نجمة في وسط الظلام 🔞

part_29_

#نجمه في وسط الضلام 🔞

للكاتبة #نور الشمري (#نوشه)

#البارت التاسع والعشرون

# -مـْاتّ شُعـور الإستِغراب ,وصَار كِل
شَيء عادي ,كُـل شَيء مُتوقـع

نجمه :  طلعنا البغداد والطريق كله اني كامشه كلبي احس خلص ماراح ارجع بعد بهذا الطريق ماعرف ليش بقيت اباوع ع كيان

احس روحي بعد ماشوفه احس كانما راح يصير شي ويحمس كل القرارات ويحكم نهايتناا باوعلي وابتسم

- امممم هيج اني حلو صافنه عليه

- ههههه والله يجوز

- هاا يعني موو اي بسيطه اني الج

- ههههههههه

اخذنا الطريق كله نشااقه ونضحك وانسولف وناكل وكيان بس ينكت ويضحك يمكن عشت احلا لحضات بحياتي

جنت اتمنه ولو بس مجرد حلم احلم بيهن عشت لحظات سعاده جنت اتمنه اعيشهن ولو بلحلم مو بلحقيقه بس داعيشهن ويه احلا انسان

يمكن لو واحد غيره اني من زمان ميته اي حته خالو ماعده مانع يتفق وياهم ويكتلوني لو جان شخص ثاني يعيش الي عاشه كيان

وصلنا لبغداد واني اباوع عليها وع شوارعها احس جسمي رجف مشتاقتلها هووواي بس هم خاايفه خاايفه صالي هوواي ماجايه لهناا سنين مرت بس مجرد ذكر بغداد

كدامي احس ماضيي رجع الي من جديد غمضت اعيوني واني استرجع ذكرياتي ببغداد شلون جنت اعيش احلا لحظات

بسعاده وفجئه تتحول هذه السعاده والنور الى تعاسه وضلام وعشت كل عمري بضلام وحدي محد جان وياي

بس لمن حسيت اكو ايد انمدت الي علمود تسحلني من هذا الضلام نص الطريق ورجعتني اله رجعت باوعت ع كيان وهو يسوق

-كيان انت جاي لبغداد

- ههههه اووو كومه هواي جاي وحته عايش بيها

- صددددددك

- هههههه ايي

- تندل بيت خالي لو لا

- لاا هسه اخابر سامر واشوف وين

شويه وخابر كيان سامر ودلاه ع البيت وكله اني واكفلك براس الشارع هم

السياره تمشي واني اباوع ع الطريق وع اماكن بغداد هوواي متغيره وين جانت وين صارت هواي اشياء

متغيره بيها ناسها شوارعها بيوتها بس شي واحد ماتغير بيها وهو نفس الهوه اااه شكد حلوو الهوى بيها اتحسه صدك اوكسجينك

وصلنا وشفت سامر واكف براس الشارع بيت خالي عايشين بغير منطقه بغير الي جانو عايشين بيها بس برغم من هذا خفت انزل ويشوفني واحد