#آسرى12
نرمين:(بقيت ابكي بس و حاسه روحي بتطلع😭😭😭كلاما هزه فيني حاجه عمرها م أتهزت الا حسي..)
آسر كان يادوب جا المستشفي..سلم على الممرضات تحت و اول م طلع م سمع ليك الا بحاجه بتتكسر من غرفتي...
آسر:(بخلعه)نرمين😳(و جره على غرفتي وراهوو الممرضات..اول م فتح باب الغرفه أتخلع و بقا بس واقف و مصدوم و الممرضات بصرخو)
نرمين:(انا كنتا بعاين ليهو و ببكي😭)
آسر:نرمين ده شنو ده..(و جا علي و الدم ف كل مكان)
نرمين:(انا كنتا بين واعيه و م واعيه بقيت بعاين ليو و بغمض عيوني)
آسر:لا أوعك تغمضي😡(و شالني)اوعك ي نرمين💔(و بقا جاري بي لمن وصل السياره)اوعك ي نرمين سمعتي(و ركب سريع و بقا سايق و بتكلم معاي و انا م واعيه لشي💔)خلاص وصلنا خلاص💔(وصلنا المستشفي و بقا يصرخ ييجيبو ليهو نقاله و فعلا جابو النقاله و دخلوني و الناس شغاله تتوسوس..)
_لا حول و لا قوه الا لله شكلها قطعت شراينا
_واي بت صغيره زيها تنتحر
_ربنا يحميها و يساعدا بس💔
د/خالد:انتا خليك هنا دي غرفه عمليات
آسر:ي دكتور الله يخليك أعمل حاجه انا بموت لو حصل ليها شي😢
د/خالد:(مسكو من كتفو)اهدا و ان شااء لله بنعمل البنقدر عليو انتا بس ادعي ليها💕
آسر:(قعد و هو م مصدق الشافو و دموعو بتجرى من غير يحس😢)
_لو سمحتا لازم تملا الأستماره دي
آسر:(اخذا منو)طيب طيب(و خته يدو ف راسو كان حاسي راسو ح ينفجر و هدومو كلها دم..لمن م جاتو مكالمه،،عاين للرقم لقاهو أمو م رده بعد شويه ضرب ليهو أحمد)
أحمد:ي ود أنتا وين
آسر:احمد💔
احمد:بسم الله ف شنو😳
آسر:(حكا ليهو)
احمد:دقيقه انا جاي عليك💔(و فعلا نص ساعه كان ف المستشفي أول م شاف آسر و حالتو بقا مخلوع..)آسر
آسر:ح تموت ي أحمد و لو ماتت بموت انا كمان😢
احمد:(سكت مسافه بعدين قعد قصادو)عاين كدي قول بسم الله💔انا م حصل شفتك بتبكي ف شي غير موضوع أمل..آسر انا عارف انو م وقتو بس نرمين دي م مجرد وحده بتعالجا بالنسبه ليك هيا أكبر من كده صح؟!..
آسر:(سكت)
أحمد:بتحبها؟!..
آسر:...
د/خالد:(جا طالع)لو سمحتو انتو بتقربو ليها
آسر:(قام بسرعه)اي حصل شنو هيا كيف م فيها حاجه صح؟!..
خالد:كدي أهدا هيا كويسه بس طبعا لانو م ربطا ليها محل القطع خسرت دم كتير شديد و حسي احنا محتاجين لدم
احمد:طيب فصيله دمها ايه؟!..
خالد:انا مفروض أسألكم..انتو م عارفين؟!..احنا طبعا ممكن نفحص و نشوف بس كسبا للوقت جيت أسألكم
آسر:دقيقه انا عارف(و بقا بحاول يتذكر لممن قره الملف بتاعا)ايوه "O سلبي"
خالد:متأكد؟!..
آسر:ايوه متأكد لانو نفس فصيله دمي💔
خالد:حلو طيب نعمل ليك فحوصات و نشوف لو ممكن نسحب منك دم
آسر:طيب(و فعلا اخذوهو و عملو ليهو فحوصات و طلع م عندو اي مشكله و سحبو منو دم كفايه..بعد بساعه كده آسر طلع من الغرفه الكان فيها..)
أحمد:كويس انتا؟!..
آسر:اي
أحمد:امسك ده عصير
آسر:م عندي نفس خليهو هنا
أحمد:طيب هيا لقت حاجه تقطع بيها شراينا من وين
آسر:انا غبي خاتي ليها مرايه ف غرفتا..كسرت المرايه بيدها و شالت من القزاز الأتكسر💔
أحمد:بس هيا كانت كويسه مستحيل تصل المرحله دي ساي
آسر:عارف..اكيد حصل شي بس حاليا م قادر أفكر بحاجه..انا بس عايز أشوفا😢
خالد:(كان بعاين ليو و ساكت)
بعد مسافه جا الدكتور طالع تاني..
خالد:خلاص حمد لله على السلامه حسي بقت كويسه بس هيا حسي تحت تأثير البنج يعني بتصحا بعد نص ساعه كده💕
آسر:بجد؟..
خالد:شكلك بتحبها شديد😂اي بجد و كمان ممكن تدخل تشوفا
آسر:(طوالي دخل..لقاني نايمه جا قعد جمبي..)نرمين قلبي كان ح يوقف😢لمن شفتك ف الغرفه هناك أتذكرتا منظر أمل لمن ماتت💔حسيت أنك كمان ح تموتي و بسببي برضو😢انا م عارف كيف بس انا م بقدر أخسرك أنتى كمان..عليك الله م تموتي(و بقا خاتي يدو ف راسو و بستغفر)
أحمد:(كان واقف جمبه الباب سمع كلامو و نزل طوالي ضرب لكمال حكه ليهو الحصل)
كمال:طيب عاين خليك مستنيني تحت انا قريب من المستشفي أصلا
أحمد:تمام(استناهو زي ربع ساعه كده بعدين جا..)
كمال:ابو حميد الحاصل
أحمد:ياهو القلتو ليك
كمال:آسر حسي فوق؟..
أحمد:اي
كمال:انتا حسي متوتر كده ليه..نفترض انو بحب نرمين وين المشكله
أحمد:نرمين وراها قصه..تتوقع لو هو بحبا هيا ح تحبو!..آسر م ناقص وجع راس ي كمال قصة البت دي ح توديهو ف مصيبه انا حاسس بكده
كمال:(سكت مسافه)لو هو بجد بحبها أحنا م ح نقدر نعمل شي بالعكس مفروض نساعدو..لانو نرمين ح تكون حب حياتو الأول و أختوو التانيه💕
أحمد:(عاين لكمال مسافه و سكت💔)
"قررت الرحيل فأمسكتني و كأنى أخر طرق الوصال..عزيزي كيف أبعدك الأن و دمك ف دمي يجري؟!.."❤
قاطع قرايه ريان صوت عائشه..
عائشه:ريونه ي ريونه😍
ريان:شوشو💕
عائشه:لي ساعه بره بتونس مع أمك و انتى م سامعانه
ريان:مش فاضيه ليكم😂
عائشه:(قعدت)اها بقيتي كيف ي م فاضيه
ريان:انا كويسه ع فكره(و ختيت الكتاب)
عائشه:انتى لمن تكوني زعلانه و لا فرحانه بتقرى..مزاجك ده عالي شديد طبعا
ريان:كل زول عندو طريقتو عشان ينسى
عائشه:م ضرب ليك
ريان:ضرب
عائشه:اها قال شنو؟!..
ريان:(حكيت ليها)
عائشه:ي رب الصبر😭(و قامت)ي ريان ده شنو التخلف ده كيف يعني تقولي ليهو طيب!انتى بتحاولى تنسيهو و لا بتلعبي؟!..
ريان:...
عائشه:ريان عايني لي..ده م اسمو حب بعد ده..ده اسمو تخلف
ريان:طيب انا متخلفه بس
عائشه:😡انا جاده
ريان:حتي انا جاده..💔
عائشه:(اخذت نفس عميق و قعدت)الأنسان لو عايز يسيب شي ح يسيبو
ريان:ايوه بسيبو بس لكل قاعده شواذ و الحب م زي باقي الحاجات
عائشه:ي ريان ليه بتعملي كده انتى؟!..
ريان:م عارفه..
عائشه:طيب حاولى أشغلي نفسك بزول يعني مثلا مروان..
ريان:(قاطعتا)مروان صحبي
عائشه:دايما الأنسان بشوف الحاجه العايز يشوفا و انتى ح تفضلي طول عمرك غبيه
ريان:م فهمتك؟!..
عائشه:انسى ي ريان و أعملى البريحك😊
ف جانب تاني:
مازن كان قاعد ف مطعم و ظاهر التوتر ف وشو..
غفران:معلش أتأخرتا😊
مازن:(وقف ع حيلو)لا م مشكله أقعدي
غفران:(قعدت و ختت شنطتا)اها انا وراي مشوار تاني
مازن:غفران خلينا نرجع لبعض
غفران:و الله؟!.و شنو اليخليني ارجع ليك و انا نص اولاد الخرطوم جارين وراي
مازن:ماف زول عايزك بجد زي
غفران:😂ياخخ عاين اطلع لي من الجو الهندي ده..انا م عايزاك ي مازن و عشان اوريك اتقدم لي واحد و مفكره أوافق😏
مازن:غفران انتى جاده؟!..
غفران:ايوه أتقدم لي واحد مغترب كمان😂كابتن طيران💕
مازن:و ح توافقي عليهو عشان كده؟!..
غفران:الزمن ده أهم شي تعاين لجيب الزول
مازن:ده كلامك؟!..
غفران:ايون💕
مازن:طيب حلو عازمك عقدي الجمعه الجاي لازم تشرفينا
غفران:(بخلعه)كذاب
مازن:و الله
غفران:مازن عارفاك عايز تغيظني بس
مازن:معقول ياخ..بتعرفي ريان طبعا!..بس دي العروسه لازم تباركي ليها😊(و شال حاجاتو و مشا)
غفران:ي مازن😳
مازن ركب السياره و طوالي ضرب لأبوهو..
مازن:ابوي..لقيت عروسه و أظن ح تفرح لمن تعرفا منو😊...
ف جانب تاني:
مروان كان قاعد مع صحبو..
حسين:ي مروان انا م فاهم حسي انتا زعلان كده ليه..
مروان:لانو بحبها ي حسين بحبها ياخ💔..
حسين:...
"آلاف القصص تموت و تبقى تلك القصه فقد لتحيا"💕
