نجمة في وسط الظلام 🔞

part_21_

#نجمه في وسط الضلام 🔞

للكاتبة #نور الشمري (#نوشه)

#البارت الواحد والعشرون

#الأنثى تتحول الى اميرة فاتنة عندما تجد الاهتمام ممن تحب""؟

نجمه : بقيت صافنه ع تصرفات كيان شنو الي يقصده شبي مانزلت ولا رحت وياهن بقيت كاعده انتضره

اريد اعرف شنو جان يريد يكول وبطل ليش ما كمل كلامه ليش بقيت كاعده البيت هدوء مابي احد بس

البنات طالعات وعمتي راحت ويه عمي الولد ماكو بس بيبيتهم و زهراء بت سهر نايمه جوه يمها

واني فوك بقيت افتر وصافنه حايره ماعرف شسوي اذكرت ايامي ببيت خالي صح اكو موتقف اتوجع بس مرتاحه

اكو من يدافعلي اكو من يحس بيه هنا وحيده محد الي بس الله ورحمة كيان الي ساعاته براخاته سمعت صوت تلفوني يدك

رحت عليه باوعت مهندد شعده يالله ماعرف ليش كلبي وجعي رديت بساع

-الوو مهند

-الو نجومه اكو احد يمج

- لاا ليش اكو شي صاير

- لا ماكو شي بس عدي مفاجئه الج امتحاناتج تبدي ويه سميه الثلاثاء

- اي ليش

-لااا حرامات يعني مانكدر نعزمكم وتجونا

- مهند اكو شي احس اكو شي شصاير

- لج ماكو شي بره شكد لاحوحه

- لاحوحه شنو !!

-هههههه يعني اتلحين عابت هسه باوعي خلي هذا رجلج الاستاذ يجيبج باجر النا ماشي

- شبيك انت وياه مامرتاحتلكم اني وواكم مصيبه ومنو يكول يقبل

- شنو بكيفه هي اهلج وانريدج تجين

- مهند شكو

- اووو نجمه هو مو صوجج صوج الي يسويلج مفاجئه ولي باي

حجه هيج وسده بوجهي يا هذا الثاني شبي راح اتخبل والله اني ناقصه

هو منا مفور وبعد اكله تعال اخذني لبيت خالي لا هذهو اتعلك بلمروحه اليوم

راسلت سميه

💬 سمسم عدكم احد بلبيت مهند جايب شي ؟

💬 اي

💬 عليج الله شجايب

💬 حمار علمود كل ما نشتقالج انباوعله

💬شكد حقيراا وحيوانه وليي اني بيا حال وانتي بياحال صدك فارغه

💬 ههههههههه عابت داشاقه لا كلشي ماجايب ولا عدنا احد ليش شكو

💬 ماكو ولي يلا

سديته من عدها ضلت ترسل واني ماجاوبها ابد ضايجه حيل منا كيان وحجيه ومنا مهند والمفاجئه مالته