عرس منو انا ما سمعت😳 قلت ليه مهند 😱طبعا لو ماكنت رابطة حزام الامان كان وشي اتشوه😂😌 يعني هو كان ماشي سريع وقبض فرامل العربية دي حسيت بيها شوية وتنقلب😰 والعجب انفال جات منكبة معانا قدام 😂لو ماكانت ثبتت في الكرسيين كان جات واقعة فيني عديل😁 يلا انفال بس ضربت وشها بالصندوق البين الكرسيين😭 قلت ليه مهند انت جنيت😡 قالي انا اسف انا اتخلعت بس😤 عاينت لي فلة لقيتها ماسكة جبهتا لانها كابة دم 😱انا طوالي جنيت عديل😭 قلت ليه مهند عاين لي انفال😭 وعيوني قلبت حمرر عرفتو مالي صاح ايوو جاني هبوط😌😂 طبعا مهند ماعرف يعمل شنو انفال قالت لي ريان انا كويسة جرح بسيط🤕 قلت ليها ودموعي جارية طيب كان بسيط لي كابي دم😭 انفال فتحت شنطتها طلعت حلاوة ادتا لي مهند 😁وحتي مضروبة بتهتما بي صحتي 😍💋مهند قالي هاك اكلي شلتها اكلتها هو نزل من العربية جاب لي تاني حلاوة من الضهرية حقت العربية😍💋 قالي ريان شدي حيللك ياخ طبعا انفال برضو خلت جرحتها وبقت تسال فيني😭 قام مهند فتح الباب الورا حق انفال انا زاتي نزلت😭 الحمد لله المحلة النزلنا فيها كانو ناسها ما كتار ظلط بس مشيت ليها ورا هي ماكانت نازفة دم كتير بس بالجنبة في جبينا بس دمها سال ودا الخلعني انا 😱قلت ليه مهند جيب المناديل جففت ليها الدم قلت ليها راسك واجعك 😔قالت لي شوية بس😓 لمن لقت مهند مقلق😢 قالت لي بس حيروح😃 قلت ليه مهند ماعندك شاش نربط ليها راسها عشان وجع الراس دا 😔قالي عندي شال في العربية اجيبو😣 فلت ليه اي ☹️مشا جابو ربطت ليها راسها ☹️مهند قاليها انفال انا اسف ماكن.....😞قاطعتو قالت ليهو الغلط ما غلطك مفروض انا اركب حزام الامان وانا كويسة والله😊 قاليها بس انا...قالت ليه ماف اسف بين الاصحاب ولا شنو😇 ابتسم وركب ساق انفال همست لي قالت لي هسي اشيل الشال واعمل رايحة ولا كيف 😌😂طبعا ضحكتني 😂وصلنا كانت دايرا تفك الشال مهند قاليها خليهو معاك😇 قالت ليه بس هو حقك😳 قاليها اعتبري هدية من صحبك لانو انا السبب😅 قالت ليه شكرا 😊قاليها ولو العفو قامت داير تفتح الباب حلف مايفتح قام مهند نزل يفتحو ليها 😉وماسك الباب قالت لي مع السلامة لي بكرة😘 قلت ليها جاو الليلة وين 😌حمرت لي وبتعاين لي ونزلت وهي ماشة اتعترت بي حجر 😂 قلت ليها بركة يلا مهند مسكها قاليها حاسبك😳 طبعا اظنها خجلت منو قالت ليه شكرا علي التوصيل☺️ قاليها لا شكر علي واجب😉
المهم اتحركنا مهند قالي كنا نمشي شارع النيل لكن انتي بكرة ممتحنة😭 ركزي في القراية وما نشيلي هم😊 العرس دا نتناقش في موضوعو بعد تنتهي 😇اوكي قلت ليه مهند حقي😍❤️ قالي عيونو😌 قلت ليه بكرهك 😏قالي شكرا شكرا انا اصلا عارف مشاعرك بالمقلوب 😌قلت ليه طيب بحبك قالي شكلك مشاعرك اتصلحت 😂قلت ليه كلب 😒😌قلت ليه مهندي قالي يب😊 قلت ليه ممكن اسالك سؤال😁 قالي كدي افكر 😌قلت ليه مزفتي 😡قالي من بتين في بيناتنا كلمة ممكن اسالي ساي 😒قلت ليه فلتي بالنسبة ليك شنو 😊قالي قصدك شنو🐸 قلت ليه لا بس حسيتك جبيل خايف عليها شديد 🐸قالي نحن بس اصحاب واكيد حاخاف لانو انا السبب 🙂قلت ليه متاكد 🙂قالي اي طبعا رجعنا البيت جهزت حاجاتي وصليت ويالسرير جاك زول😌 قمت الصباح بدري كالعادة روتيني الصباحي عملتو ومن ضمنو صبحت عل ناس البيت ورجعت غرفتي وقعدت ازاكر😭 بعديها مشيت لبستا ولقيت مامشكو مجهزا الشاي شربتو سرعة بستها في راسها وسقت عربيتي وطيران علي الجامعة😇 لقيت ناس يذاكرو وناس شنو سلمت علي ناس دفعتي اصلا قلوبهم ميتة ماف واحد ولا واحدة شايلا حاجة بتقرا بالغلط 😂😌وتاني فلتي جات قالت لي تاني لوقريت حاجة واحدة راسي بطرشق😭 ماكنتا خايفة لانو كنت مجتهدة😅 وبلساني الطويل دا انا بروف الدفعة 😍😌وانفال التانية ودخلنا الامتحان مرقنا مبسوطين انا وفلتي وباقي الدفعة اي زول يقول حاجة😅 في بت قالت عان جنو وفلة بيتبسمو كيف😤 الولد قاليها ليهم حق سنة الله كلها هم في المكتبة بيقرو ماذي ناس كدا عاملينها طلعات😂 المهم رجعت البيت سالوني وكدا طلعت غرفتي صليت ونمت قمت تاني زاكرت شلت تلفوني حبة وتاني زاكرت 😌😂وصليت الاسبوع الاول من الامتحان نفس الروتين يلا لمن جيت راجعة الخميس وراسي واجعني شديد بلعت بندول ومسكن مانفع 😔مشيت كلمت مهند😱 قالي طوالي نمشي الدكتور مشينا فحصت لي دكتورة قالت لي دا ضعف نظر😇 قالت لي محتاجة نظارة لانو نظرك ضعيف نظارة دائمة😇 قالت لينا امشو اختارو وكدا انا اخترت رايبان اسود مهند قالي موضتو انتهت😤 قلت ليه انا مالي ومال الموضة الاهم راحتي😎 قالي وهو كذلك 😊المهم يعني بالمختصر المفيد بقيت عموش بي شهادة🤣 رجعنا البيت وكدا وامي وابوي يسالو المهم برضو مر الاسبوع التاني واخيرا الامتحانات انتهت💃 وبعد الامتحانات مفروض ابدا تجهيزات العرس😔😣
