نجمة في وسط الظلام 🔞

part_26_

#نجمه في وسط الضلام 🔞

للكاتبة #نور الشمري (#نوشه)

#البارت السادس والعشرون

# الامرأة عينيَّها من لمعةِ النجوم، وشفتيها
من السُّكر، ورائِحتهُا من حقولِ اليَاسمين

نجمه :  دخلت وهي اسولف وتضحك ويه امنه وسئلتها ع اهلها ومدري شنو بقن يسولفن كمت وعفتهن رحت للمطبخ اسوي عصير و كيك وعفتهن

يحجن وحدهن بنات عم اني شكو بنصهن صبيت العصير وحطيت الكيك ووديته باوعتلي ريم وكالت

- اي نجمه انشاءالله ولد الي ببطنج

- باوعتلها وعوجت حلكي وحجيت كلشي من رب العالمين نعمه اهم شي تمام الخلقه حبيبتي

- اي صح بس لازمممم اديري بالج ع روحج اخاف يصير مثل نجمه خطيه

حجتها واني من يمي شطتت نار شكد خبيثه هاي شفت امنه ضاجت ردت احجي حجت هي  ودارت وجهه ع امنه وكالت

-اووي حبيبتي مو قصدي اذيج واذكرج بلماضي بس لازم احذرها طفله هاي

- شكرا مامحتاجين نصائحج حياتي ريومه ياريت اتنصحين نفسج وبس واني مو طفله عمري حدخل ال18 سنه

شفتها ضاجت فرحت لان ضرجتها علمود ما تندك بيه بعد حجت هي ادور عود اتريد اتلملم الفشله مالتها

- اي نجمه ماشفت البيت من فوك ماناويه اتراوينيااه

- لا اكيد البيت بيتج اتفضلي كامت هي واني كمت وراها امنه راحت ع شمس لا توكع وهي منا اليوم صبحت فدور

مادري مريضه وشفايفها مفطره كلتلها بس يجي كيان خل ياخذها للمستشفى خاف مو زين عليها وهي طفله وهذا المرض خبيث وحقير يروح ياكلها اكل واحنه

ماندري لازم دائما ناخذها للدكتور صح بعد موعدها بس حالتها يحتاجلها دكتور عفتها وصعدت اني وريم فوك

شوفتها البيت من فوك تمشي وتعوج بحلكها ماعاجبها سمعتها همست بصوت ناصي

- والله خوش اكبر من بيتي حته

ضحكت عليها لان عرفتها غيوره واتريد بكلشي هي افضل واحسن من الكل خلصنا وردنا ننزل

كتلها نزلي كالت لا نزلي انتي واني وراج خاف توكعين وانتي حامل

صدك نزلت ولفت هستوني وماحسيت بس فدشي دفعني من وره راسي اريد اكمش بلمحجر ماكو دهت كلشي ولا راسي اقل ضربه ادوخ

دخت وكعت انضرب راسي بلمحجر ودخلت اكثر اريد احد يساعدني ماكو كمشت بطني راساا وهمست ابني وماحس بس اندعبلت من الدرج الدرج عالي

واني من بدايته وكعت سمعت صرخت ريم من فوك وصرخت امنه من جوه وفقدت بعد مادري كلشي

حسيت ع ايد تمشي ع راسي وصوت حجي اريد افرزن اني وين ومنو هذول كمت افتح عيوني شويه شويه