مر اسبوع روز كانت بتجيني كل يوم العصر وبتمشي بالليل علشان شغالة في مشروع مع ابوها كنت بعمل الاكل وبخليه ليه وبنوم يعني خلال الاسبوع دا نهائي م لاقيته روز سافرت بعد اتاكدت من انو انا كويسة قمت ادوشت ونزلت لقيته عامل فطور فطرت ومشيت اتمشيت وحضرت فيلم عملت الغداء اكلت طلعت ادوشت وكان الليل جاء نمت سمعت صوت خطوات والباب فتح كنت تعبانة وبردانة لدرجة م قادرة افتح قلت بتعب
- زياد.
م رد لي فتحت لقيته قريب لي شديد
- جسمك سخن حاسة بشنو
- بردانة😢.
زح مني الغطا وشالني دخلني الحمام وفتح موية باردة وانا بقيت بصرخ خلاني لحدي م الحمة نزلت شالني وانا نمت فيه صحيت تاني يوم ادوشت ونزلت وكنت مصدعة وبعطس طلعت لقيته بطبخ التفت لي وقال
- كيفك😒.
رديت
- حمد لله.
وعطست
- اطلعي فوق شكلك ملتهبة.
هزيت راسي وطلعت نمت صحاني بعد فترة معاه الاكل
- م دايرة.
سندني وشربني الشوربة بالغصب رجعت نمت بس حلمت بالحصل بقيت ببكي زياد جاني قمت جارية حضنته
- طلعني من هنا😭
- خلاص اهدي.
شالني ومشينا الجنينة رقدني في حضنه و انا ماسكة في تيشيرته لحد م نمت صحيت تاني يوم بدري لقيته في الحمام وانا في غرفته مشيت ادوشت ونزلت عملت الفطور استنيته جاء نازل بتكلم بالتلفون فصل وجاء قعد
- كيف بقيتي
- حمدلله
- مايا عايني فادي الله يرحمه اتوفى ف حاولي انسي الحصل وهنا مستحيل تحصل ليك حاجة.
مسك يدي
- ي ريت تنسي.
جريت يدي وهزيت راسي بطيب قال
- شكرا ع الاكل.
وقام طلع هو ليه سمح كدا وعيونه الرمادية ع ازرق مع الفريم وعضلاته طردته الافكار دي وضربت لماما اتكلمت معاها شوية و البنات وعملت اكل طلعت غرفتي ادوشت ونمت فضلت اسبوعين بالحالة دي وانا زهجت شديد وزياد م لاقيته بس بسمع خطواته لغرفته صحيت من الصباح عملت الفطور بس م اكلت م كان نفسي رجعت غرفتي فتحت التلفون وبقيت بلعب الباب دق استغربت وبقيت خايفة دا منو قمت فتحت لقيته زياد م مشى الشغل شكله
- ليه م فطرتي
- م نفسي
- خلاص يلا نفطر برا
- م دايرة امشي انت اذا عايز😊.
حمر لي ومشى نزلت بعديه بزي ساعة لقيته لمى الاكل وفاتح التلفزيون قعدت معاه تلفونه ضرب كان نفس الرقم المسجل بحبيبتي شاله وقام رجع بعد مسافة و وشه احمر مدلي التلفون
- امي عايزاك
سلمت عليها وهي بقت تبكي وانو هي اسفة م خلت بالها مني وكدا في النهاية اقنعتها انو انا كويسة ومبسوطة.
بعد قفلت مشيت الجنينة جاني زياد قال
- في حاجة؟
- لا
- طيب.
التفت مشى كم خطوة راجع وقفته
- زياد
- نعم
- ممكن نطلع نتمشى شوية
- اجهزي وانا ح امشي عندي اتصال مهم وراجع.
م استنى ردي زاتو و مشى طلعت لبست شورت اناناسي مع الركبة وتيشيرت ابيض برمادي وجزمة اناناسي نزلت لقيته مستنيني لابس تشيرت رمادي وشورت كحلي واي من عضلاته ياخ😬قال
- يلا.
طلعنا مشينا لفلفنا شوية ومشينا اكلنا ونحنا ماشين ع البيت لاقونا ولدين ماشين وبعلقوا
- ادينا حلوتك دي يومين بس يا اخونا.
وفضل يغمز زياد وشه بقى احمر و عيونه بتطلع شرار مسكه ضربه وانا بقيت بصرخ فيه و ببكي لحد م جات الشرطة فكتهم جراني وقف تكسي ومشينا وفضل ماسك يدي لحد م دخلنا البيت وانا ببكي فكاني وقال
- اذا عايزاني اموتك واشرب من دمك ي مايا القاك لابسة كدا و طالعة في البيت البسي العايزاه م بسالك لكن بس جربي واطلعي كدا بموتك بموتك فاهماني ولا لا😡.
خليته بصرخ وانا طلعت جري ببكي
- مايا😡.
دخلت قفلت علي الباب وفضلت ابكي جاء دق الباب
- مايا افتحي الزفت دا
- م بفتح امشي من هنا😭.
مشى وجا فتحه بمفتاحه ودخل لقاني ببكي
- وقفي بكا😡
- زياد اطلع خليني بحالي كفاية ياخ😭.
حمرلي وطلع شهر م لاقيته بصحى كل يوم الصباح بلقاه جايب لي هدايا وكاتب اسف ومرات بعمل الفطور بدخله التلاجة وبرجع ليه الهدايا غرفته صحيت يوم بصداع فظيع نزلت لقيته بعمل في الفطور حمرت ليه ومشيت شلت بندول بلعته ومشيت الجنينة جاء قال
- مايا يلا الفطور.
حمرت ليه
- مايا بطلي دلع انا اعتذرت ليك لانو صرخت فيك بس دام بديك الحق انك تعملي العايزاه
- لا و الله دي حياتي وانا حرة انت دخلك شنو
- انا راجلك لو متذكرة
- بالنسبة ليك بس لي لأ و م بهمني اصلا كفاية جدا تكون بعيد مني
- مايا😒.
حمرت ليه ومشيت ضربت لماما اتكلمت معاها شوية وقفلت نزلت تحت لقيته مافي شلت عصير وساندوتش ورجعت الغرفة طلعت البلكونة لقيته في المسبح واي ياخ من عضلاته اللهم الثبات بس😐كان شكله معصب بس م دخلي بيه شنو هو مفكر ح يعمل العايزو مر اليوم عادي وتاني يوم م عارفة بس صحيت مبسوطة فطرت ونزلت الجنينة شوية وطلعت عملت اكل ومشيت ادوشت وضربت للبنات اتكلمت معاهم حكيت ليهم قالوا لي اي راجل في محله ح يعمل كدا من خوفه عليك غايتو م صدقتهم لكن مشيتهم شوية والباب دق ودخل زياد
- كيفك
- حمدلله
- احم عايني انا مسافر عندي رحلة طويلة شوية تحبي اجيب ليك مرت صحبي تقعد معاك ولا تمشي معاي
- مرت صحبك راجلها وين
- ح يكون معاي
- طيب
- افهم انك دايراها
- امم
- طيب انا ماشي اجهز حاجاتي وح اضرب ليها تجي.
ابتسمت ليه وطلع مشيت ختيت ليه الاكل وناديته اكل وطلع شوية و نزل كان لابس ملابس الكابتن استغفرالله بس ومظبط لحيته طلع فتح الباب وجاء و معاه وحدي بتشبهني الى حد ما معاها بيبي عمركم شهر
- مايا دي لانا
- لانا مايا .
شال البيبي بوسه وطلع وانا مشيت سلمت عليها وقعدتها. كانت بنفس ملامحي بس عيونها اخضر عديل وانا تركواز و عندها شامة في حنكها و دقة خفيفة و انا في خدي و شفايفي ملاينة اكترو حتى جسمي شبهنا كان غريب جاء داخل زياد و معاه واحد اشقر قال
- كيفك مايا انا نيفاد
- اهلين نورت.
قعدو زياد شايل البيبي وبلعبه وبتكلم مع نيفاد في الشغل وانا و لانا بنتونس في الجو حلو الايام دي ووقت المطر جاء وكدا قاطعنا صوت زياد
- مايا تعالي لحظة.
ادا الولد لابوه ومشينا اداني كيس
- دا ليك ي ريت م ترجعيه واذا احتجتِ حاجة القروش في الخزنة في غرفتي والبطاقة في الكيس انا ح ارجع بعد اسبوع او اكتر م عارف خلي بالك من نفسك.
باس راسي وخدي.
- انتِ قوية طيب؟.
هزيت راسي بطيب ابتسم لي ومشى طلعت وراه لقيته وصل الباب التفت ابتسم لي وطلع قلت
- لانا يلا ننوم للصباح
- طيب يلا.
مشيت وريتها غرفتها و مشيت غرفتي فتحت الكيس كان فيه جزمة نايك زيتونية برمادي وكاب ولبسة شورت و تيشيرت نايك رمادي و ارواج و ورود وفستان ابيض بأسود وجزمة بينك فاتح و عطور و طقم الماس كانوا حلوين شديد دخلتهم ومشيت نمت تاني يوم صحيت بصوت البيبي ببكي ادوشت وطلعت لقيته لسة ببكي
- ماله؟
- والله ي مايا م عارفة هو في العادة م ببكي كدا.
شلته منها وضربت لماما كلمتها قالت لي شربيه يانسون عملته اديته ليه وامه نومته عملنا اكل ومشينا اكلنا وقعدنا نتونس بت عسولة شديد عرفتها على البنات وبقينا كل يوم نضرب ليهم ونتكلم ومرات بنوم معاي ليفانت صحيت سادس يوم بلانا بتكورك
- ميمي ي بت.
نزلت سرعة
- ايوا ايوا.
لقيتها في نص الصالة وشايلة صينية
- امشي ادوشي سرعة وتعالي
- في شنو انا نعسانة ي مزعجة😴
- مايا امشي علشان م اجيب ليك موية باردة
- طيب طيب.
مشيت ادوشت ونزلت لقيتا مجهزة كمية من الماسكات شعر و جسم ووش
- دا شنو ي مجنونة انتِ😹
- ياخ طولت م عملت كدا😂
- طيب استني نفطر
- اوه شت نسيت😂.
فطرنا ونومت ليفانت واتجلبطنا و رسلنا الصور للبنات بقوا بنبزوا فينا😹.
قضينا اليوم كله كدا بالليل كدا طلعنا الجنينة
- مايا انا دايرة اسبح تمسكِ لي ليفانت؟
- اي طوالي.
مشت غيرت وسبحت شوية و طلعت غرفتها نومت ليفانت ووديته ليها لقيتها بتبكي
- هيي لانا مالك.
ختيت الولد ومشيت ليها حضنتها
- اشتقت لنيفاد😭
- اشش خلاص باقي ليهم يومين بس بعدين انا هنا معاك😐.
هديتها ومشيت ادوشت وم جاني نوم لبست بكيني وروبه ونزلت المسبح لانا شافتني من فوق جات قعدت معاي شوية و تلفونها ضرب ردت ومشت فضلت بسبح قريب ساعة طلعت وبلبس في الروب المطرة صبت لبسته وطلعت فوق لما وصلت غرفة زياد كان في اصوات فيها دخلت اشوف في شنو لقيت زياد بفتش في الادراج وخاتي البشكير في كتفه ولابس بنطلون بيجامة بس لفيت بسرعة دايرة اطلع لانو شكلي كعب اول م مسكت الباب قفله وجراني عليه
- اشتقت ليك
- ززيااد😳
- عيونو.
خت البشكيرفي راسي وبقى ينشف لي شعري حاولت اتفك منه بس م قدرت باس رقبتي ورمى البشكير و بقى بيلعب لي بشعري
- انتِ ليه كدا
- زز..
قاطعني ببوسة وفك روب البكيني وشالني وطلع م عارفة ليه بس م قدرت ابعده و لا امنعه وحصل زي اي اتنين متزوجين تاني يوم لفيت نفسي وطلعته ادوشت ونزلت اعمل الفطور جاء حضني وباس كتفي
- صباح الخير.
م قدرت ارد زاتو قبلني عليه
- مايا انتِ كويسة؟.
هزيت راسي بايوا
- طيب مالك.
رفع لي راسي بيده
- الاكل ح يحرق.
واتلفت بسرعة جراني
- مافي حاجة في النار اصلا😂.
اتفكيت منه وجريت غرفتي بعد ساعة جاء فتح الباب و انا كنت بربط في اربطة التيشيرت اتلفته بسرعة دخل ورقد في سريري
- عاوز حاجة😒
- مستنيك تخلصي علشان نفطر😊
- خلاص اطلع خليني اكمل لبس😐
- لا.
حمرت ليه قام جاني
- في شنو مالك انا راجلك ع فكرة😂 و خلاص يعني امبارح كله اتكشف.
باسني بسرعة
- ولا اعيد😉.
ضربته في بطنه
- اتلمى😒
- معليش خلاص😂
مديت يدي اقفله
- خليه انا بقفله ليك.
لسة م رديت لفى ورفع لي شعري كعكة مررا صابعه في ضهري ونزل ايادي التيشيرت حاوطني من نصي بيد والتانية من اكتافي
- زيااد😶
- قلبه
- م جيعان😢.
لفاني عليه وبقى بضحك ضحكته حلوة شديد😴
- لا م جيعان😂
- انا جيعانة😢
- متاكدة😂
- امم
- طيب يلا😂.
قفل لي التيشيرت ونزلنا اكلنا ومشينا فتحنا فيلم وقعدنا رقدني في رجوله وبقى يمشي ع شعري
- مايا انتي امم احم
- في شنو
- عايني م تزعلي طيب
- واذا حاجة بتزعل داير تقولها ليه😒
- خلاص انسي
- قول طيب م ح ازعل
- احم اليوم داك الاعتداء م كان كامل صح؟.
قمت بسرعة منه
- كييف😳.
رجعني لحضنه وقال
- مايا انتِ كنتِ V دا بقول الحمدلله انو م كان كامل.
بقيت ساكتة وعيوني مدمعة و بعاين ليه باس عيوني
- هيي خلاص انا م قلت ليك كدا علشان تبكي بس وريتك انو ربنا حماك و انتِ م حسيتي بسبب الجروح😊.
قمت منه ودخلت غرفتي وهو كان بنده لي جاء طق لي الباب
#نهاية 16 ...
