#آسرى1
الكاتبه:نرمين طه
و كلنا ابطال قصتنا،عايشين تضحياتنا الخاصه و مشاعرنا الخاصه و حزننا و فرحنا و كل شي خاص بينا برانا..كلنا عندنا معاناه،فقد،مأساه،حب،خيانه،امل،حلم..
ملاييين القصص و كل قصه مميزه..كل قصه فيها بطل و بطله و كل قصه امتداد لقصص تانيه..بنعيش قصتنا عشان نولد قصص امكن احلى و امكن أحسن و امكن نفس القصه بس ف النهايه هيا قصه وحده من ملايين القصص التانيه ف الحياه..❤
امكن كمان العشتو ف حياتي كان حاجه بسيطه من حاجات تانيه اكبر،و امكن و امكن و الاحتمالات كتيره بس المهم ف القصه هيا نهايتا،ي ربي ح تكون سعيده؟!..
امكن لو سألتا نفسي السؤال ده قبل 4 سنين كان قلتا لا و بكل تأكيد بس سبحانه مغير الاحوال اهو انا واقفه من جديد و ماسكه يد زول جديد و عايشه حياه جديده و كأنو الحصل م حصل..صح بنتغير و جزو مننا بتكسر بس احنا ح نكمل الطريق..(فجأه قطع قرايتا صوت امها..)
مريم:ي بت ريان😡
ريان:اي ي امي..
مريم:انتي 24 ساعه بس تقري تقري و ي ريت لو كلام نافع
ريان:امي القصه دي شكلها حلوه صحباتي قالو لي حقيقيه و البت من الخرطوم كمان كتبتا قبل فتره و بجد متحمسه اقراها عليك الله خليني اشوف البحصل ليها ياخ
مريم:ح تستفيدي شنو يعني غير ضياع وقت😒
ريان:لا لا بستغيد من اغلاطا عشان اصحح بيها نفسي
مريم:الرويات مؤثره عليك شديد ي بت..انا غلطانه زاتو جيتك..عايني انا طاالعه ح ارجع القاك غسلتي الملابس
ريان:طيب ي امي طيب بس اقفلي وراك الباب عشان اقره بمزاج😂
مريم:😒😒دي تربيه شنو دي ياخخ(و طلعت طوالي)
ريان:النرجع للقرايه😍(و فتحت الكتاب و كملت من محل وقفت..
ح ابدا ليكم قصتي من 2014 كان بتذكر اليوم داك مكرر زي باقي الايام قاعده ف الركن البقعد فيهو دايما و سرحانه و شايفه قدامي البنات البنططو و البنات البضحكو بصوت عالي و البت الماسكه لعبتا و بتسرح فيها،كالعاده جات علي الممرضه و بدت تطعن ف الكلام..
سوسن:غايتو البت دي ح يجي يوم و تقتل زول اصلها م طبيعيه
منيره:(دي ممرضه تانيه)اصلا ي بتي انتي ف مستشفي للأمراض النفسيه و العقليه ح تتوقعي يجيبو ليك زول نصيح😂
سوسن:بجد😂(و عاينت لي من فوق لتحت)ربنا يشفيك يختي(و مشو)
الحاجه الم عرفنا ف فرق بين مرض نفسي و بين انك تكون مجنون..انا م مجنونه كنتا فاهمه كل حاجه و عارفه البحصل بس من شده الضغوطات الجاتني دخلتا ف صدمه،دخلتا ف عالم فضلتا فيهو الوحده شديد،انا م مجنونه انا عاقله بس و الله طاقتي خلصت..كنت كل يوم بكرر الجمله دي بيني و بين نفسي لمن اشوف الممرضات بعاينو لي و بيتكلمو فيني"انا م مجنونه انا عاقله بس طاقتي خلصت"
على الساعه 9 كده دخلو كل زول غرفتو و ادونا الادويه كان ف الغرفه ف معاي بتين وحده فيهم كبيره ف العمر بتكون ف حدود ال35 و وحده شابه بيكون عمرها 20 سنه كانو بنومو و انا بقعد اعاين فيهم كنتا بحب اتأمل و اشوف الناس و هما نايمين و بجي سؤال واحد ف بالي..
"من وين بجيبو كل الطمأنينه دي و يغمضو عيونم كده؟!..انا اول م اغمضا بحسه بأحساس خوف عجيب،العالم بخوف شديد شديد.."
كالعاده نمتا من غير احس و نفس الحلم حقه كل يوم..
نرمين:يوسف عاين لي!
يوسف:نرمين مالك😡
نرمين:ف حاجه انا متأكده انتا مخبي عني حاجه
يوسف:ي نرمين انا و الله تعبتا من الأسئله دي ياخ خليني براحتي
نرمين:انا خايفه عليك م اكتر😢(و بدون احس بقيت ببكي)
يوسف:(جا جمبي و مسك لي يدي)انا آسف بس انتى م تبكي💔انا عوير لأني بزعلك دايما بس و الله بحبك
نرمين:ليه حاسه انك ح تسيبني؟!..
يوسف:ي بت انا عرستك عشان اسيبك انتي عويره
نرمين:...
يوسف:بححبك و ح افضل جمبك بكل حالاتك و ح افضل سندك و كل شي تحتاجي❤
نرمين:عارفه و عشان كده بححبك❤❤
صحيت من النوم و بقيت قاعده ف السرير و دموعي دي بتنزل بس من غير اطلع صوت اصلا مما دخلتا المستشفي و م حصل اتكلمتا و لا حصل صرختا عشان كده كنتا بالنسبه لكل الممرضات و الدكااتره حااله غريبه و كلهم بخافو مني،قعدتا ب حالتي دي لمن الصباح جات الممرضه سوسن داخله و كالعاده نفس الحديث بتاع كل يوم..
سوسن:اهو المجنونه صاحيه كالعاده..ي بت انتي مالك متعبه كده حسي بعد كم يوم ح تتعبي و تمرضي لينا و احنا الح نتعب معاك ياخ ده شنو ده انا شنو الخلاني اجي المستشفي دي زاتو غير م ح تجننوني زيكم م ح يحصل شي(و ختت الشاي و ف كم بسكويته مكسره جنب الشاي)اتسممي يلا😒(و صحت الباقين و طلعت)
شربنا الشاي و كل زول قعد يعمل ليهو ف شي انا كنتا قاعده جمبه الشباك و بعاين للسما،بعد دقيقه كده الممرضات دخلو و غيرو الملايات و نظفو الغرفه و انا بعاين ليهم بأستغراب لانو م من عادتم..طلعو لينا بطانيه و اصلا كنا بنتغطا بملايه بس و بقو يتوسوسو و بعدين طلعو م اشتغلتا بيهم و رجعتا لعالمي داك تاني..
ف نفس الوقت ده و تحديدا الساعه 9 صباحا ف مطار الخرطوم:
أحمد:الولد ده اتأخر كده ليه
كمال:يادوب الطياره وصلت ي ولد اصبر شويه
احمد:ياخ اخوي م شفتو من سنه اسكت
كمال:الشوق غالب😂
أحمد:طلعو الناس ياخخ!
كمال:دي م كان سنتين ي احمد😂
أحمد:ده هو
كمال:(أتلفت)اوووه الناس النورت السودان
احمد:(مشا عليو و حضنو طوالي)ياخخ و الله اول مره اشتاق ليك ي مفتري
آسر:كنتا اقصر مني ي ولد متين كبرتا كده😂(و بقا حاضنو مسافه)
كمال:هوي كدي ادونا مساحه ي جماعه
احمد:اتفضل اها
كمال:ود العم حمد لله ع السلامه
آسر:الله يسلمك ياخخ..شنو يعني امشي سنتين ارجع القاكم رجال😂
كمال:قصدك كنا شفع
احمد:ماف شافع كان غيرك..يعني عشان حضرتا الماجستير بتاعك ده جاي تنفخ ريشك
آسر:ي ود معاك دكتور آسر كلام منتهي😂
كمال:كدي خلونا نمشي امك حسي تكون راجيانا
آسر:اخخ جينا لبلدكم دي و الحر بتاعا
احمد:بلدكم دي!!
كمال:بلدنا ي احمد بلدنا😂😂
احمد:الود صدق نفسو خلاص
كمال:م بقت كندا دي😂
آسر:(ضربم الاتنين ف ظهرم)هوي هوي احترمو الاكبر منكم و يلا قدامي😂(ركبو السياره و بقو يتونسو كل الطريق ماف زول فيم سكت و الضحكه من الضرس للضرس..بعد ساعتين كده وصلو بيت كبير لونو أخضر فاتح اول م وصلو آسر طوالي دخل جوه..
احمد:عان الحيوان خلا لينا الشنط
كمال:حرام عليك يكون مشتاق لأمو😂
آسر:(دخل المطبخ طوالى لانو كان متأكد ح يلقا امو هناك،فعلا كانت بتتكلم مع الشغاله و م شايفاهو بقا ماشي براحه لمن م وصلا و بصوت عالي قال ليها..)الشوق ي مزه
أبتهال:(نطت من الخلعه)آسر ياخخخ ح تقتلتني بتصرفاتك دي ي ولد😡
آسر:ياخ كدي خليني أسلم عليك بعدين شاكليني😂(و حضنا و باسا ف راسا)ياخ و الله اشتقتا ليك
أبتهال:انا كمان اشتقتا ليك شديد😢
آسر:بدون دموع بالله
احمد:دكتوره ابتهال بتبكي ي جماعه😂
أبتهال:(مسحت دموعا)ي ود انطما(طبعا هيا صعبه شديد و زوله صارمه الا مع اولادا بتحبم شديد❤)
طلعو قعدو بره و الشغاله جات رصت الاكل و بقو بتونسو و يضحكو،و م حسو بالزمن الا العصر أذن❤
آسر:انا تعبتا ياخ كدي خلوني اطلع انوم
أبتهال:اي اطلع ارتاح انا زاتي ماشه المستشفي اشوف الحاصل
كمال:خلاص و انا و احمد نطلع نصيع😂
احمد:اي ياخ اصلا زهجان
آسر:😒اصلو م بتسيبو القله ادب
ابتهال:ي ود آسر بعدين تعال شوف المستشفي
آسر:امي انا جيت متين هو😂
ابتهال:ياخ ابقا لي نافع بدال الحيوان ده الليهو 5 سنين ف نفس السمستر
احمد:امي باعتني سريع سريع..كويس ي دكتوره😂
كمال:ارح نتخارج قبل تبدا المحاضره بتاعت امك
ابتهال:فاشلين
آسر:هي هي كملو شكل براحتكم انا طالع غرفتي يلا(و شال شنطتو طلع فوق رقد طوالي و من غير يحس نام بنفس ملابسو😴..)
انا قاعده نفس قعدتي بتاعت الصباح و لا كلام مع زول لا شي..بعد نص ساعه كده جو نزلونا الحديقه تحت مشيت قعدتا بعيد منهم و سرحتا و بعاين جهت الباب بعد مسافه جات دكتوره ابتهال داخله و من م دخلت بدت شكل مع الحرس كنتا بعاين ليها و بستغرب كيف ف زول شايف نفسو كده و رافع نخرتو السما للدرجه دي،كانت متكبره و بتتعامل معانا زي كأنو مجبوره علينا كنتا حافظه كل تصرف ليها..رغم اني بفضل ساكته دايما بس كنتا عارفه كل شي حولي اكتر منهم ف ذات نفسهم..كنت شايفه حاجات كتيره و فاهمه كمان..كنتا بس محتاجه زول يقول لي ابكي او احكي بس م لقيت عشان كده حالتي كانت ماشه ف تدهور، للأسف مع اننا ف مستشفي بس م كان ف زول شغال بينا كنا بناكل نشرب ننوم و نصحا و بس..
"لا شئ بخير لا نحن و لا هم،نحن ف مسار الموت لا أكثر،نحن نقاتل كي نموت،نقاتل كيف نقتل جمال الاشياء داخلنا،تغيرنا و تغيرو و دون قصد أصبنا أنفسنا بلعنه الكرهه،لعنه انكسار فنكسرنا"
ريان:(وقفت قرايه لمن اتذكرت الغسيل العندها)ي الله ياخخ نسيت💔امي الليله بتقتلني(و قفلت الكتاب ختتو جمبه سريرا و قامت سريع و بدت شغل ف البيت)
ف المسافه دي اعرفكم عليها ريان بت ظريفه شديد عمرها 20 سنه مجنونه حقت روايات و بتحب القصص شديد..امها تعبانه معاها و دايما بتقول ليها لو قرايتك دي بتقريها ف الشيتات كان جيتي الاوله بتاعت الدفعه😂عندها اخو اكبر منها اسمو مصعب عايش ف السعوديه و ابوها طيبان شديد و بحبها لانها بتم الوحيده..ريان بتقره محاسبه ف السمستر التالت عندها صحبتا و بت عمها شديد اسمها عائشه و زي اختها💕نرجع لقصتنا..
رتبت البيت و كملت غسيلا و بقت قاعده راجيه اهلها يجو،،بعد مسافه جات امها و بقت تحكي ليها عن الحاصل ف الحي😂
ريان:ي امي انا مالي و مالم ياخ
مريم:ي بت انطمي و اسمعي..غايتو لكن روان بتبالغ كان توافق على العريس قالو مرطب
ريان:طيب ي امى
مريم:بتمشيني
ريان:لا لا بجريك😂
مريم:😒طيب ي ظريفه تلفونك بضرب
ريان:بجد!😍(و جرت ع غرفتا مسكت تلفونا و كلها امل انو دى المكالمه المستنيها بس كالعاده كسر بخاطره للمره الألف و خاب ظنا)
"البكسرنا مره و مرتين ح يكسرنا اربعه و خمسه و البنكسر عمرو م ح يتصلح"❤
