انا فتحت الباب ونزلت طبعا😳 لمن فتحت القزاز لقيت عمو كبير قاعد في الواطة في الشمس الحارة ديك😳 كراعو كابة دم كتير شديد😭 المهم جريت عليهو قلت ليه عمو انتا بخير😳 قالي انا كويس بس كراعي دي😔 طبعا داخلة فيها قزازة شارطة الكراع عديل😣 كدا وكابة دم مرقت ليه القزازة 😞طبعا ماف شاش مافي اي شي اربطو بيهو 💔قمت ازكرت في مقص في شنطتي والواطة حارة وحسام دا شاميني شمة😂 اصلا يلا انا بلبس طرح قريبة للواطة عديل😂😌 يلا قمت قصيت طرحتي وشرطتها قالي يابتي لكن😳 وحسام دا عامل كدا 😳قالي يابتي طرحتك لكن 😳قلت ليه ما اهم من صحتك اكيد😊وربطها ليهو بي طرحتي😌 يلا قلت لي حسام تودينا ولانشوف حاجة😒 قالي كيف يعني تشوفي حاجة ارح 😒ركبنا وديناهو اقرب مستشفي خيطوها ليهو ودفعت التكاليف 😁يلا حسام جا قالي ارح ياخ اخرتيني😡 قلت ليه ماشي الجنة انت ماتصبر 😒قلت لي البت اذا سالك من التكاليف قولي ليهو فاعل خير تمام 😇قالت لي تمام 😍مشيت ليهو قلت ليه بقيت كيف 😇قالي كويس والله شكرا يابتي الله يديك علي قدر نيتك😇 الطيبة ويحفظك😍 قلت ليه امين بس ادعي لي ياعمو 😍❤️ومرقنا قام حسام قالي هسي دا مستواك عشان تساعديهو😒 لي شنو يعني دايرا تثبتي نفسك واو😒 قلت ليه ماعايزا اثبت اي شي😏 وانت مابتهمني عشان اثبت ليك اوكي 😏ومالازم يكون مستواي تمام😊 لمن تجي تساعد زول مامحتاج سبب عشان تساعدو 😊وبعدين دعوات الناس ديل بعد الله ياها المصبراني عليك😂 (اي عارف لساني طويل😂😌)طبعا عاين لي كدا😡 ياخ حسام دا كان شوية ويقوم يخنقني😂 المهم وصلني المشتشفي الشغالة فيها وقفني علي بعد شارع 😱قالي امشي يلا خلي دعواتو تنفعك😒😌 كريه كيف😒 نزلت ورزعت الباب😌 قالي كسريهو عليك الله😤 قلت ليه بكسر ابوهو زاتو😂 وتاني فتحتو ورزعتو قالي مختلة 😒قلت ليه مهما عملت مابحصللك 😏ومشيت خليتو يلا حسام اتحرك وقال في نفسو ياخ البت دي كرهتني عيشتي😡 اسي ياحسام تقتلا وترتاح ولاتستكين حبة 😁ياخ مامعقول اصلو ياخ 😡يلا عندي وصلت المستشفي وروحي مارقة اكلت الحلاوة ومشيت مكتبي احم اي مكتبي 😍😁قعدت بعدشوية بديت اشتغل تاني جاتني فلتي قالت لي ريان انتي ماملاحظة لي روحك اتغيرتي شديد😒 قلت ليها من ياتو ناحية😤 قالت لي ما جنو الزمان انتي كنتي مابتقعدي في الواطة الا تتجنني او تعملي مقلب في زول 😂وبتهظري كتير وطوالي بتضحكي😂 اسي كلو راح بس المشاكل مع الاولاد والهرشة 😁الباقي فقدتي 😭قلت ليها انفال اسي انا بتونس واضحك تاني في شنو 😌قالت لي عايزا ريان القديمة 😡ريان المتهورة بي فهم 😡الجنها جن وضحك😡 قلت ليها انفال نحن بقينا ناس كبار ومسؤليتنا كبرت 😒تاني بلاش الحاجات دي😒 قالت لي الحاجات دي في جواك بس انتي كاتماها 😒انا عارفة انك مضغوطة في بيتك😒 وعلاقة حسام ومشاكلو معاك😒 بس انا ماتوقعتك كدا ليك اربعة شهور متغيرة ماتوقعت انو يجي يوم وتتغير فيهو ريان البعرفا😔 يبقا همها كلو مشاكلها مع راجلها😔 انتي بتكرهيهو وماعايزاهو يتغلب عليك بس انتي بسبب الحاجة دي بتفقدي ابتسامتك😭 تدريجيا انا صحبتك وبعرفك😭 بس اذا رجعت ريان القديمة حتفوزي علي حسام اكتر😤 لانو العقل بروح منك وبجي الماممكن حسام يتخيلو😭 ومشت 😔فكرت في كلامها بالجد كان صاح وقررت اني ارجع ريان القديمة😍❤️ مشيت لقيتها قاعدة بتطبظ في تلفونا 😒شلتو منها وفتحت الحفاظة بتاعت الموية😅 قالت لي ريان دا شنو تلفوني لا😡 قلت ليها مش دايرا ريان القديمة😒😌 قالت لي الا تلفوني ريان اديني تلفوني😡😱
