#آسرى13
ف جانب تاني:
مروان كان قاعد مع صحبو..
حسين:ي مروان انا م فاهم حسي انتا زعلان كده ليه..
مروان:لانو بحبها ي حسين بحبها ياخ💔..
حسين:عاين انتا عارف انو ريان بتحب مازن
مروان:و انتا عارف انو من زمان و من وقت م هيا كانت بتحبو انا كنتا بحبها😊
حسين:ح تحصل مشاكل و انتا عارف
مروان:عاين هيا ح تنساهو
حسين:و برأيك لو نستو ح تحب أخوهو؟!..
مروان:...
حسين:الحب م لعبه و م بجي كده ساي ي مروان و انتا عارف النقطه دي...ريان لو وافقت فيك ح توافق لانو هيا عايزه تنسى حب طفولتا م عشانك
مروان:حسين خلاص
حسين:لا أسمعني و م تقول خلاص..كلنا بنعيش ف وهم مرات بس لازم نصحا..انتا م لازم تقاتل عشان و لا حاجه!..
مروان:(سكت مسافه)امكن كلامك صح بس أحب أقول ليك لو ريان كانت سراب انا برضو ح أقاتل عشانا😊
حسين:(عاين ليو و سكت💔)
ف جانب تاني:
ريان كانت قاعده مع عائشه و دخلو المطبخ عملو ليهم كيكه شكلاته و جابو ببسي من الدكان و شكلاتات😍و شغلو
اغاني و قررو يغيرو الجو حقه النفسنه ده شويه..
مريم:(ف الصالون)ي عوض انتا جادي😍و الله دي عايز ليها زغروده عديل(و بقت تزغرد)
ريان:(كانت ف المطبخ مع عائشه)هي امي دي مالا😂(و جرو بره)امي ف شنو بسم الله ح يعقدو علي😂
عائشه:ده همك ي بايره😂
مريم:احي ي ريان بورتك ح تفك اخيرا😢
ريان:امي ف شنو!..
مريم:ف زول أتقدم ليك
عائشه:(عاينت لي بأستغراب)اجي
ريان:امي كدي دقيقه زول منو
عوض:سيد الرجال ياخ💕اتقدم ليك مازن و عايز يجي يطلبك رسمي
ريان:نعم!!!!!😳
عائشه:مازن؟!..
عوض:و الله حتى انا أتخلعتا و م اتوقعتا شي زي ده بس بقولو النصيب غريب مرات😍😍
مريم:(مشت حضنت ريان)احي ي بتي😢م قادره أصدق و الله مبسوطه ليك شديد😭(و بقت تبكي)
ريان:(انا من الصدمه بقيت بس ساكته💔)
عائشه:ي عمو انتا منو القال ليك
عوض:😂انتو لمن حسي م مصدقين..ضرب لي الضي حسي و قال مازن جمبو و عايز يجي يعقد الجمعه عديل
ريان:ابوي عقد عديل!..
مريم:مالك ي ريان ف النهايه ود عمك و كلنا عارفين اخلاقو و لو عايز يعقد خلى يعقد مش انتى ماف زول ف حياتك؟!..
ريان:..
عوض:الرأي رأيك ي بتي بس لو عايزاني ارتاح ف دنيتي دي اخذي مازن ح يعيشك ملكه و الله💕
ريان:(عاينتا ليهم و دخلتا غرفتي طوالى من غير أرد..)
عائشه:انا بشوفا..(و جات وراي)ي بت
ريان:(بقيت واقفه ف نص الغرفه و ساكته)
عائشه:ريان
ريان:انا م فاهمه شي
عائشه:حتى انا و الله💔
ريان:عمرو م حسسني انو مهتم بي و اخوهو جا قال لي انو مازن بحب وحده تانيه و حسي..انا م فاهمه شي ي عائشه
عائشه:م عارفه اقول ليك شنو بس القصه دي م مريحاني ي ريان..يعني ليه فجأه جا و أتقدم ليك حتي هو م وراك الحاجه دي
ريان:عمري م اتوقعتا أنو ح أتخت ف موقف زي ده..او أمكن عمري م اتخيلتا انو الزول البحبو لممن يتقدم لي ح أكون عامله كده..
عائشه:(سكتت و بقت قاعده و بتعاين لريان و هيا ماشه و جايه ف الغرفه)
