هسي ديل اراضيهم كيف مرقت لقيت محمد قاعد في تربيزة جنب بنات مزز علي قولو 😁😁شغال في تلفونو شكلو ما عندو مزاج احنك😁 بس جيت قلت ليه باش مهندس محمد انت زعلان مني ☺️قال لي ريان اسكتي مني وما رفع راسو عاين لي في تلفونو 😒طبعا البنات قبلو بقو بعاينو (نموت في الشمارات نحنا)🤣🤣 قمت جريت كرسي وقعدت جنبو وقلت ليه خلاص انا ما قلت ليك اسفة 😭قالي ما تقولي لي كلمة اسفة دي تاني😠 قلت ليه طيب معليش 😂والبنات داقات صيوانهم معانا قالي ريان تقومي من جنبي ولا اقوم انا وبعاين في تلفونو😒 شلت منو التلفون كتف يدينو رجع راسو لي ورا وقال لي اديني تلفوني لو سمحتي😤 قلت ليه ابيت اسمعني اول قالي انتي قاعدة تسمعي كلامي او كلام حد عشان اسمع كلامك😡 قلت ليه بصوت دلع كدا حمودشي حبيبي ماتتعامل معاي كدا😢 طبعا هو تلقائيا قعد يضحك (دي كانت بت لقيتو بتكلم معاها بالليل وهو ضارب الونسة ماحسا بي الا لمن شلت السماعة ختيتها في اضاني وبس سمعتها بتقول ليه حمودشي حبيبي وطوالي قلع مني السماعة وطردني شر طردة 😂عشان كدا لمن يزعل مني شديد بقول ليه طوالي بضحك🤣😌)قالي عايني انا ما معناها رضيت لاني ضحكت😃 عندي شروط ولازم تنفذيها قالي على قولك اولا 😂😌اذا بالغلط فتحتا شنطتك لقيت مافيها سكراو شكولاته تشوفي براك بعمل شنو عاين كدا لقا البنات مركزات معانا😅 بس بدا يقول في حاجات انا زاتي ماعارفاها شنو😁 اتكلمت معاه شوية وقمت لجين رضت بسهولة لكن الصعبين كانو مهند وانفال قربت ابكي ليهم ياخ😭 بعد شوية كدا المغرب اذن مشيت صلينا انا وانفال ولجين ولليان طبعا هم انتهو واما لسا بصلي بعد ما انتهيت انفال قالت لي التراويح انتهت😒 قلت ليها اخير التراويح ولا كشح الصلاة لاحقة شنو عشان اصلي سرعة😏 بس بدو يلبسو لانو الخطوبة كانت بي حفلة بعد العشا وجايطات وروجي وروجك وحاجاتي انفال قالت لي جنو ماعايزة تغيري قلت ليها لي شنو انا اصلا ما مارقة برة 😁وقمت مرقتا عشان ماتنقنق فيني وتقولي غيري عبايتك😌 مشيت لقيت امي بتسلم علي واحدة وبتبكي معاها وهي المرة مقعدة عندها شلل نصفي كرعينا بس قاعدة في كرسي ولازاها بت لكن المرة ما شاء الله سمحة سماحة بس جبت امي قالت لي جنو قالت ليها دي ريان بتي الكبيرة بتقرا طب في تالتة😍😍 المرة مسكتني سلمت علي بي حرارة كدا حسيتها طيبة شديد😊 قالت ليها ما شاء الله بتك منقبة من متين قالت ليها بري ليها خمسة سنين والله طبعا هي شيخ البيت لكن ما تشوفي هدؤها دا مجنونة لمن تقوم علي جنونها كلنا بنقنع😒🤣 (انا عاد يا امي لكن ما بسالك تفتيني بالطريقة دي قدام المرة وكمان اول مرة تلاقيني😒 اتلومتي واتكومتي يا مامشكو 😂😂)امي قالت لي هي نسيت ياجنو اعرفك (انا هو انتي فاضية ياامي اليلة غسيلي كلو شريتي😁😁)قالت لي دي صحبتي حنان الحكيت ليك عنها (طبعا امي حكت لي عنها انها كانت بتقرا معاها في الثانوي وفي الجامعة وكانو صحبات واخوات كمان 💋❤️ولمن عرسو كمان رحلو جنب بعض بس هي ولدت ولدها الاول ورحلت تاني قالو سافرت وما سمعو عنها خبر🤔)قلت ليها اهلين خالتو حنان وسلمت عليها تاني قالت لي كيفيك يا بتي كدي ارفعي النقاب دا اشوفك (اهااااااا)بس جا عمر داخل قالت لي دا موش ود عمتك عادي قلت ليها بس معليش يا خالتو بفتحو ليك بعدين هو ود عمي بس في النهاية اجنبي وبحل اتزوجو 😒ابتسمت قالت لي كويس امي قالت ليها معليش بس جنو دي متشددة في الحاجات الزي دي قالت ليها ما مشكلة انا زاتي عجبني ردها طبعا انا مشيت بعد ما قلت كلامي عمتي قالت لي ريان معليش عارفاك تعبانة بس ماف زول غيرك البنات مشو الحفلة برة قلت ليها انتي لي بتعتذري عادي ياخ اها اعمل شنو🙄 قالت لي انتي ما دايرة تحضري الخطوبة 😳قلت ليها لا قلت لي انفال صوري لي قالت لي اجي الناس كلها مشت ارح معاي احضري تلبيس الدبل وارجعي وشيلي معاي الحاجات دي قلت ليها بس قالت لي بدون بسبسة ارح😤 طبعا الناس كلها برة والناس دي تلمع والشعور دي فاكنها وغايتو بس طبعا حمدت ربي اني منقبة ما محتاجة الفصول دي كلها 😁😅المهم مشيت معاها قالت لي ختيهم هنا وصوت الموسيقي عالي جا مهند يايما قاشر ديك يالقشرة 😌لمن ما عرفتو 🤣والصوت عالي قلت ليه تعال جوة مشينا قالي غريبة الليلة جيتي مارقة 😁 قلت ليه عاد الليلة قرض قراضة مايسحروك لي تعال النحصنك😍 حصنتو وهو يضحك قالي ماقلت لي مالك قلت ليه قلت اجي اشوف المزز وكدا 😉حمر لي قال لي شنو 😒قلت ليه بهظر عمتو جبرتني اشيل معاها الحاجات قالي خلاص ارح شوفي اصلا الدبل لبسوها واسي الناس تهجج ماتقعدي هنا براك قلت ليه لا انت تجرني الى الفاحشة يا هذا 😁😂😂ضحك قالي ارح ياسجم مشيت لقيتهم مشغلين الدي جي دا والناس دي تهجج زي الضارباها كهرباء😒😂 طبعا بقيت بعاين وبضحك بعد شوية اشوف ليك ود عمي طلع المسرح😳 بس وقال كلام كدا عن اختو وبعدين شغلو غنية وفي مجموعة اولاد كانو برقصو هيب هوب ياخ فظيعين عديل😍😍كدا بعد شوية كدا قعدت وركبت سماعاتي واصلن صوتهم عالي زي الاستريو الكبير بقيت بسمع في نكات واتكشم واتبسم واضحك زي الما نصيحة😂😂 بعد نص ساعة كدا الحفلة وقفت قالو ياخدو راحة عشان الفنان جايي وانا ما جايبة خبر😁 وانا بسمع سمعت نكتة كدا مضحكة بقيت بضحك لمن بيصوت جا مهند طقطق لي😁 مرقت السماعات قلت ليه مالك يامزفتي ضحك قالي مهندي مزفتي دي ما جاية قلت ليه الحفلة انتهت قالي وانا من جبيلك بقوليك شنو وانتي تضحكي😁 انا قلت جنيتي علي الاخر 😌لسا ما انتهت الفنان جايي بعد شوية قلت ليه والله ماعندكم موضوع كلكم 🤨انا ماشة جوة 😎قالي كالعادة المهم اتعشيتي قلت ليه ما عايزة والله شبعانة حمر لي قالي ريان انتي اصلك ما بتوبي😒 قالي تعالي هنا مشا جاب ليهو صحن قلت ليهو وانت قالي انا باكل قلت ليه اكل ساي انا شبعانة قال لي ماف كلام زي دهوشال لقمة دخلا لي في خشمي طبعا مهند حنين شديد بقينا بناكل في بعض🙈 ويغيز فيني واغيز فيو ونضحك😍 جات انفال شغالة احم احم قعدنا نضحك قلت ليها انتي وين من جبيللك يا عواليق😁 قالت لي بفتش فيك😤 قلت ليها تعالي خلاص مهند قام مرق وما قال حاجة انفال قالت لي يامؤفنة اريتني لو محلك مهند ياكللك بي يدو كمان والليلة صحي مالو بقا قرض كدا 😘انا مهند دا كدا بموتني ناقصة عمر بسماحتو دي 😍وانا قعدت اضحك فيها 🤣قالت اي انتي مالك بتضحكي كلو ما انبرش غي اخوك😒 قلت ايه متعجبة انا 😂تاني الحفلة بدت وانفال طوالي جرت بتحب الهجيج المؤفنة🤣 لقيت خالتو حنان جاية زبتضرب بالتلفون واظن ما ردو ليها كانت متوترة😔(طبعا هي ما شاء الله بتمشي بالكرسي براها ما محتاجة زول يساعدها☺️ والبت الجبيل كانت الشغالة معاهم وهي فلبينية☺️
يتبع...........❤️❤️💋😍
