نجمة في وسط الظلام 🔞

part_7_

وهذا بارت طووويل تعويض عن البارحه لان جان قصير ومانزلت بليل

#نجمه في وسط الضلام 🔞

للكاتبة #نور الشمري (#نوشه)

#البارت السابع

يظنون أن #الأنثى رحله
من قلب إلى قلب تبحث ع
أحاسيس مؤقتة وترحل
لا #ياساده
الأنثى وطن لمن استوطنها وقدرها☺

نجمه : صرت افتح اعيوني واسدهن ماشوف شي من الغواش الصار بيهن

رجعتلي الحاله الي كدرت اتخلص منها بعد عناااء طويل ليش ربي ليش كل جسمي يرجف واحس راح اموت

اووف هيج واموت اخلص صرت اغمض اعيوني وارجع افتحهن اريد يوخر هذا الغواش من عدهن

شويه شويه كدرت اشوف زين والغواش يروح من عيني بس كل جسمي يرجف كانما هذاك اليوم انعاد عليه

كانما اني طفله ام التسع سنوات والحادثه انعادت يمكن لحضات جانت تفرقني عن موتي وعن حادثه ثاني

جانت راح اصير وهذا الحادثه لو صارت جان حبل مشنقتي اتعلك شايفين اقسى انواع التعب واقسى انواع الذل واقسى انواع الوجع من

انت تحاول تطلع من خوفك وتتجاوزه و من انت اتحاول تتخلص من الضلام الي يحيط بيك و تطلع من عده من انت تبني حياتك من جديد

بسسس فجئه تلكي كل هذا محطم وترجع لنفس نقطه البدايه من جد وجديد

اباوع كدامي محمد نايم بلكاع واحد فوكاه نايم فوكاه ويشبع كتل بي ومحمد عباره عن قطه حمره

من شفت الدم خفت اكثر صرت اشهك واحجي عووفه كااافي كااافي عووفوني اهئ حرام عليكم شتردون مني لااااا وخرو عني

اهئ ماماااا باباااا وينكمممم تعالو وخرو عني صرت احجي حجي مافهوم بس هذا الي اذكره كمت اصيح مجرد ماشغت الدم

صرت اشهك وكوه اتنفس شفت ااولد وكف ع الضرب وكام وعدل ادينه بطريقه كام يفر بديه مثل الي دايلعب رياضه

وبعدها رفع ايده ع شعره ورجعه لوره كل هذا وهو مطيني ضهره ادور دار وجه عليه

واني انصنمت بقيت صافنه عليه منو هذااااا اتقدم عليه وركع كبالي جنت كاعده بلكاع وضهري ع السياره والدنيا مغربيه

ركع كبالي وبقه يباوع ع عيوني واني ارجف خايفه حيييل شفته اتقدم اكثر صررغتت

- وووخرررر لا تتقرب فدوه لا تتقرب ابتعد وخر عني وخر لا تتقرب مني حباب لا تتقرب والله ماسويت شي لا تتقرب

صرت احجي وابجي وهو صافن عليه مسح لحيته بيده ورجع وكف وكال اتعرفي لهذا العار

- باوعتله وهزيت راسي لا