#آسرى8
ريان وقفت قرايه و بقت تعاين ف السقف،لمن سمعت صوت رساله ف التلفون فتحتو لقت رساله من مروان ف الماسنجر..
مروان:اها م قررتي تحنى ع ود خالتك و ترسلي ليهو رقمك لانو م عندو💔
ريان:(بقت بتضحك)😂مجنون هاك ليو 09..
مروان:😍الله الله احلى رقم ده و لا ايه
ريان:ي ود بطل بكش😂
مروان:خلاص ي بت طيري م فاضي ليك
ريان:انتا منفسن ع فكره
مروان:شكرا ياخ خجلتيني😍
ريان:😂😂
ف جانب تاني..
عبد الله:(صاحب مازن)ي مازن انتا م ناوى تنسى غفران دي،،البت م معبراك اصلا
مازن:يعني عايزني أعمل ايه؟!..بحبها
عبد الله:بتحب وحده كل يوم مع ولد☺
مازن:عبد الله😡
عبد الله:عاين للناس البتحبك على القليله
مازن:زي منو؟!..
عبد الله:م كنتا عايز اقول بس ي مازن ريان دي بجد بتحبك
مازن:ريان منو؟..
عبد الله:ريان البتقرب ليك ياخ
مازن:ي ود جنيت؟!..دي زي أختي
عبد الله:بالنسبه ليك،،بس انتا عمرك م شفتا عيونا لمن تشوفك،،عمرك م لاحظتا لضحكتا معاك،تصرفاتا و خجلا لمن تقيف جمبك،،ي مازن انا صحبك من زمان و ريان دي زي أختي عشان كده م تغالطني الناس دي كلها عارفه انو ريان بتحبك بس انتا زي الغبي م بتلاحظ
مازن:(سكت مسافه)عمري م لاحظتا و م أظن لانو لو كان بجد كان قالت لي
عبد الله:تجي تقول ليك و الله انا بحبك!!انتا مجنون؟!..
مازن:عبد الله اقفل السيره
عبد الله:دايما أحنا بنلاحظ بس للبنحبهم و بننسى نشوف البحبونا،،م تضيع بت زي دي من يدك ي مازن،،حاول قرب منها و ح تعرف قدر شنو بتحبك..❤
مازن:(بقا ساكت و بفكر ف الموضووع..)
ريان رقدت شويه بعدها صحت عملت شاي و فتحت تلفونا لقت رساله من مازن كاتب ليها "ريان" أتخلعت..
ريان:اكيد حسي عايز يقول لي زول جاي من السفر اصلا م برسل لي غير لي كده😊المهم ي زوله ردي و خلاص و كتبت ليهو "احكي"
مازن:(كان متصل)كيفك؟!..
ريان:كويسه و انتا
مازن:الحمد لله..بكره فاضيه؟!..
ريان:بعد الجامعه م عندي شي ليه؟!..
مازن:ينفع اجي أخذك من هناك؟!..
ريان:(قلبها قرب يقيف)ايوه ينفع بس ف شنو؟!..
مازن:عايز أعزمك ممنوع؟!..😂
ريان:برانا؟..
مازن:يب
ريان:(قامت من السرير و قعدت تاني)مازن انتا طبيعي الليله
مازن:اي طبيعي شديد😂يلا اقطعي وشك مشغول انا(و طلع من الواتس)
ريان:(ختت تلفونا جمبها و بقت تعاين للتلفون بخلعه،،تاني مسكتو و فتحت المحادثه و تاني قفلتا و قلبها ده قرب يطلع من محلو❤)هي هي لا اكيد ف شي،،امكن بموت!او امكن عايز يعزمني عرسو😭احي ي مرارتي اجي ي ريان كدي روقي💔بكره قريب و بتعرفي الحنك حسي م تفكري فيو كتير أرجعي لقصتك الجميله دي و خلاص😊و فتحت تكمل قرايتا..
نرمين:(دخلتا جوا و قفلتا الباب و انا و لأول مره ممكن أقول انى مرتاحه نفسيا💔مرتاحه و شديد كمان)
آسر:(طلع من المستشفي مبسوط شديد و رجع البيت طوالي..💕)
احمد:وين ي استاذ كنتا
آسر:تعال اقعد احكي ليك طيب😂(و حكه ليهو..)
احمد:ي آسر انا متفهمك بس م حاسس انو البت دي انتا بتتعامل معاها غير باقي البنات؟!..
آسر:انا وريتك السبب ي احمد
احمد:البت دي أحتمال قصتا تكبر اكتر
آسر:خليها تكبر
احمد:ي آسر انتا بتتعامل مع ناس اكبر منك
آسر:عارف و بكره ماشي أتكلم مع ابوها
احمد:😳😳نعم؟!..
آسر:مالك،،ماشي أتفاهم معاهو
احمد:انتا عارف ابوها ده منو صح؟!..
آسر:بتها ماتت ي احمد و راجلا مات و هما رموها عايزني اقعد اتفرج؟!..لو م جبتا حق نرمين م ح اسامح نفسي لمن اموت
احمد:(بقا بعاين ليو و ساكت..)
