- عايني انتِ حاليا مرتي😊
مايا دا الحاصل وكل م استوعبتِ بدري احسن.
كلامه دا فضل زاني لي في راسي لحد م قمت من سريري وطلعت لقيته في الصالون
- اشرح لي القلته😢
- الما فهمتيه شنو
- كيف يعني مرتك ونحنا وين اصلا
- كدا عديل اخوك عقد لينا و نحنا حاليا في سويسرا
- مصععب؟😢
- ايوا هو عرف وبابا اقنعه وطلبك من اهلك بس هم مشغولين شديد و انا مستعجل ف جاء مصعب ووريناه😊اي سؤال تاني
- ماما ممكن تلفونك اتكلم معاها.
قام مداه لي
- م تنسي امك م عارفة ولو عرفت ممكن يحصل ليها حاجة في النهاية انتِ بتها الوحيدة.
فكرت في كلامه كان صح بس انا اشتقت ليها شلت التلفون من اول جرس ردت
- ماما😭
- ميمي حبيبتي😢.
سلمت عليها وفتحت الكاميرا و بقيت ابكي زيادة اول م شفتها مشيت شباك البلكونة قعدته فيه جاء زياد قعد وراي و رقدني في حضنه وانا لسة مستمرة ببكي وهي بتحاول تسكتني قال
- خالتو بتك دي بكاية شديد😹
- اي والله انا م عارفة زاتو طالعة لمنو البت دي😂
- ماما😔.
زياد شداني عليه زيادة نظام خلاص
- يلا ي مايا انا وراي عملية و كمان نسيت نتيجتك طلعت و كالعادة حبيبتي الاولى ربنا يوفقك☺ و خلو بالكم من بعض.
ماما قفلت و انا حضنت التلفون وفضلت ابكي لحدم قاطعني صوت زياد
- مبروك
- الله يبارك فيك.
و قمت بسرعة مشيت غرفتي استحميت وطلعت لقيت تلفونه بضرب كان مكتوب بالإيطالي حبيبتي طلعت اديته ليه وحمرت ليه ومشيت المطبخ شربت موية ورجعت غرفتي جاء طق لي الباب
- الاكل
- م دايرة.
فتحه ودخل
- كل يوم لازم نتشاكل فيه يعني ولا كيف😒
- م جبرتك تحنسني انا م دايرة بطني و حرة فيها
- لا معليش انا صح م معتبرك مرتي بس اذا حصل حاجة ح يختوا اللوم علي وبعدين دقيقة انتِ مفكرة اذا م اكلتي ح يحصل شنو يعني ولا شيء صح ف احسن تاكلِ بدل تتعبيني ساي😒.
طلع جاب الاكل وجاء اكلت شوية وقمت حمر لي وطلع بعد يومين صحيت ادوشت قعدته في البلكونه شوية وجاني
- بكرة ح نمشي ايطاليا جهزي نفسك.
ومشى يعني انسان غياظ وسخيف بطريقة مبالغة مشيت عملت نسكافيه ورجعت شربته ونمت مشينا ايطاليا ونزلنا في بيت ياخ كلمة خرافي بسيطة عليه حاجة بس تتخت في متحف دخلت غرفة وداني ليها كانت رهيبة لونها ابيض ورمادي فاتح وبيج فيها سلم بوديك للحمام وغرفة الملابس فوق حاجة رهيبة والاحلى من دا كان فيها ملابس ع زوقي بالظبط دخلت ادوشت ونمت صحاني تاني يوم للاكل نزلنا اكلنا و مشيت الهول فتحت التلفزيون وبقيت احضر قعد جمبي ومدا تلفون
- دا ليك لانو نسيت م جبت تلفونك
- امم.
شلته وم عاينت ليه زاتو
- بكرة نازل شغل رقمي مسجل اذا عايزة حاجة اضربي
- امم.
حمر لي وقام بعد شوية جاء راجع و معاه شنطة
- احم دي بتعتك اتبدلت مع بتعتي بالغلط😊.
قلت
- امشي شيل بتعتك انا لسة م فتحتها اصلا😒
مشى شالها وانا مشيت فتحتها اشيل منها ملابسي البنوم بيها لقيتها جايطة م نفس ترتيبي😬واي دي هي الكانت عنده😑شلت وحدين ومشيت ادوشت ورجعت نمت صحيت الصباح لقيت البيت فاضي حمت فيه شوية ومشيت عملت اكل وفطرت ورجعت غرفتي نوعا م انا اتخطيت الحصل لي م عارفة هل دا من اني بعدته ولا زياد معاي طردته الافكار دي وضربت لماما اتكلمت معاها فجاءة قالت لي
- قومي اتظبطي راجلك بجي حسي و انا بضرب ليك بعدين
- ماما ياخ😬
- ي بت بلا ماما معاك انتِ بقيتي متزوجة خلي حركاتك دي😒
- م دايرة ياخ😔
- مايا لوم قمتي وجهزتي اكل وظبطتي نفسك م تضربي لي تاني.
قفلت في وشي😐دي شنو الوقعة دي عارفاها م ح ترد تاني اووف يلا اصلا انا زهجانة مشيت عملت مكرونة بالبشاميل وفطاير وشيبس مشيت ادوشت كنت تعبانة قلت انوم لما يرجع بصحيني نمت وصحيت تاني يوم الصباح لقيته طلع ☺ لقيته اكل الاكل طلعت الجنينة ياخ كانت احلى من البيت زاته في شجر فواكه و نجيلتها خضراااء فيها جلسة بنزل ليها بزي 5 درجات شكل دائرة و في النص في النار قعدت شوية ضربت لمصعب بس م رد قلت احتمال في عملية ضربت للبنات كنت حافظة ارقامهم
ربا: منو معاي
روز: هيي انت منو
جوينة: اسكتو خلوه يرد ياخ😒
- ي بنات دي انا😢.
كلهم صرخوا
- مايا😢
ربا: مايا حبيبتي مشتاقين😢
جوينة: انتِ كويسة
روز: وين كنتِ نحنا اشتقنا ليك😢
- انا كمان اشتقت ليكم😭.
بعد السلام وراقوا
روز: ي حقيرة عرستي و م وريتينا😑.
انا اتفقعت بالبكا استنوني لحد م وقفت بكا
- اانا اعتدا علي😭
روز: كيف يعني
- كننت نايمة وو😭
ربا: روز انتِ وصلتي ولا لسة
روز: طالعة من المطار
جوينة: ميمي رسلي عنوانك ليها
- طيب😭
فصلت منهم رسلته وطلعت غرفتي شوية والحارس ضرب لي
- مدام عندك ضيفة اسمها روز
- خليها تدخل.
مسحت دموعي سرعة ونزلت هي كانت داخلة وقعت في حضنها طوالي
- روز😭
- اشش اهدي حبيبتي.
قعدنا جبت ليها موية و عصير و تاني رجعت ابكي
- احكي لي في شنو
- خالي الكنت نازلة معاه ولده اعتدا علي😭
- انتِ كويسة؟
- امم😭
- متين حصل دا كله وناس خالتو كيف يوافقوا انك تعرسيه.
قلت
- دا اخوه😭
- كيف يعني كدي اهدي ووريني
- انا ضربت فادي الاعتدا علي و وزياد جاء اخدني و وبعدين اخته وخالو عرفوا وصحيت يوم لقيت نفسي مرت زياد😭
- طيب خلاص اهدي يلا غرفتك وانا بجيك بعدين بس اوصل لماما واغير وارجع
- لا خليك معاي وبعدين امشي زياد كمان م برجع حسي😢.
طلعنا غرفتي مشت ادوشت و انا نزلت عملت اكلاتها البتحبها و عملت دونت فرنسية جبتهم ليها وخليت لزياد اكلت ونزلنا الجنينة اتونسنا والدنيا ضلمت قالت ماشة و انا نمت
#نهاية 15
