طبعا بقيت شغالة لي روحي هسي دي الشغالة بالله😳 اقسم بالله انا الشغالة ماهي 😂مشيت عليها قلت ليها خالتو حنان مالك ان شاء الله خير🙂 رفعت راسا عاينت لي😚 قالت لي لا خير بس بضرب لي ولدي من جبيلك ما برد دايراهو يجي يرجعني😇 قلت ليها خالتو خلاص ما مشكلة بنرجعك انا ومهند ☺️قالت لي كتر خيرم يا بتي بس انا زاتي قلقت عليهو😢 بس تاني ضربت الخط فتح قالت بي كل لهفة ياولدي انت كويس😣 طبعا انا ما سامعة المتكلم بس هي السامعاها تاني قالت من جبيلك بضرب مالك ما بترد☹️ سكتت وتاني قالت بي خلعة اجي ياولدي كيفن يعني اسي اقعد يومين في البيت براي الله ورقبتي 😰😱تاني سكتت مسافة وقالت غايتو ياولدي الله يديك العافية بس تصل بي السلامة🤗😥 امي جات في اللحظة دي قالت ليها مالك يا حنون قالت ليها والله ولدي كان منتظراو يرجعني قال لي جاتني سفرة مستعجلة ومهمة وبجي بعد بكرة😣 قالت ليها واولادك التانين وين☹️ قالت ليها محمدومهيد ساقو نسوانهم واولادهم مشو بورتسودان لي عمهم وجوري عند خالتها الايام دي عندها امتحانات الجامعة قريبة ليها من هناك ود ياهو ادهم سافر اسي الا ارجع مع الفلبينية😢 طبعا انا اتغظت منهم يعني امهم عيانة الماشي يرفه والماشي يقرا والماشي لي شغل واكتر حاجة اتغظت من الاسمو ادهم دا عارف حالة امه يعني الشغل اهم منها😠 امي قالت ليها دا كلام تمشي معانا انتي والفلبينيةالبيت وامي بقت تحنس وانا احنس في النهاية رضت😍😌 وقالت الفلبينية مابتعرف تنوم بره البيت رسلو ليها السواق ساقها قالت لي انتي ياريري ماناوية توريني وشك ولا شنو😉 ضحكت قلت ليها بعدين في البيت بتشوفيني علي الطبيعة😉 قالت لي سمح تاني قمت مشيت ضربت لي ام انفال خالتو امال عشان تبيت معاي ووافقت طوالي😍😌 لانو انا كمان بمشي ببيت معاها واهلنا اصحاب شديد انفال بتعرف اهلي كلهم وبعرفوها واناكمان نفس الشي 😌يلا انفال جاتني قالت لي الليلة ابوي بتكيني وبضبحني ماحسيت بي الوقت قال لي تجي عشرة واسي اتناشر غايتو كان جيتكم بي شنطي ما تستغربو 😂😅قلت ليها ولا تلزمينا عشان تاني ماتمشي تهججي وتنسي وعودك😌 قالت لي انا زاتي غلطانة ومتخلفة عشان بوريك لكن حقك علي وبقت تخبت فيني بالمخدة 😁وانا ام قلبا ميت اضحك🤣 لازم اجهجه باكاتا تاني قلت خلاص مسكينة اقوليها😌 قلت ليها خلاص كفاية انا استاذنت من خالتو عشان تبيتي معاي قالت لي وقالت شنو😳 قلت ليها ماوافقت وقالت ليك الليلة الدق😤 تاني بقت تخبت فيني😭 قلت ليها خلاص يا سجم وافقت بس قلت ادبك 😒يا دوب بقت تخبت فيني اكتر وانا شلت مخدة وبخبت فيها ما السن بالسن والعين بالعين والخبتة بالخبتة😂 جا مهند ومحمد لقونا بنتخابت 😳محمد قالي اصلو مافي انوثة 😏اصلو كدا دي شنو معارك داحس والغبراء دي شال المخدات يا حليل المخدات اتعذبن في الدنيا دي😭 وباس المخدات انا بطني انشرطت بالضحك ومهند وفلتي وهو زاتو يضحك من دراماتو🤣🤣 بس جا لؤي خاشي 😒قال ضحكونا معاكم😌 طبعا رجع لليان البيت وجا تاني 😒مهند قاليه دي دراماتهم كعبة ارح ساي 😁😂طبعا عاين لي كدا وتاني حمر لي كدا وطلعو كلهم انفال قالت لي احي الليلة حانتلما انا ومهند تحت سقف واحد عقبال اللمة التانية 😂وقعدت تضحك وانا زاتي قعدت اضحك فاهماها المؤفنة😁 بعد داك انا مشيت باركت لي بت عمي قالت لي كالعادة اول واحدة تضربي واخر وحدة تجي تباركي ضحكت قالت لي ما مشكلة ما بتقصري بعداك مرقنا طبعا عربيتي انا ومهند ابوي قال مهندبسوق بي سرعة ساق هو ومعاهو امي وخالتو حنان وفنوش ومهند طردوهو وقالو ليه يمشي معانا😂 انفال قالت لي حي دي نيتي السمحة احمدك واشكرك يارب 🤲انا ضحكت فيها ضحك جا قال لي اها طردوني قلت ليه اها انتا يطردوك من هناك تجي هنا ابيت ما بديك تسوق😬 طبعا مهند بسوق بسرعة هو حريف في السواقة لكن الزول بستفرغ امعاؤ خاصة بالليل😓 قامت انفال نزلت ليه من قدام قال ليها لا خليك قالت ليه لالا كيف الكلام دا🙂 وركبت ورا طبعا عربيتي توسان بس بحبها هي ما بدور العربات التانية 😅مهند قام شغل المسجل مالقا غير القران واناشيد طيور الجنة واغاني سبيستون 😆قعد يضحك قال لي انتي شافعة يا ريان😅 قلت ليه اي انتا مالك بعد شوية شغلت الحلو صار يحبي من طيور الجنة بس وبقينا نتعاور انا وانفال ونغني🤣 مهند بس يعاين لينا ويضحك قمنا وقفنا في الاستوب في النص بي جاي بابشكو وبي جيهة مهند في بت كدا فاكة شعرها قرضة لمن بهناك 😍قامت غمزت لي مهند🤣 طبعا مهند دا مفتري الا قدام العايلة بس تاني الناس والبنات كلهم مركب ليهم وش الككو 🤣🤣عاين ليهاكدا وقبل عاينت لي انفال لقيتها بتصرصر لي البت 😂البت نزلت القزاز قالت لي انفال انتي مالك محروقة كدا يا بيبي اوعا يكون حبيبك 😉طبعاانا فاتحة القزاز ماقاعدة اقفلو بليل وقالت لي مهند بي سماحتك دي ما بتعرف تسوق😏🧐 وطبعا ناس بابشكو مراقبين الموقف قامت انفال قالت ليها انتي ما بتخجلي😒 قمت سكت انفال عشان ماتردح ليها البت غمزت لي انفال وقالت لا لا😄 انا قمت قلت ليها يابيبي انتي داقة صيوانك معانا لي شنو خليك مع المعاك ديل ما تدخلي كمشتك دي في كل ملاح 🤨اللحظة دي الاستوب فتح قامت مشت علينا بي عربيتا قربت تطقشنا😣 قام مهند قال لي ريان ياخ بدليني قلت ليه دقيقة عملت ليها مقص بالعربية شمتني وقامت تاني تضاري بالعربية وتغمز ليينا😠 قام مهند قالي كدي زحي لي البشر دي غازتني😡 قمت وقفت العربية اتبدلنا انا ومهند ولحقا ليك ابوي ضرب لينا قالينا يا اولاد خليكم عاقلين قلت ليه سمح 😌بس مهند قام لحقا اقسم بالله عارض ليها معارضة اقسم بالله جنن البت جن تاني كان قالوليها شاغلي زول مابتشاغلو😂😌 قامت قالت لي مهند طلعت حريف لكن مهند فحط قدام عربيتها ومشا😌قلت ليه عاد كعب لكن قالي لكن ماغازتني😒 قبلت اشوف انفال ميتة ولا حية قبلت عليها لقيتها راقدة في الكنبة وكان خلاص مهند قرش العربية طبعا اتخلعت😳 قلت ليها انفال مالك ما ردت انا هنا خلاص حيلي مات😱 قام مهند نزل وفتح الباب الورا قلت ليه دقايق قمت ركبت معاها ورا لقيتها خايفة شديد وبترجف اذكرت زمان كان عندها فوبيا من السرعة الشديدة😭 لكن بقت مابتجيها وحضنتها علي قلت ليها فلتي ماتخافي هدي العربية وقفت خلاص مهند بي لهفة قالي مالا😳 قلت ليه عندها فوبيا من السرعة الشديدة قمت قلت ليها فلتي سامعاني انتي مسكت يدي قلت ليها ارح انزلي ابوي قالي مالكم يااولاد فلة مالا😳 قلت ليه لا بس عندها فوبيا وجاها هبوط😞 اول مانزلت انزلقت قلت ليه يا مهند تعال شيلها ما بتقدر تمشي مهند طوالي جا شالها ودخلنا جوة قلت ليه دخلا غرفتي ختاها في السرير😎 قلت لي الحبشية اسمها ماري قلت سوي ليها ملح وسكر قالت لي كيف ياني🤓 قام مهند قاليها خليو انا بسويهو ومشا بقيت اهبب ليها قلت لي ناس امي ماتطلعو بتبقا كويسة حميتهم لانو خالتو حنان مابتقدر تطلع السلم😭 قمت قلت لي مهند شوف لي الدرج فيهو بندول قال لي لا لا 😱شربتها ليهو مهند مشا يجيبو من غرفتو اتاخر انا قلت يمكن نساهو انفال قالت لي انا كويسة ماف داعي قلت ليها انا اسف..قالت لي انا ما كنت حاسامحك بي سهولة لكن عشان شيلة مهند وجلكوزو عافية منك دنيا واخرة😌 ضحكت ضحك قلت ليها معولقة 😁😆وطبعا بتتكلم بي صوت واطي قمت قلعت ليها الحجاب وفكيت ليها شعرها ما شاء الله شعرها في نص ضهرها وعاملة ميج بالاشقر 😍😍❤️💋قومتها عشان تستحما استحمت ونشفت ليها شعرها بالاستشوار اديتها بجامة كدا لونها اسود انا برضو كبيرة علي يدينها طوال فيها دبدوب بالرمادي انا لبسي كلو اسود😍💋 والالوان التانية مع الاسود انا لبست بنطلون جينز اسود معاهو بلوزة رمادية طويلة😍 انفال قالت لي اشي انتي ياجنو لو ما كنتي منقبة كنتي عملتي عجايب قلت ليها لشنو يعني قالت لي بس كدا قولت ليها حتي انتي عيانة تافهة يا مرض😂😂 قامت صنقرت في السرير قالت لي ريان انا جعانة ياخ😌 قلت ليها خلاص قمتي لللهطي 😁انتي تعبانة ارقدي خلاص بس في اللحظة دي مهند جا داخل وشاف انفال بالمنظر داك🙊🙊 قام دنقر قال ااسف م ماكنت ومرق وناداني قالي هاك ادي ليها ودا البندول مر عشان كدا دوبتو في العصير قلت ليه كويس قالي انا ماكنت قايلها قاعدة كدا والا ماكنت دخلت 😭😔قلت ليه طيب تمام بس اعتذر ليها هي اداني العصير ومشا دخلت لقيت انفال لابسة اسدال الصلاة حقتي قلت ليها ماجاي تاني قالت لي واي يا ريان شافني بالمنظر البشع دا 😭قلت ليها بي بشاعتو لكن بدشدش😉 قالت لي ريان انتي😒 وقمنا في المخابتة قلت ليا العصير دا مهند سوا ليك قالت لي مهند سوى لي اناقلت ليها يب طبعا مشت علي العصيرتشرب فيه جغمة جغمة 😂قالت لي احي العصير دا سواه بي دمو سمح سماحة ياخ 😍كان بلقا الاهتمام دا من مهند تاني كل ما مرة زيدو السرعة😍💋 اقسم بالله مانصيحة 😂بس تلفوني ضرب لقيتو مهند قلت ليه هيمو حقي انفال بقت تقرص فيني كيف اقول كدا😂 مهند قالي انفال بقت كيف قلت ليه كويسة قال لي بالجد ياريان ☹️طبعا مهند ما بقول لي ريان الا لمن يكون جادي قلت ليه اي وانا بجيك بعد شوية😤 انفال قالت لي اصدميني وقولي بسال مني قلت ليها اي 😎الكذب حرام قالت لي واي يا ريان انا اخوك دا بحبو والله ياخ اعقدو لي اشي دا نزلت لقيت امي😍❤️💋 بتونس مع خالتو حنان قالت لي انفال بقت كيف😊 قلت ليها كويسة😊قالت لي النمشي اشوفا تاني😔 قلت ليها تمام بس هسي بتصلي خالتو حنان عاينت لي كدا 🧐قالت لي ريان 😱ضحكت قلت ليها اي اها ياخالتو شفتيني😌 قالت لي الصلاة علي النبي طيب يابتي وقت انتي سمحة كدا متنقبة لي😂 قلت ليها يعني ياخالتو الا اكون شينة حتن اتنقب 😊قلت ليها ياقول امي اتنقبت سترة وصلحة🤣وضحكت قمت دايرة امشي لي مهند سمعتها بتقول لي امي عاد جنو جن الهنا والسرور يا يما 😍😍ضحكت وطوالي مشيت لي مهند لقيتو قاعد بي فنيلتو الداخلية 🙊قلت ليه ابو عضلات قالي اها 😔لقيتو بلعب بي بتاعت البتزح التوتر ديك قلت ليه انتا ياهيمو مالك☹️ قالي مالي هسي انا😓ما فيني شي قلت ليه مهند الكلام دا قولو لي زول ما بعرفك مانا🤨 قالي ياريان انا الكنت السبب في انو تجيها الفوبيا تاني 😰وكنت داير اعتزر ليها حيت خاشي ساي اسي تلقيها شمتني صاح😣 قلت ليه مهند انفال مامن النوع دا هي اصلا ماختت انو انت ارتكبت غلط عشان تعتزر ليهو هي متسامحة ياخ بس حقت الدخلة توشك دي اعتزر ليها🙊☺️
ولا اقول ليك ماتفتح معاها الموضوع لانها خجولة 😁بس قوليها اسف وحتسامحك قالي بالجد😳 هي كدا قلت ليه احمم صحبتي 😎ضحك قمت دايرا امرق قالي ريان ممكن اسالك عن انفال سوال شخصي😇 قلت ليه علي حسب🤔 قالي انتي عارفة الفوبيا دي جاتها كيف ولي بتخاف من السرعة الشديدة 😔قلت ليه مستعد تسمع قالي اي😌 قلت ليه انفال لمن تحس بالسرعة الشديدة بتفقد الامان لانها فقدت اخوها التوام لمن كانت في تامن بي سببها هم كانو ماشين المدرسة ومامحتاجة اوضح ليك العلاقة بين الاخوان وخاصة التوام💔 المهم السواق ساق سرعة كان بابها فاتح قامت اتنفضت برا واخوها والسواق العربية وقعت بيهم في خور واتحرقت قدام عيونها 😔عشان كدا بتخاف لقيت في وش مهند تعبير شفقة كدا😥 قلت ليه مهند نظرات الشفقة دي ما بتريدها اتعامل معاها عادي اوكي😒 قالي تمام اقفلي الباب وراك مرقت ودخلت غرفتي لقيت انفال ساجدة وبتدعي 😍انتهت قالت لي جنو تعالي اقري لي قران عايزة انوم 😂قلت ليها لا ماف نوم قبلي الاكل قالت لي نفسي اتسدت والله ماعايزة😞 قلت ليها قلت ليك نو يعني نو ومن متين بترفضي تاكلي يابرميلي😜 فالت لي اقسم مافاضية ليك 😏ماري جابت الاكل اكلت لقمتين ورقدت قعدت اقرا ليها لمن نامت اول مرة اشوف انفال كدا ياخ 😣😭
يتبع.......🖤💋❤️😍😍
