة البرازيلية ساندر االمفكرة نفسها روسية فتشنا اي حته بس م لقيناها دخلنا كل القوات بس كانه الارض اتشقت وبلعتهم السلسال كان جابه أبو زياد ليهم كان صاحب ابوكم شديد حتى كان بقول لمايا ام خدود لزياد😭😂.
بابا جاء حضنها ومصعب ومهند شالت ليفانت مني وقامت جارية قفلت غرفتها عليها مشيت وراها بس رفضت تفتح لي نيفاد دخل ليها وطلع مع ليفانت وقال
- لو سمحتي ي مايا خلي ليفانت معاك شوية.
شلته منه ودخل وانا نزلت لقيت ماما بتبكي وحاضنة مصعب ومهند عليها مشيت لجوينة
- جوجو امشوا غرفتي شوفوا فستان ظابط لتالية شيليه وامشي مع مصعب وديه ليها وخليكم انتِ والبنات معاها.
هزت لي راسها ومشت اديت ليفانت لمهند
- شيله وفي حليب في التلاجة سخنه شوية واديه ليه.
امي شكلها كان بحزن💔مكسورة وفرحانة برجوع بتها رقدته ع رجليها
- والله ي مايا فتشناها وم لقيناها😢
- امي..
قاطعني دخول نيفاد
- زياد وين لانا دايراه
- زياد في الجنينة.
زياد جاء داخل نيفاد قال
- زياد لانا بتناديك.
زياد طلع وانا قمت
- ماما دا نيفاد راجل لانا.
اتلفت ليه.
نيفاد ماما امنا😥.
جاء باس يدها وهي كانت لسة بتبكي مسح ليها دموعها
- ي ماما والله لانا طيبة وح تتقبلكم انا متأكد بس هي حياتها كانت صعبة شوية.
امي مسحت ع وشه وراسه طلعت اشوف ليفانت لقيت مهند نومه وببكي
- ي راجل الببكيك شنو😐
- اختي م راضية بينا علشان لما اتخطفت م لقوها طيب نحنا ذنبنا شنو اذا م لقوها😢انا لو كنت عارف كنت ح اقلب الدنيا علشان القاها بس انا حسي عرفت اصلا انو عندك تؤام😢.
حضنت راسه
- معليش بس حسي اديني ليفانت اوديه الغرفة علشان ينوم مرتاح
- خليه معاي😢
- لمايصحى بجيبه ليك وعد
- مايا😢.
شلته منه
- ي راجل استكين اسي روز تشوفك تمشي توري اختها انك بكاي😒
- خلاص شيليه😔
- اي كدا ياخ😹.
شلته ومشيت رقدته جاني زياد
- حبيبي تعالي.
مشيت حضنته
- عارف الموضوع صعب شوية عليك بس عليها صعب شديد وانتِ قوية ماشي؟.
هزيت ليه راسي
- يلا تعالي هي قالت دايراك.
مشينا ليها لقيتها بتبكي في حضن نيفاد قالت
- اقعدي
قعدت وجمبي زياد
- انا ابدا م عندي اعتراض عليك بس ساندرا عزبتني من وانا طفلة كانت بتضربني اي نعم هي كانت دكتورة وكان مفروض تتصف بالرحمة بس ابدا هي م كانت كدا هي كانت بتعمل اعمال مخلة جدا ولو سالتها بتضربني وبتحرقني كانت وانا طفلة بتحاول تخليني اسجر كنت برفض لانو بحس انو كدا غلط بقت بتطفي السيجارة فيني يوم جاءها واحد ودخلت معاه وهي كانت قبلها ضارباني بعنف وحارقاني بالمكوة.
فتحت لي ضهرها كان كله علامات وجروح💔قالت.
- انا جنا جنوني وحرقت البيت كان عمري وقتها 14سنة اتخيلي لسة طفلة وبقيت مجرمة.😭😹.
دخلوني الاصلاحية واهل الراجل وصوا انو يعذبوني كنت بنضرب وبتعامل اسوا من معاملتها كنت م باكل غير مرة او اتنين في الاسبوع بدوني جرعات كهربة كتيرة نيفاد كان هناك وقتها بقى معاي وبساعدني وكان لما يجوا يضربوني برقد فيني علشان الضرب م يوصلني انا بسبب الادوية بتاعتهم بقت بتجيني نوبات هلع كنت في الاصلاحية 3 شهور بس كانها سنين يوم زياد جاء بطلب من اخو نيفاد حل القضية بتعته وطلعه نيفاد رفض يطلع بدوني لحد م يوم تعبته وودوني المستشفى قريب شهر و بعداك هربوني من هناك طلعنا من امريكا وجينا تركيا عشت مع اهل نيفاد ودخلت المدرسة و نيفاد كان في الجامعة بعد تم19سنة طلبني واهله وافقوا مرة جاء ياخدني من المدرسة نمشي نتغدا برا لقينا زياد وبقى صاحبنا شديد و عزمناه عرسنا وبقى زي اخونا واحد يوم لقيت دفتر كان ادوني ليه في الاصلاحية اكتشفت انو مذكرات ساندرا ورقه كان نصه اسود والظاهر كله كان بتكلم عن خطفها لي وعذابها لامي وانو من خطفتني تم 5سنوات بس لسة هم بتعذبوا تعبت شديد لفكرة انوا هلي م عارفني وين وهي م ذكرت اسمهم فتشت مع نيفاد و زياد كتير بس م عرفت شيء استسلمت و نيفاد نساني الموضوع نيفاد قرا طيران برضو وزياد كان اتخرج وبسرعة بقوه رئيس الطيارين للخطوط الايطاليا وقال الا يشتغلوا مع بعض مشينا انا و هو إيطاليا وهناك كملت دراستي و اتخرجت يوم ولادتي لليفانت من طب اسنان.😹😭.
مشيت حضنتها وبوستها وفضلت ابكي معاها يعني لانا البت البتضحك الوقت كله وتضحكنا تطلع عاشت دا كله💔 بس ربنا كريم وعوضها بنيفاد انا نهائي م ح اخليها نيفاد قال
- مايا ح تكملي لي مرتي ي زولة😬.
قعدنا نضحك قام طلع مع زياد الباب دق ودخل مهند شايل ليفانت ومنزل راسه
- ليفانت صحى😔.
قمت شلته وطلعت عملت ليه حليب ولقيت خالتو جايبة اكل طلعت للانا دخلت لقيتها حاضنة مهند و ببكوا
#نهاية 24 ...
