نجمة في وسط الظلام 🔞

part_25_

#نجمه في وسط الضلام 🔞

للكاتبة #نور الشمري (#نوشه)

#البارت الخامس والعشرون

#جَميلة’ هي الأنثى ..
طفلة وَ عاشقَة و حَبيبة’ و صَديقة’ و نصف ديَنك يَا آدم ..
فَـ رفقاً بهَا

نجمه :  غفيت واني نايمه بحضنه من زمان مانايمه هيج نومه عميقه ومريحه فزيت الصبح ع صوت العصافير كمت عدلت روحي

شفته نايم ومبين عليه التعب كمت بدلت ملابسي ونزلت جوه سويت ريوك وحطيت الشاي ع النار طلعت بلحديقه الجو حلو مال الواحد يتريك هنا

اي والله عجبتني الفكره رحت جبت فراش وفرشته وحظرت الكلاص والجبن سمعت طكطه باوعت لوراي شفتها امنه

- صباح الخير

- حباح النور حبيبتي داسوي ريوك تردين وياي

- لا لا تعبين نفسج اني اسوي

- هههه شسوين اني خلصت بس اصبلج جاي واحط كلاص جبن لو بيض

- لا بيض

وراحت طلعت بيض من الثلاجه وسوتها واني حظرت الكلاص وصبيت الجاي طلعت الصكون من الفرن

وطلعنا برا ناكل بصمت محد حجت من عدنا صح جنت ضايجه منها بس هسه لا ماعرف ليش انقهرت عليها كولش احسها مضلومه مثلي

شويه وسمعنا صوت فد شي تكسر طفرت امنه واني وراها دخلت لغرفتها واني بقيت بلباب ماعرف اتردد ادخل جوه لو لا

طلعت شمس تبجي وبس ادموع تنزل من عدها سئلت امنه شبيها

- كاعده ومالاكيه احد باجيه  ورايده تتحرك وضاربه الميز ووكع الكلاص الحاطته اني ع الميز

اوف الحمدالله عبالي شو شبيها اخذتها امنه كعدت تريك بيها خلصت وراحت اطتها علاجها واني غسلت الماعين وهي طلعت لطارمه نضفتها وشمس تلعب كبالي

نزل كيان من فوك باوعلي وصبح عليه وباوع ع شموسه وراح عليها شالها وصار يلعب بيها وهي تضحك دخلت امنه

- صباح الخير

- صباح النور

باوعت ع امنه وسئلتها شنو انسوي غدا

- بكيفج شوفي شنو الموجود انطبخه

- ماعرف كيان مسوك كلشي
راحت ع المجمد هي وطلعت اللحم وسئلتني
- اتعرفين اسوين الباميه

- هااا مو كلش يعني

-ماشي اني راح اسويها تاكليها مو

- اي

- خوش

راحت اكنه اسوي الغدا واني كعدت اسوي ريوك الكيان اتريك وهو حاط شمس بحضنه خلص ودك تلفونه مدري منو
بقه يحجي وبعدين سده وصاح نجمههه