- طيب ي ستي انا حابِّ اقول ليك انو م مهم تعرفي الحصل بس كوني مطمنة انا م ح أأذيك لا انتِ لا البيبي😊
- طيب ع الاقل وريني اسمك☺.
اتشرق بالعصير
- دقيقة دقيقة م عارفة اسمي عليك الله انتِ جادة و ناديتيني كيف و بتتوجعي😹.
استغربت هو بقول في شنو هزيت ليه راسي بايوا
- انتِ بتخربِ للزول اسمه بدون م تعرفيه😹
- ي تقول ي ح اخليك الغبي.
و هو لسة مستمر بضحك قلت
- أصلا انا شايفة الغبي احلى☺.
اشر لي بيدو☝ نظام لحظة رفع عيونه علي وقال
- طيب زيزو دا منو😹
- زيزو منو؟
- بوظتي لي اسمي مع تالية و اسي عاملة رايحة😒
- قصدك انت زياد😨
- لالا انا خيالو😒
- لااا😨.
اكل لقمة و قال
- اها مالك😒
- انت الشوهتني نفسك زياد اخو تالية😒
- ايي مانع😒
- اي انا بكرهك😒
- اها و يعني🐸
- طيب نحن وين وناس ماما و تالية وين😒
- خلصي اكل اول بعدين بوريك☺.
رفع صحنو و قام خلصت اكل ومشيت اودي صحني لقيته في صفرة المطبخ ومدمع اول م شافني مسحهم بسرعة وقام
- كان تناديني نسيتي الدكتور قال شنو😒
- م نسيت لكن المسافة م بعيدة بعدين دايرة اعرف إجابة سؤالي😒
- تعالي معاي. سندني و مشينا الهول
- اتسطحي شوية.
فتح فيلم وقال
- الخضار خلص انا ح امشي سرعة و ارجع خليك هنا و لوسمحتي م تتحركي علشان خاطر البيبي.
هزيت راسي بطيب حمر لي وطلع😒نفسي افهم الزول دا منفسن كدا ليه شوية بضحك وبشاكل و ببكي ماله كريه ياخ😒مرت زي ساعتين و حاجة و هو م جاء انا مليت فكرت اقوم اشوف الشقة اول م وقفت هو دخل
- مش قلت ليك م تقومي😒
- مليت😒
- اها زهجتي تتعبي البيبي يعني😒.
صرخت فيه
- م ممكن معاك لكن كلامك جارح انت م خايف عليه اكتر مني انا امه يعني مستحيل اتعبه فاهم😢
- خلاص م تبكي بعدين الفيلم فاتح زهجتي كيف😒
- م بعرف اقعد براي😒.
جراني و قعد حضرنا و انا كنت نعسانة نمت حسيت بيه وداني الغرفة😹
صحيت بصوت تلفون لقيته حابسني في حضنه😑
- ي غبي😒
- اممم
- تلفونك😒
- خليه واسكتي
- فكني خلاص😒
- مايا نومي ساي احسن😊.
حاولت ارجع انوم مرت ساعة و نص م قدرت انوم و هو نايم عضيت يده ضغط يده علي زيادة
- زياد اصحى😒.
فكاني وطلع علي ومسك يديني
- دايرة شنو ياخ😒
- كيك😒
- كيك شنو يا مايا المصحياني عشانه😒
- دايرة كييييك😒
- طيب ياخ😒.
قام طلع و جاء بعد ساعة شايل كيك وحليب مداهم لي
- دايرة كيك ليمون م فنيلا و م دايرة حليب😒
- مايا اكلي بس😒
- م دايرة😔
- اوف ياخ طيب اصبري ح اطلبها😒.
حمر لي وطلع شوية كدا جاء و معاه الكيك😀💚مشينا البلكونة اكلت بمزاج وقلت شكرا.
حمر لي وسكت عاينت في الشارع كويس دام السودان ولا حتى الناس سودانين وقلت ليه
- نحن ليه في اسبانيا.
انا عرفتها لانو اكتر بلد جيتها😹قال
- علشان تتخطي الموضوع
- طيب ليه انت معاي ماما و بابا وين.
قال
- في فرنسا.
سكت شوية وقلت
- ليه انت م هم
- لانهم م عارفين اكيد م ح يستحملوا صدمة زي دي بس.
وسكت م تم
- بس شنو.
- ولا شيء خلاص.
مر اسبوع و انا اتحسنت و قررنا ننزل السودان لانه خلاص انا بقيت كويسة زياد طلع يجيب الدكتور و انا ادوشت و دايرة اشوف البيت كان فيه 4 غرف2 زي بتاعين المستشفيات و 2 عاديات وحدي فيها انا و زياد و وحدي فاضية كان في باب منفصل بعيد عن باقي الغرف اول م وصلته الباب فتح ودخل منه زياد و الدكتور دخلنا الغرفة الوداني ليها زياد يوم نزفت الدكتور فحصني و ورانا البيبي كان صغير و حلو حلا💜الدكتور قال الحالة كويسة بس برضو م ارهق نفسي عشان دا الشهر التالت يادوب بعد الدكتور طلع مع زياد عاينت لبطني وختيت يدي عليها و ابتسمت بالجد فرحانة بخبر انو البيبي كويس زياد جاء داخل لقاني بحالتي ديك ابتسم لي وقال
- ان شاء الله دايما مبسوطة💚
- م مصدقة انو ح يكون عندي بيبي
- تحبي اقرصك☺
- ي غبي😹.
سكتنا شوية و قال
- كفاية زحي يدك و يلا الغرفة☺.
رفعت ليه يديني يعني يلا شيلني😹
- مايا انتِ كسرتي لي ضهري امشي ساي😒
- الله يخليك😔
- مايا😒
-اخر مرة😔
- ما في فايدة😒
- لا
- الله معاي😬.
شالني و مشينا الغرفة رقدني و رقد وراسه في رجليني😑قلت
- شكرا لانك اهتميت بينا و ساعدتني وحافظته على البيبي😊
- مايا انا مصدع😒.
جرا يدي ختاها في راسه
- اقري لي بس
- قريت ليه لحدي م نام و انا نمت حسيت بيه بعد فترة قام وغطى بشعري نص وشي وهمس .
- بتشبهك شديد.
و باس شفايفي للحظة خفت منه وكرهته شديد بس حسيت بدموعه في يدي شكلو وراه حكاية و م حبيت اصحى واحرجه حضني و هو ببكي و انا م قدرت انوم بعد كلامه وبوسته بعد ساعة كدا هدا و نام و انا نمت
#نهاية 8...
