#آسرى2
ريان:(ردت على تلفونا بصوت مبحوح)ايوه ي عائشه
عائشه:عائشه عديل!!وين شوشو الليله😂مالك بسم الله
ريان:و لا شي
عائشه:ريان ياخ ف شنو
ريان:كنتا مستنيه مازن يضرب لي💔
عائشه:كالعاده يعني دايما نفس الفهم و نفس السبب و مازن و مازن ي ريان م تجنيني ياخي مازن ود عمنا و بعتبرني انا و انتى اخواتو و عمرو م فرق بينا..متين ح ططلعي من راسك فهميني؟!..
ريان:م من راسي من قلبي قصدك و المشكله انو م بيدي و عمرك م ح تفهميني ي عائشه عشان كده خلاص نقفل الموضوع ده احسن
عائشه:خير طيب انا بكره اصلا جاياك نتفاهم وقتها😂
ريان:بجد😍خلاص جيبي لي معاكي ببسي و شبسي و كده يعني😉
عائشه:حاضر ارجيني😂
ريان:تافهه
عائشه:يلا م عندي ليك رصيد اقطعي وشك😂
ريان:ظابط(و قفلت الخط بقت ماسكه التلفون مسافه لمن لقت نفسها مشت لأسمو،"مازن"الاسم براهو كان كفيل يحرك حاجات كتيره جواها..ده حب طفولتا و ي ريت لو يموت بعد تكبر بس هو كان بكبر معاها❤)
ختت تلفونا و طلعت لقت ابوها جا..
ريان:بابي😍😍
عوض:😂المجنونه
ريان:يخسي عليك انا ادلعك و انتا تقول كده
عوض:خلاص ي بتي السمحه❤ح تنزلى جامعه متين
ريان:يوم الاحد يعني بعد بكره
عوض:حلو طيب
مريم:عايني انتي خبر عائشه شنو
ريان:جاياني بكره😍
عوض:طولنا منهم ياخخ
مريم:بعد بكره مفكره اعزم ابتسام و عيالا(ابتسام دى ام مازن يعني مرت عمها)
ريان:(اول م سمعت شمار العزومه طوالي ركزت ف الكلام)
عوض:خلاص اعزميهم الجمعه عشان ماف شغل
مريم:هو مازن مسافر متين
ريان:ح يرجع لندن تاني؟!..
عوض:قالو راجع بس م عارف و الله
ريان:انا داخله غرفتي ارقد
مريم:طيب
ريان:(دخلت غرفتا و قفلت الباب و رقدت و بقت تفكر فيو بعد مسافه قامت من السرير و بقت ماشه جايه ف الغرفه..)ي الله ياخخ م ممكن لازم م افكر فيو لازم اطلعو من راسي(و لاحظت للكتاب طوالي فتحتو عشان تشغل نفسها و كملت من محل م وقفت..❤
رغم اني بفضل ساكته دايما بس كنتا عارفه كل شي حولي اكتر منهم ف ذات نفسهم..كنت شايفه حاجات كتيره و فاهمه كمان..كنتا بس محتاجه زول يقول لي ابكي او احكي بس م لقيت عشان كده حالتي كانت ماشه ف تدهور، للأسف مع اننا ف مستشفي بس م كان ف زول شغال بينا كنا بناكل نشرب ننوم و نصحا و بس..
بعد مسافه جات الممرضه و بدت ططلع البنات فوق و كالعاده انا منسيه،نسبه لأني هادئه مرات م بلاحظو وجودي ف بنسو يطلعوني فضلتا قاعده هناك و الشمس كانت خلاص ع وشك تغيب..
عنده آسر:
كان يادوب صحا من النوم لبس قميص رمادي و معاهو بنطلون اسود و بخا ريحتو الدايما بعملا❤
رغم انو م حلو شديد بس اول م تشوفو بتحسه بالهيبه الفيهو..❤
نزل تحت لقا الشغاله قالت ليو انو كلهم مافي طوالي شال مفاتيح السياره البره و طلع أتجهه على المستشفي..اصلا عشان يصل كان عايز نص ساعه بس لانو المكان م بعيد من بيتم..اول م وصل نزل و سلم ع الحرس بره و عم عبدو ده من زمان شغال ف المستشفي عشان كده اول م شافو دقه معاهو ونسه و ضحك و بعد مسافه دخل انا كنتا قاعده و دي كانت اول مره يجي زول غريب المستشفي كنتا بعرف كل الناس البجو حتى اهل المريضات عشان كده استغربتا لمن شفتو كان مبتسم و مدخل يدو ف جيبو و بعاين للحديقه كأنو بسلم عليها❤
فضل ماشي لمن م جا قدامي و وقف بس طبعا م شايفني..
آسر:اخخخ قدر شنو كنتا بحب المحل ده،لسه زي م هو م اتغير❤(و دخل جوه طوالي)
اول م دخل الممرضات ديل كلهم بدو يتخاففو طبعا كان زمان بجي قبل يسافر كندا عشان كده بعرفم كلهم و بعرفو،كان بسلم على اي زول يشوفو لمن م وصل نهايه الممر و لقا امو..
أبتهال:آسر😍ي ولدي انا اقول المستشفي منوره ليه
آسر:النور نورك ي ست الكل😍
سوسن:دكتور آسر كيفك😍
آسر:تمام انتي كيف
سوسن:الحمد لله❤
أبتهال:كويس الجيت تعال اوريك التغيرات الحصلت ف المستشفي
آسر:انتى تأمري(و بقا ماشي معاها و هيا بتتكلم)
منيره:ووب علي ي سوسن شفتي عامل كيف😭
سوسن:ي يمه الريحه من قبل م يدخل المستشفي طقت😭
منيره:عاد ده مقرش و وجيه و م زي امو نهائ بالعكس طيبان يعني مفروض تتحركي
سوسن:اصبري بس لو م جبتو براي بجيبو لي الشيخ
منيره:صعبه لكن😂😂
سوسن:عايني انتي المجنونه ديك احنا دخلناها؟!..
منيره:(سكتت مسافه)ووب علي م اظن
سوسن:ياخ البت دي بسببا ح ننطرد ارح ارح ندخلا قبل دكتوره ابتهال تشوف
منيره:ارح(و طلعو لقوني قاعده بره..)
سوسن:انتي ي بت عايزه تجنيني صح ياخ انا كرهتا الجناح الماسكاهو عشان انتي فيهو ياخ😡(و مسكتني من يدي قوي و قومتني)
منيره:سوسن براحه
سوسن:لا براحه لا بطيخ خلينا ندخلا قبل يشوفوها(و بقت جاراني لمن دخلنا جوه و على حظها اول م جينا داخلين دكتوره ابتهال و آسر كانو قدامنا)
أبتهال:سوسن انتي نسيتيها تاني😡
سوسن:انا..م..
أبتهال:(قاطعتا..)ياخ لكن بالطريقه دي البت ممكن تطفش عادي😡
سوسن:(قرصتني ف يدي)ياخ انا..
آسر:زحي يدك😡
سوسن:(عاينت ليهو بخلعه)انا..
آسر:(نزل يدها من يدي)دي م طريقه تتعاملي بيها مع مريض
آسر:(جراني من يدي و وقفني جمبو)و بعدين هيا م غلطانه عشان تتصرفي معاها كده
نرمين:(عاينتا ليهو بأستغراب و لاول مره مما أجي زول يفكر بي كأنسانه💕)
سوسن:..
منيره:احنا أسفين بس انتي عارفه ي دكتوره ابتهال حالتا يعني طبيعي ننساها
آسر:(عاين لي لقاني ساكته)انتي كويسه؟!..
نرمين:(عاينت ليهو و م نطقتا ب حرف)
أبتهال:م تحاول هيا م بتتكلم مع زول اصلها كده مما جات صوتا م اتسمع..يلا ي سوسن دخليها غرفتا
سوسن:طيب💔
آسر:و تاني لو سمحتي قبل تمسكيها كده فكري بتصرفك و انك بتتعاملى مع انسان😊
سوسن:حاضر(و مسكتني ودتني الغرفه)
آسر:حالتا شنو البت دي
أبتهال:بري اهلها جو رموها هنا بعدين زول منهم م زارها
آسر:معقول
أبتهال:و م بتتكلم و لا بتضحك و لا شي زي التقول م عايشه زينا كده
آسر:بتكون عايشه ف حاله صدمه
أبتهال:صدمه من سنتين
آسر:يعني طول السنتين دي ماف زول جاها!!
أبتهال:قبل سنه جات وحده شابه كده عاينت ليها من بعيد و مشت و تاني لا حس لا خبر غايتو ربنا يشفيها..حسي ارح المكتب عايزه اشرب قهوه
آسر:(عاين ف الجهه المشيت فيها)طيب ارح..
سوسن:(دخلتني الغرفه و اول م دخلنا بقت جايطه)انا يشاكلوني بسببك😭😭انتي منو اصلا غير مجنونه رامينك هنا
منيره:ي بت سوسن وطي صوت ده
سوسن:شفتي عمل فيني شنو😭كيف يعمل كده
منيره:انتي كمان غلطانه ف ابردي بالله
سوسن:😡(جات دايره تمسكني منيره مسكتا)
منيره:ي بت قولي بسم الله
سوسن:عايني بتعاين لي كيف الحيوانه😡
نرمين:(كنتا بعاين ليها زي كأنو م حاصل شي و البتقولو عيوني كفيل يستفزها)
منيره:دي مجنونه ي سوسن ارح ياخ(و مسكتا طلعتا بره)
نرمين:(رقدتا و بقيت بعاين للسقف خايفه انوم و ارجع أحلم بماضي و خايفه أصحا و افضل أفكر بحااضري و بين الأتنين ف عالم كلنا بنضيع فيهو💕)
"اللقائات مختلفه كختلاف القصص و اختلاف راويها و نهاياتها،نحن أختلفنا بنقص توج م بين سطور حبنا،لم نكن مميزين فنحن كمئات القصص بقت سرا لا يعلم بماهيتها أحد..نحن لا شئ من سراب كاد ان يكون كل شئ❤"
ريان:(قفلت الكتاب بعد م قدرت تقاوم النوم اكتر..)ي ربي قصت نرمين دي شنو معقول يكون حبيبا خانا و حصل كل الفلم الهندي ده..لا لا الموضوع شكلو اكبر كدي نشوف لحدي بكره(و ختت الكتاب جمبها و نامت❤)
تاني يوم صحت من بدري فتحت تلفونا عاينت للساعه و رجعت قفلتو بعد مسافه نطت من السرير..
ريان:ي ربي انا بحلم؟!..(و مسكت تلفونا لقت مكالمه فائته من مازن)ده هو!!ده رقمو و الله😂هي معقوله..اي اي مازن ضارب لي ياخخ❤(و قبل تتم جوطتا ضرب ليها تاني..ردت طوالي❤)مازن
مازن:ريونه م أكون صحيتك
ريان:(قامت من السرير)انا صحيتني..لا طبعا اصلا صاحيه😂
مازن:اها كيفك طيب
ريان:كويسه انتا كيف؟!..❤
مازن:فل الفل طبعا ضربتا اقول ليك أنو مروان جاي بكره
ريان:بجد؟!..اخيرا قرر يجي اخوك الصايع😂
مازن:اي اي فقلتا اقول ليك لازم نتلما زي زمان كلنا
ريان:خلاص بكره ان شااء لله بجيكم❤بس م تجرا لي شعري زي كل مره ياخ
مازن:م عندي اخت غيرك ف طبيعي أجرا ليك شعرك ي شافعه😂
ريان:(سكتت مسافه)اي م عندك اخت غيري على قولك😊
مازن:يلا سلمي على ناس البيت
ريان:وصل❤(و قفلت)م عندو اخت غيري و انا زي العويره اتنطط😊(دخلت الحمام استحمت و طلعت بره لقت ابوها كالعاده مشا الشغل و امها ف المطبخ)
مريم:بسم الله مالك الليله ساكته كده
ريان:صحيت مصدعه شويه
مريم:ابلعي ليك بندول
ريان:اي ببلع بعد شويه
مريم:بكره مروان جاي
ريان:عارفه..انا ح ارتب الصالون شويه لمن عائشه تجي
مريم:ترتبي الصالون عديل😂صداعك الليله حلو
ريان:م تتعودي بس😉(و مشيت رتبتا البيت كلو و بخرتو غايتو لمن ازعل صعبه😂بعدها دخلتا و استحميت و لبستا لي لبسه ظريفه و طلعتا لقيت الحيوانه جات😍)شوشو😍
عائشه:بطنها😂❤(و جات حضنتني)يعني لو م جيتك م بتجيني
ريان:انتي عارفه م فاضيه و كده😌
مريم:اي بس تصحا تنق في راسنا و تنوم
عائشه:مشغوله جدا😂
ريان:كويس ي امي بنتفاهم بعدين😂ارح ارح ندخل الغرفه
مريم:بعد شويه اطلعو الغذا
ريان:طييب(و دخلنا الغرفه)ي حيوانه ياخ بجد اشتقتا ليك
عائشه:يشتاق ليك قرد اها شماراتك
ريان:م ح تصدقي ضرب لي منو الصباح
عائشه:مازن!!
ريان:يب❤
عائشه:قال ليك مروان جاي
ريان:بسم الله عرفتي كيف
عائشه:لانو ضرب لي ي فالحه
ريان:(سكتت مسافه)اكيد ح يضرب ليك م احنا اخواتو😊
عائشه:عايني ي ريان انا عارفه انك بتمري بأحساس صعب بس الاحاسيس نهايتا تموت لو احنا عايزنا تموت،م تسمحي لحب طفوله يدمرك اكتر لانو انتي الوحيده المتأذيه لا هو و لا انا و لا زول غيرك بتأذا من الحب ده..و الحاجه البتأذى مفروض نقتلا❤
ريان:(رقدت ف رجل عائشه)ح اقتلا💔
"كلنا بنعيش عشان نحب بس ف قصص حب بتقتلنا و احنا عايشين💕"
