#آسرى14
_نرمين رفضتني ي سامي😊رغم انو حبيتا بس م رضت بي😊حبت الأستاذ الشحاد داك و سابتني انا..هههه انا يفضلو علي واحد مرتبو بديهو للخدم عندي؟!..
سامي:انتا مختل
_و م دام عارف إني مختل أنصحك م تلعب معاي و خليك مع نورهان بتاعتك ديك😒😒(و طلع)
سامي:هو الحب ف البلد دي بقا بالغصب و لا شنو؟!..💔
عنده آسر:
رجع لناس كمال و وشو متغير..
كمال:مالك ي ولد
آسر:ماف حاجه!
أحمد:بجد!
آسر:ايوه بجد😊
_(الممرضه طلعت)انتا راجلا؟!..
آسر:اااا ايوه
_طيب لانو م ينفع اكتر من زول يقعد معاها جوه
آسر:تمام طيب
_دي الأدويه جيبا ليها من الصيدليه تحت
آسر:طيب❤
أحمد:(اخذ الورقه مني)انا بجيب الحاجات انتا امشي البيت غير هدومك عاين ليها كلها دم
آسر:م بقدر أخليها انتا امشي جيب لي لبسه من البيت و كمال يجيب الأدويه
كمال:طيب تمام
أحمد:(سكت مسافه)حاضر ي آسر
آسر:(دخل لي الغرفه لقاني سرحانه و بعاين ف السقف جاب كرسي و قعد جمبي)ح احكي ليك حاجه
نرمين:(فضلتا لسه بعاين ف السقف)
آسر:لمن كان عمري زي 15 سنه وقتها امل كان عمرها 10 سنين💕مشينا كان رحله انا و امي و ابوي ربنا يرحمو و أحمد اخوي❤أثناء م كنا بنلعب أمل وقعت و أتجرحت و انا مشيت عليها بكل لهفه و بقيت بحاول أسكتا وقتها هيا وقعت ف حضني و قالت لي انا موجوعه و الله حسيت نفسي انا الموجوع و انا الوقعتا م هيا..أمل كانت قطعه مني الأنسانه الوحيده الممكن بعد م تبكي و تسكت انا أبكي لبكاها..أول مره من ما أمل اتوفت أحسى بالأحساس ده..أنو أتوجع لوجع زول تاني💔انا وصلتا مرحله انو م ح أقدر أتخلى عنك لأنو ببساطه م بقدر أتخلى عن أمل و أنتى زيك زيها واحد💕
نرمين:(عاينتا ليهو و دموعي جات جاريه😢)
آسر:(باسني ف راسي❤)انا بس عايز أعرف الزعلك منو و الله مستعد أقتلو عديل💔بس م تبكي ياخ💔
نرمين:(بقيت ساكته و بعاين ليو اول م بعد مني مسكتا يدو💕)
آسر:م ح أمشي حته و ح أفضل هنا جمبك❤(و فضل ماسك يدي)أقره ليك قرأن؟!..
نرمين:(هزيت ليهو راسي بمعني ايوه❤)
آسر:(قره لي جزو من سوره البقره و صوتو كان جميل شديد❤اثناء م كان بقره انا نمتا من غير أحس💜)
كمال جا داخل الغرفه لقا آسر ماسك يدي و بقره لي و انا نايمه قام خته كيس الأدويه بالجنبه كده و طلع طوالي..❤
صحيت تاني يوم لقيت آسر لسه ماسك يدي و خاتي راسو ف طرف السرير و نايم❤للحظه أتمنيت الزمن يقيف هنا بس..لانو تقريبا دي اول مره طول السنين دي أحس انو فعلا ف زول بحبني💕آسر كان كل م يعمل شي كل م أنا أطلع من ظلمتي..كان زي النور البشدك عشان تمشي ليهو..كان "نورى"...❤
حاولتا أفك يدي عشان أقوم أشرب مويه لانو بجد عطشانه و اثناء حركتي دي آسر صحا..
آسر:نرمين(بلهفه كده)ف حاجه واجعاك؟!..عايزه حاجه..
نرمين:(سكتا مسافه بعدين عاينتا جهة الجك)
آسر:عطشانه؟!..
نرمين:(هزيت ليو راسي بمعني ايوه)
آسر:ثواني طيب(جاب لي المويه و اداني شربتا بعدين خته الكاسه جمبي و عاين لقا الأدويه و الهدوم جمبه الباب..)عايني انا ح أدخل الحمام اغير هدومي و ح اجي طيب
نرمين:(هزيت ليو راسي تاني بمعني طيب..و انا بجد متوتره شديد م عارفه ليه💔)
آسر دخل غير هدومو و غسل وشو و اتوضا بعدين طلع لقاني فكيت الدرب و واقفه جمبه السرير
آسر:مالك بسم الله
نرمين:(بقيت ببكي😭)
آسر:نرمين ف شنو؟!..عايزه حاجه!
نرمين:..
آسر:نرمين..طيب أقعدي نتفاهم
نرمين:(بتذكر ف كلام سوسن و ف وتين لمن طلعوها من المخزن و ف ملامح يوسف و ببكي زياده😭😭😭)
آسر:(بقا ماسكني و بعاين لي بأستغراب)طيب ف شنو بسم الله😳
نرمين:آسر😭😭😭😭😭😭😭😭(و فكيت الصرخه)
آسر:(بقا بعاين لي مصدوم..م عارف يسكتني و لا يتخلع لأني صرختا)نرمين..
نرمين:😭😭(و بقيت بصرخ زياده المستشفي دي كلها سامعه صوتي و الممرضات جو داخلين حاولو يمسكوني..)
آسر:زحو منها خليها تصرخ زحو بس..
_كيف يعني!مفروض نديها مهدئ
د/خالد:(جا داخل مخلوع)ف شنو ي جماعه😳
آسر:انا دكتور نفسي و ماف اي زول ح يسكتا قلتا ليكم زحو😡(قالا بصرخه كده..الممرضات كلهم زحو مني و بقو مخلوعين)
_بس ي دكتور خالد..
د/خالد:خلوها..
نرمين:ي الله😭😭😭(و بصرخ بأعلى صوت..كأنو بنتقم للوقت المابكيت فيهو)
آسر:ابكي ي نرمين ايوه أبكي..أتذكري وتين بتك و العملو فيك أهلك..
نرمين:(بقيت بضرب فيهو عشان يسكت و هو مع كل كلمه يقولا انا بصرخ زياده)😭😭
آسر:اتذكري يوسف و كل شي سيئ..أصرخي زي كأنو انتى بتنتقمي كده للعملو فيك💔
نرمين:😭😭😭😭(و مع أخر صرخه صرختا أغما علي💔)
آسر رفعني السرير و الممرضات طوالي ركبو لي درب..و المستشفي دي كلها بتتكلم فيني و ف الحاصل معاي..
آسر:هيا أتكلمت..
د/خالد:ي آسر
آسر:ايوه ي دكتور
خالد:الحاصل شنو
آسر:(اخذ نفس عميق و حضن دكتور خالد..)
خالد:😳😳
آسر:هيا بكت عارف يعني شنو بكت؟!..هيا صرخت و الله صرخت سمعتها صح؟!..
خالد:(بقا بضحك ف منظر آسر😂)و الله م فاهم حاجه بس اول مره اعرف انو البكا شي حلو
آسر:انتا م عارف انو هيا كده يادوب ح تتعافى و تبقا كويسه..
خالد:و الله ي استاذ آسر انا م فاهم شي بس انا كلمتا الممرضات م دام انتا دكتور نفسي ف هما ح يعملو الانتا عايزو
آسر:بجد شكرا💕
خالد:(أبتسم ليو)ربنا يعافيها ي رب❤
آسر:امين💕(و تلفونو ضرب)
خالد:يلا انتا رده انا زاتو عنديي شغل(و مشا)
آسر:تمام(و رده ع تلفونو)احمد م ح تصدق😍
أحمد:ف شنو
آسر:نرمين اتكلمت💕اتخيل قالت آسر و صرخت و بكت عادي..
أبتهال:(سحبت من احمد التلفون)شكلك نسيت انو عندك ام بتضرب ليك كل يوم و م قاعد ترده عليها
آسر:(سكت مسافه)و الله ي امي انا م نسيت بس عندي اسأله كتيره عايز ليها أجوبه لو م لقيت الأجوبه م ح نرجع عادي نهائ..
أبتهال:انتا بتقول شنو ي ولد؟!..
آسر:علاقتك شنو بقصه نرمين؟!..
أبتهال:...
"ألم أخبرك أنك نوري؟!..ها أنا أصرخ كمن لم يصرخ يوما..و أنطق أسمك كمن وقع ف الحب لأول مره..أنت بدايه أمني و أماني و امنيتي ف الحياه.."❤
قاطع قرايه ريان صوت امها و هيا داخله الغرفه..
مريم:ي ريان
ريان:امي😳المصحيك شنو لمن حسي
مريم:(قعدت جمبها)ف شنو ي ريان؟!..مالك زعلانه انتى لو م عايزه مازن ماف زول بجبرك و الله!..
ريان:امي م كده و الله بس أتفاجأتا ب المووضوع م اكتر
مريم:ي بتي الحياه دي بنعيشا مره وحده لازم نعرف كيف نعيشا صح..فكري كويس قبل توافقي..
ريان:(عاينت ليها و سكتت)
ف جانب تاني:
مروان رجع البيت لقا مازن قاعد ف الصاله بره...
مازن:وين انتا من الصباح ابوي قلق عليك شديد
مروان:كنتا عنده صحبي
مازن:و تلفونك مقفول ليه
مروان:كان قافل شحن..
الضي:مروان..ي ولدي خوفتني عليك م قدرتا انوم من قبيل
مروان:ي ابوي انا كويس بس تلفوني قفل شاحن و كنتا قاعد مع حسين
الضي:لا م تخاف م ح اشاكلك الليله لانو المزاج عالي💕
مروان:خير ان شااء لله بشرنا طيب
الضي:مازن عايز ريان بت عمك❤
مروان:(عاين لأبوهو بخلعه)كيف يعني؟!..(و عاين لمازن)الكلام ده بجد و لا بتهظرو؟!..
مازن:..(عاين لمروان و سكت)
الضي:يعني انتا م كنتا عارف بالقصه الحلوه دي😂غايتو ربنا يتم القصه دي على خير بجد ريان دي ست البنات و تستاهل كل الخير..يلا انا طالع انوم تصبحو ع خير
مازن:و انتا من اهلو
مروان:(فضل ساكت و مستني ابوهو يطلع)مازن الحاصل شنو
مازن:م حاصل شي بس..
مروان:(قاطعو)م حاصل شي كيف يعني انتا بتلعب و لا شنو😡ده عرس و زواج م لعبه..بعدين انتا قايل ريان دي زي غفران و لا شنو😡
مازن:مروان انتا أطلع من القصه دي(و قام وقف عايز يمشي مروان جا عليهو و اداهو حلات بوكس👊لمن م وقع ف الكنبه تاني)
مروان:انا م قاعد أهظر ي مازن😡
مازن:...(بقا ساكت و م عارف يقول شنو)
مروان:انتا كنتا قدوتي ف كل شي ف الحياه دي..بس لأول مره تنزل من عيني للدرجه دي..لأول مره أكتشف انك انسان م بتفكر غير بنفسك..خساره بس(و طلع غرفتو طوالي)
مازن:(بقا ساكت و خاتي يدو ف راسو و بعاين للأرض..💔)
"يحزنني القول ان قصص الحب الحقيقيه دائما تخسر امام كذب العاشقين المزيفين"❤
