نجمة في وسط الظلام 🔞

part_22_

#نجمه في وسط الضلام 🔞

للكاتبة #نور الشمري (#نوشه)

#البارت الثاني والعشرون

#عندما تغار الأنثى
فأنها تضع الحب جانبا
وتفكر في دفنك حيا ياأدم ....😠😌

نجمه : باوعت ع كيان باوعلي هو هم ودار وجه وراح وره ابوه دخلو الاستقبال من الباب البره اني ركضت دخلت للبيت

شفت سمر و زينه مرت محمد واكفات بلمطبخ رحت عليهن بساع بنات شكو شبي عمو

- بابا شبي لا بس اتخربط

- لااا اسم الله بس هسه من اجينا جان مبين عليه عصبي وحجه ويه كيان بعصبيه ودخلوو اللاستقبال

- مادري هو جان طالع هو وامي ومن اجو هو بقه بلستقبال وامي دخلت بس مبين عليها ضايجه سئلتها ماجاوبتني

زينه : اي اني هم شفت عمو من وديتله الجاي ضايج حيل عبالك اكو مصيبه

- اوف بنات احس كلبي ناغزني واكو شي راح يصير

- والله يا نجمه مادام اخذ كيان اذا الشغله اتخص كيان والله يستر لان اثنينهم عصبيين وواحد مايتحمل الثاني

- اوو سمر انتي شعلتي كلبي بزايد هو اني منا نار من شفت شكل عمو واكول كيان عليمن طالع

- هههههه اي لج كيان نسخت ابوي الثانيه وابد مايتراهمون ههههههه

- تضحك واني مشتعله

زينه : ماكو شي انشاء الله عادي عمو دائما يعصب ع اشياء تافهه يجوز فد شي يتعلق بشموسه لو شو شنو عادي يمعوده

عفتهن وكمت مالي خلك سوالفهن طلعت للصاله شفت عمتي صارت كبالي من شافتني اجت عليه بسااع

- هااا اجيتو وين كيان

- جوه بلستقبال ويه عمو شكو عمه ليش عمو عصبي والله خفت

باوعتلي ودنكت وكالت

- شكول ولج مصيبه هذا الولد شوكت يكوم يصرف عدل مادري عقل لو حجاره شايل مادري شلون يدرس جيل كامل مادري

عافتني وراحت الاستقبال بقيت حايره من كلامها كامت تجيني الافكار كلت خاف عرفو بيه واني مو بنيه لو عرفو شي عني وعن ماضييه

لالا نجمه جانت عمتي كالت الي بس مبين الموضوع يخص كيان شمسوي معقوله لالالا اووو بقيت كاعده بصاله شفت شموسه طلعت من غرفه عمتي

تتمشه ع كيفها من شافتني ابتسمت واجت عليه شلتها وخليتها ع رجليه التهيت العب وياها بس بالي بس الف فكره

حسيت ع سمر تحجي وياي

- انتي لسه مابدلتي كومي غسلي وبدلي راح انصب غدا

- اي ديري بالج ع شموسه هسه اجي صعدت حطيت كتابي وجنطتي

دخلت غسلت وبدلت ملابسي ونزلت جوه محد طالع من الاستقبال لا كيان ولا عمي ولا عمتي اوف يالله احس السالفه اتخصني