نجمة في وسط الظلام 🔞

part_8_

#نجمه في وسط الضلام 🔞

للكاتبة #نور الشمري (#نوشه)

#البارت الثامن

#نعم الانثى
هى تلك الطفله
التى اعتادت دموعها
ملامسه خدها دون
ان تجد من يمسحها لها

نجمه : رفعت راسي وجانت الصدمه من شفته معقوله نفس الشاب الي شفته قبل كم شهر والي انقذ حياتي من محمد باوعلي وهو رافع حاجبه ومبتسم بطرف اشفايفه

دنك اخذ كتابي ورجع رفع راسه باوعلي وحجه

-ههه يااهلا طالبه جديده ومتاخره هم
باوع ع ساعته وكال متاخره ربع ساعه و 3 دقايق و ثانيتين

فتحت اعيوني مستغربه منه يممه هذا شنو حاسبه مال وقت

باوعلي وهو مبتسم ورجع مد الكتاب الي

-ضليت اعصر بديه ومدنكه راسي خايفه وبنفس الوقت متوتره ومتنفزه منه رجع حجه وهو يطيني الكتاب

- فوتي بابا فوتي رابع مو

-هاا شنو لا اي اقصد اي رابع

-ههههه ترا مااكل بشر اني هههه
حجاها ورفع اديه لفوك

المدرسه فارغه والكل بصفوف خفت حيل اخذت كتابي ومشيت سمعته حجه

- ترا مراح يخلوج ادخلين اله ورقه من المديره والمديره راح اجر طول وعرض تعالي وراي ادخلج

حجاها ومشه قبلي بقيت صافنه عليه منو سمحله اصلا منو طلب منه مساعده يشمي كبالي مشيت من لا جاره

مالي خلك لرزاله من اول يوم بس جنت امشي وخايفه حيل يعني امشي وع بعد امتار عنه ههههه

دخل بممر وبي صفوف هواي راح ع ثاني صف ودك الباب وحجت المدرسه الجوه

- اتفضل منو

- صباح الخير ست ممكن ادخلين هل الطالبه اول يوم واتاخرت ع الدوام

- صباح النور استاذ اكيد بس لازم ورقه من المديره

- ست هاي اول مرا وانشاءالله اخر مرا

حجاها وهو يباوعلي رافع حاجبه ويضحك ورجع كمل كلامه ويه المدرسه الجوه بصف

-دخليها هلمره لخاطري هاي اول مرا اطلب وتديرين بيه شكد صارم بلمواعيد مال الدروس ست وسن

-ماشي استاذ راح ادخلها لخاطرك ولان هاي اول مرا بتاريخ هههه استاذ كيان يدخل طالبه متاخره

انفتح الباب واشرتي المدرسه من وره الباب حته ادخل باوعت عليه ضحكلي وكال

-تسلمين ست ماتقصرين
حجاها وراح بقيت اباوع عليه مستغربه دخلت واني اعصر بديه من التوتر

ابتسم الي المدرسه الي موجوده وكالت

- فوتي ماما فوتي ههه كعدي هنا واشرت الي ع اول رحله بنص