#آسرى17
مازن:(مسكني من يدي و وداني لأمي كانت قاعده قدام غرفه أبوي)
مريم:ريان😢
ريان:امي(قعدتا جمبها و مسكتا يدها و انا شايفه التعب ف وشها)هو ح يبقا كويس😢
مريم:ابوكي م ح يخلينا؟!..💔
ريان:ابوي مستحيل يعمل كده😢(و بقيت حاضناها💕)
مروان:(جا وقف جمبه مازن و كان شويه و يبكي💔..)
"احساس تشوف البتبحبو ببكي و متعذب و انتا م بيدك شي ده تحديدا تاني اصعب شي ف الحياه..❤"
عده اليوم و كان مانعننا ندخل ليو و ماف زول رجع البيت..انا و امي قعدونا ف غرفه عشان نرقد لانو كنا تعبانين شديد و الباقين فضلو بره..عائشه كان كل شويه تجي تشوفنا و مروان كان قاعد بره جمبه غرفتنا..و مازن جمبه غرفه أبوي..صراحه الحاجه الوحيده الفكرتا فيها لمن كنتا راقده جوه لو أبوي م صحه ي ربي ح يحصل لي ايه؟!..
طوالي أتذكرتا كلام آسر ف الروايه لمن قال:
"نفسي أفهم كيف ف ناس بتزعل بسبب حبيب و فراق و قرف بسيط زي ده،،هما لسه م شافو المعاناه الحقيقه..الحياه أكبر من كده.."
وقتها اتأكدتا أنو الأنسان م بحسه بمعاناه غيرو الا لمن يقع ف نفس المعاناه..نفس الشعور..نفس الدموع..
أمكن حسي ممكن أكون عرفتا المعني الحقيقي لخساره زول بنحبو..المعنى الحقيقي للفقد رغم إنى م فقدتا ابوي لسه بس قلبي كان واجعني شديد..
تاني يوم من الصباح لقيت امي ماف جمبي طوالي طلعتا بره لقيتم ماف مشيت غرفه أبوي و قلبي ده بدق بطريقه مبالغه خايفه أفتح الباب ألقاهو ماف..خايفه يقولو لي مات💔💔
فضلتا واقفه و بعدها رجعتا قعدتا ف الكرسي و م دخلتا..مستنيه زول يدخل و لا زول يطلع بس م كنتا عايزه أدخل انا..💔
أثناء قعدتي دي جات وحده ماره عاينت لي بأستغراب و مشت تاني رجعت..
_ي بتي دي أنتى؟!
ريان:...(عاينتا ليها و م عرفتا)
_شكلك م عرفتيني💔(و قعدت جمبي)تتذكري ف المواصلات لمن كنتي بتبكي و انا أتكلمتا معاك
ريان:(عرفتها طوالي)ايوه عرفتك😢
حنين:انا خالتك حنين ي بتي مالك؟!..
ريان:😭خالتو(و بقيت ببكي)
حنين:(ختت يدها ف ظهري و بقت ساكته مسافه)عندك منو عيان
ريان:ابوي💔
حنين:ربنا يشفيهو طيب هو حسي وين؟!
ريان:ف الغرفه دي😢
حنين:طيب أدخلى ليهو
ريان:خايفه😭
حنين:ي بتي الخوف ده ضروري و دايما بكون معانا ف كل لحظه..ف الحزن..و ف الفرح و حتى من غير سبب..الخوف ده أخو الحياه،،بتعيشي و انتى خايفه من الموت و لمن تموتي بتخافي من الحساب..عارفه متين م بنخاف؟!..لمن نواجهه..انتى خايفه تواجهي حاجه عارفه أنها ح تحصل لو م حسي بعدين..و ده دليل على ضعفك..الضعيف بفضل خايف..و خوفو ده بضيعو..عايزه تضيعي؟!..
ريان:لا😢
حنين:طيب ليه بتضيعي وقت..ليه م بتواجهي؟!..الموت ح يجي لو م حسي بعدين..قومي و واجهي المستنيك أنتى قويه و ابوك ح يحب دايما يشوفك قويه..كل م تضعفي أتذكري ف ناس قصصم أسوء منك زي البت البكيتي عشانا ف المواصلات انا متأكده أنو وجعك و لا شي قدام وجعا..دايما شوفي الحالتم أكعب عشان تعرفي تطلعي من حالتك كيف💕
ريان:بجد شكرا😭❤(و حضنتا)
حنين:انا أتأخرتا على مقابلتي يلا ي بتي ربنا معاك❤(و قامت و بقت تتبسم..أنسانه كبيره زيها بتها و ولدا م لاقين وقت عشان يجو مقابله الدكتور معاها أكيد ح تفرح لمن تلقا شابه بتحب أبوها للدرجه دي❤)
ريان:😢(و قفت و مشت فتحت الباب بس م كان ف زول ف الغرفه💔قبل م تستوعب الحاصل جاها صوت مروان من وراها..)
مروان:ريان..من قبيل بفتش فيك
ريان:..
مروان:م تخافي ابوكي نقلوهو من الغرفه دي لغرفه تانيه❤
ريان:😢مروان قلبي كان ح يقيف
مروان:ابوكي كويس شديد ي ريان❤
ريان:بجد😢
مروان:أرح اخذك ليهو💕
ريان:(بقيت ماشه وراهو لمن وصلنا الغرفه و دخلنا..اول م شفتا أبوي بقيت ببكي كان راقد ف السرير و بتكلم مع اعمامي😢)ابوي😭😭😭(و مشيت حضنتو❤)ي ابوي ليه م وريتني😭
عوض:(بقا ساكت و حاضن ريان❤❤❤)
ريان:ابوي طيب سمعني صوتك بس😭
عوض:بتي المجنونه❤❤
ريان:😭😭بحبك بحححبك ياخ م تخليني
عوض:انا دايما جمبك..الموت م بفرق الناس ي بتي❤
ريان:م تجيب سيره الموت ي ابوي😢
عوض:(باسني ف راسي)ربنا يخليك لي ي مجنونه انتى❤❤
ريان:انتا حسي كويس؟!..(و بقيت بعاين ليهو)
عوض:طول م انتى جمبي انا كويس❤
عائشه:شفتي ي ريان قلتا ليك ح يبقا كويس عمي اصلا قوي❤
مازن:اصلا عمو ده عايز يخوفنا ساي
مروان:اي عايزنا ندلعو بس😂
مريم:كده ي عوض توقف قلبنا😢
مروان:اخخخ خالتو قلبها وقف ي جماعه😂
عائشه:ده الحب و لا بلاش😂
حامد:ي اولاد م تبطلو قله أدب
الضي:مالك ي حامد م بجد ده الحب و لا بلاش😂(و بقو بضحكو و انا لسه بعاين لأبوي و م مصدقه انو هو حسي جمبي..)
عوض:(عاين لي و لقاني م بضحك معاهم...)الإنسان لازم م يضعف ي بتي..ف اللحظات دي بذات لازم تكوني قويه عشان أمك تقدر تستند عليك❤انا عارفك أقوي من كده..طالعه لأبوك صح😉
ريان:ربنا يخليك لي بس❤
عوض:و يخليكم لي❤
بقو بحاولو يتونسو و يطلعونا من الجو ده بس انا لسه بالي مع أبوي..هو لسه م أتعافى و اثناء تفكيري مروان أشر لي عشان أطلع بره..
بعد مروان طلع بمسافه انا طلعتا وراهو..
ريان:مالك؟!.
مروان:حاسي بيك تعبانه و لازم اطلعك من الجوه ده شويه
ريان:لا انا كويسه(و جيت عايزه أدخل مسكني من يدي)
مروان:عارفك م اكلتي من أمبارح و عشان م تتعبي و ابوكي يتعب معاك أمسكي طلبتا ليك دليفري(و اداني كيس)عارفك بتحبي الشاورما❤
ريان:(سكتا مسافه)ف وسط الجوطه دي كلها أتذكرتا إنى م أكلتا و كمان طلبتا لي شاورما؟!..
مروان:انتى ي ريان بتهميني شديد❤و لو م أهتميت بالتفاصيل دي أبقا غبي!...
ريان:...
مروان:ارح انا برضو جعان و طالب لنفسي طعميه عشان بحبها😂(و شال مني الكيس وقعد ف الكرسي قمتا قعدتا جمبو)عارفه أحلى حاجه ف الدنيا دي الأكل و أنتا جعان..(ناولني السندوتش حقي)و أحلى حاجه..
ريان:(قاطعتو)المره دي بجد شكرا💔
مروان:انتى ح تفضلي تشكريني كتير؟!..
ريان:ح أفضل أشكرك لمن ألقا طريقه تانيه ممكن تعبر عن شكري
مروان:و انا ح افضل اساعدك و جمبك لمن تلقي الطريقه دي😉يلا يلا أكلى😂(و فعلا أكلنا و كان جايب عصير شربني ليهو بالغصب و بقا بحاول يضحكني و ف نص الونسه قلتا ليو..)
ريان:لو أبوي م بقا كويس طيب؟!..
مروان:ح يبقا كويس زي م نرمين أتكلمت ف الروايه😉
ريان:دقيقه..أنتا أشتريت الروايه؟!..
مروان:و قريتا كمان..قلتا ليك نرمين ح تبقا كويسه و كمان آسر بده يحلا القصه..نرمين بكبرها قصتا ح تتحل و إنتى لسه خايفه..
ريان:صح الصح❤..
مروان:عيشي اللحظه،،أضحكي حسي مع ابوكي..اتونسي معاهو عشان بعدين م تندمي❤
ريان:حاضر❤
مروان:أحلى زول بسمع الكلام❤❤
ريان:..
"من يبحث عن تفاصيلنا ليسعدنا م كان يوما ليكذب بشأن حبه لنا"💕
