#آسرى3
عائشه:عايني ي ريان انا عارفه انك بتمري بأحساس صعب بس الاحاسيس نهايتا تموت لو احنا عايزنا تموت،م تسمحي لحب طفوله يدمرك اكتر لانو انتي الوحيده المتأذيه لا هو و لا انا و لا زول غيرك بتأذا من الحب ده..و الحاجه البتأذى مفروض نقتلا❤
ريان:(رقدت ف رجل عائشه)ح اقتلا💔
عائشه:ع فكره جبتا ليك شي بتحبي
ريان:عريس
عائشه:ابو جنك ياخ😂😂(و فتحت شنطتا طلعت لي ببسي)اتفضلي اتسممي
ريان:اخخ😍ياخ بححبك حب(و شلتو طوالي)
عائشه:اي بتحبييني جدا😂(و بقت تعاين ف الغرفه لمن شافت الكتاب و اخذتو) #آسرى ده الحكو لينا عنو بنات الجامعه؟!..
ريان:اي ياهو
عائشه:حلو؟!..
ريان:لسه ف البدايه بس قصتو مشوقه
عائشه:م عندك موضوع اي روايه يقولو حلوه تجيبيها
ريان:ف قصص بتحول حياتنا حتى لو كانت قصه عابره و احتمال دي القصه البتحول حياتي
عائشه:بجد متأثره بالروايات😂
ريان:(قرصتا)عفنه😂
عائشه:(ختت الكتاب)المهم ارح نساعد امك شويه لاني اصلا جعتا
ريان:ظابط(و طلعنا ساعدنا امي و الونسه و الضحك❤بعد اتفذينا عملنا الشاي و قعدنا نتونس)
مريم:بكره ح تمشو لناس سناء
عائشه:هي صحي اصلا بكره جامعه من هناك نمشي ليهم
ريان:ان شااء لله
مريم:قالو مازن عايز يعرس
ريان:نعم؟!..(بخلعه)
مريم:(بأستغراب)مالك ي بت
عائشه:لالا ي خالتو بس عشان اتفاجأنا..يعني هو لقا عروسه؟!..
مريم:قالو بفتش بس م اظن لانو هو الفتح الموضوع لأمو معناتا ف وحده ف بالو
ريان:..(دموعا بقت ف عيونا)
عائشه:اها كويس طيب..ريان عندي بلوزه نسيتا هنا لمن جيت بيتا معاكم ارح نشوفا عشان م انسا بعدين
ريان:...
عائشه:(مسكتا من يدها)يلا ي بتي(و دخلو الغرفه)ريان
ريان:ف وحده ف بالو ي عائشه😭(و حضنتا و بقت تبكي)
عائشه:ابكي بترتاحي❤
ريان:(فضلت تبكي بحرقه و قلبا ده واجعا رغم انو كانت عارفه النهايه بس م كانت عارفه الشعور بقتل كده..كانت عارفه انها ماشه وره سراب بس كانت بتتمنا يبقا حقيقي و اتمنت و اتمنت لمن لقت نفسها ف سبيل الحلم ده ضاعت💔)
عائشه:ح تهون..(و بقت تتكلم معاها عشان تخفف عنها بس ماف كلام بنفع وقتها و لا ف حاجه ممكن تخفف ألم أنك تخسر شي اصلا م اتملكتو بس ح يتملكو غيرك..)
عائشه قعدت لمن المغرب بعدين مشت و ريان تعبت شديد فضلت راقده و ظاهر الارهاق ف وشها،،ابوها و امها استغربو لانها م من النوع البتمرض سريع كده و هما م عارفين انو المرض ف قلبها..
زي الساعه 8 كده مسكت تلفونا و م لقت شي ممكن يشغلا طوالي مشت لمهربا الاصلي..الكتب❤
فتحت الكتاب و كملت من محل وقفت..
نرمين:(كنتا بعاين ليها زي كأنو م حاصل شي و البتقولو عيوني كفيل يستفزها)
منيره:دي مجنونه ي سوسن ارح ياخ(و مسكتا طلعتا بره)
نرمين:(رقدتا و بقيت بعاين للسقف خايفه انوم و ارجع أحلم بماضي و خايفه أصحا و افضل أفكر بحااضري و بين الأتنين ف عالم كلنا بنضيع فيهو💕)
نمتا و كالعاده حلمتا بيهم❤
"نرمين:ي يوسف جيب وتين عشان تاكل
يوسف:نايمه
نرمين:نامت متين بسم الله
يوسف:شكلها تعبانه من الروضه😂
نرمين:اتخيل بتي انا دخلت الروضه💕
يوسف:و امها ح تتخرج من الجامعه😍
نرمين:ي ريت لو الفرحه تكمل💔
يوسف:(مسك لي يدي❤)اهلك اكيد ح يسامحوك الموضوع موضوع وقت بس
نرمين:تمت 5 سنين ي يوسف😢
يوسف:انتي عارفه انو الحصل م ساهل عليهم
نرمين:لا هو ساهل بس ابوي ح يفضل طول عمرو همو الناس و مكانتو و الحكومه و نساني انا،،بالنسبه ليهو البيت المكون من 3 طوابق احلى من البيت الفيهو غرفتين و م عارف انو الكلام ف الناس الفي البيت م في البيت زاتو💔
يوسف:طيب حسي البيت المكون من غرفتين ده ح يكون كلو فرح و حب بس عشان اغطي و لو شويه من النقص الجواك
نرمين:عارفه عشان كده انا بححبك❤
يوسف:انا جعان ياخ خلاص خلينا ناكل
نرمين:ي مدمر الرومنسيه😂"
صحيت من النوم و انا حاسه الدنيا ضايقه بي و ببكي بحرقه زي كأنو دي اول مره ابكي،،يعني تاني م ح اشوفم؟!..يعني هما مشو!!هو ليه الحياه ظالمه كده؟!..و ليه الناس كعبين كده؟!..
كنتا بفكر ب مليون حاجه و مليون سؤال..نفسي اصرخ نفسي اسمع صوتي النسيتو بس م قادره!!
فضلتا صاحيه لمن تاني يوم و نفس الحدث بتاع كل يوم بس اليوم ده تحديدا حصلت حاجه حولت محور كل قصتي..
آسر جا مع دكتوره ابتهال و كانو ف مكتبا..
ابتهال:ي آسر انتا عارف انا مسافره زي اسبوع لي عرس بت صحبتي و انتا ح تجي بدالي
آسر:ي امي انا قلتا ليك ح امسك المستشفي لمن تجي بس بعد تجي ح افتح مستشفا براي و المستشفي دي لأحمد
ابتهال:انتا و احمد واحد بعدين اخوك ده مستهتر ياخ لمن م يتخرج بكون مته
آسر:ي امي بعيد الشر م تقولي كده💔
أبتهال:(تلفونها ضرب)واي نسيت الليله جاين رجال يرشو مبيد ف المستشفي عشان ف حشرات ظهرت
آسر:حلو طيب ردي شوفيهم جاين متين
أبتهال:(ردت و اتكلمت معاهم مسافه بعدين قفلت)قالو نص ساعه و يكونو وصلو
آسر:طيب ح امشي أكلم الممرضات يطلعو المريضات بره
أبتهال:اي ياخ و قول ليهم م ينسو زول لانو ريحتو قويه المبيد ده
آسر:ان شااء لله(و طلع كلم سوسن و باقي الممرضات و هما طوالي بدو يطلعو البنات كلهم الحديقه لمن م جات غرفتي طلعت البتين المعاي و بقت تعاين لي..)
سوسن:حسي لو طلعتك ح ننساكي و ح يسمعوني فارغه،احسن تترزعي هنا يعني اصلا ح يحصل ليك شنو(و طلعت قفلت الباب بالمفتاح و طوالي نزلت الحديقه..)
آسر:ديل كلهم
سوسن:اي
آسر:تمام(بعد مسافه جو زي 10 رجال كده اتقسمو ف الثلاثه طوابق و بدو يرشو الدوا و فعلا كانت ريحتو قويه شديد..)
_ي سعد الباب ده مقفول
+حاول رشه الدواء بتحت الباب بس
_طيب(و فعلا قدر يرشه كميه كبيره من الدواء و انا كنت قاعده و حاسه بخنقه بس نهائ م قمتا من مكاني💔)
آسر و دكتوره ابتهال قعدو مع الممرضات و كانو بشربو شاي..
آسر:(كان بفتش بعيونو علي)
أبتهال:بتفتش ف شنو ي ولد
آسر:البت ديك وين
أبتهال:ياتو بت
آسر:الامبارح سوسن نستا
سوسن:(كانت بتشرب شاي فجأه بقت تكح..)
أبتهال:اسمها نرمين بتكون قاعده جمبه الشجره ديك
آسر:(قام من مكانو و مشا على هناك)
أبتهال:ي ود آسر تعال
آسر:(اول م وصل هناك م لقاها و اعصابو دي بقت نار..)سوسن😡
سوسن:نع..نعم😨
آسر:وينا؟!..
أبتهال:م لقيتا هناك😳
سوسن:بتكون ف حته تانيه هنا
أبتهال:هيا م بتقعد غير هناك ي سوسن
آسر:م نزلتيها؟!..
سوسن:م..انا..م متذكره
آسر:😡م متذكره كيف يعني..غرفتا وين؟!..
سوسن:ف الطابق التاني اول غرفه على يدك اليمين😢
آسر:(طوالي شال ليهو كميه مناديل و دخل جوه كان الطابق الأول يادوب بدو يرشو فيهو..)
_لو سمحتا م ينفع تدخل
آسر:(م اشتغل بيهو و طلع فوق و كانت الريحه قويه شديد مشا حسب وصف سوسن و حاول يفتح الباب ابا يفتح معاو و كل الرجال أتلمو..)
_ف وحده جوه؟!..
آسر:اي
_رشينا الدوا قبيل لو ف بت جوه ح يكون موضوعا منتهي
آسر:(طوالي كسر الباب و اول م دخل لقاني واقعه ف الارض..حاول يصحيني بس كان مغما علي طوالي شالني طلعني بره و الممرضات ديل كلهم نططو عيونم و سوسن الخوف قتلا💔)جيبو لي كرسي سريع
منيره:(جابت كرسين ختوني ف واحد و رفعو لي رجلي ف التاني و جابو مويه حاولو يصحوني)
آسر:ف زول بعمل عملتك دي ي سوسن😡
أبتهال:حسابك عندي بعدين
آسر:لو م كنتي بت بس😡
أبتهال:آسر كدي اهدا انتا!
آسر:اهدا كيف يعني ي امي؟!..دي مستشفي و لا لعبه بس كويس م دام عايزاني أمسك المستشفي بمسكا ليك و البت دي من الليله مسؤلتي و الحاله الح امسكا😡
منيره:بدت تصحا
ابتهال:نرمين انتى كويسه
نرمين:(صحيت و بقيت بكحح و عيوني واجعاني شديد..)
آسر:(قعد قصادي)تعبانه!اخذك المستشفا
نرمين:(كنت م مركزه و بعاين ليوو)
آسر(سكت مسافه)ماف زول بعمل عملتك دي ي سوسن اتخيلي يحصل ليها شي ياخخ
سوسن:انا..😢😢
أبتهال:اسكتي ي سوسن
آسر:ممكن افهم هيا ليه م بتتكلم😡
أبتهال:هيا اصلا كده
آسر:شربوها مويه و زحو من هنا عشان تاخذ نفسا زي الناس..انا من الليله م عايز اغلاط زي دي تحصل و بعدين عايز ملف البت دي من الليله انا الح اقول يحصل ليها شنو و م يحصل ليها شنو..مفهوم؟!..
أبتهال:آسر روق
آسر:امي البت دي حاليا مسؤلتي تمام؟!..ف م تقولي لي رووق
أحمد:(جا داخل لقا المستشفي مقلوبه)ي جماعه خير
سوسن:و الله م كان قصدي😭
منيره:سوسن اهدي
آسر:(عاين لسوسن)انا قلتا العندي و خلاص😒(و طلع من المستشفي مشا وراو احمد)
احمد:ي ود
آسر:ياخ اقسم بالله نفسي افهم كيف ف ناس مستهترين للدرجه دي
احمد:طيب ارح نمشي و بعدين نتفاهم(و ركبو السياره اتحركو ع النيل لمن وصلو كان الجو حلو شديد..)اها احكي
آسر:(حكا ليو كل شي)
احمد:بس ي آسر امكن بجد بالغلط
آسر:باب الغرفه كمان اتقفل بالغلط
احمد:طيب انتا جادي ح تمسك حالتا
آسر:الصراحه حتى لو م حصل كده كنت ناوي امسكا..البت دي بتحسسني انها بجد محتاجه زول جمبها،،عيونا بتتكلم كلام كتير..نفسي اعرف قصتا
احمد:غير م ح توجع قلبك م ح يحصل شي..اصلا كل المريضين ديل بسبب ناس حيوانات حسي عايشين حياتم عادي
آسر:نفس الحيوانات الكانو سبب ف أذيه أمل😊
احمد:حسي أمل دخلا شنو ي آسر
آسر:بشووف ف عيون البت دي عيون أمل ربنا يرحما..كأنها هيا ي احمد💔
احمد:ربنا يرحما💔
آسر:نفسي أفهم كيف ف ناس بتزعل بسبب حبيب و فراق و قرف بسيط زي ده،،هما لسه م شافو المعاناه الحقيقه..الحياه أكبر من كده..
"أغمضت عيني لعلى أقع ف يخف حمل قلبي من كل الأحمال..و لكن مع تلك الوقعه سقط قلبي و شكي و همي ليلتقطه غيري،قصتي معك بدأت منذ أول كلمه"مسؤليتي"❤
قاطع قراية ريان صوت التلفون و هو بضرب أتخلعت لانو الوقت اتأخر شافت تلفونا لقت الضاربه عائشه❤
ريان:ي هلا بالخايفه علي
عائشه:بسم الله انتى كويسه؟!..
ريان:تصدقي اكتشفتا انو حزني ده جمبه حزن ناس تانين و لا حاجه و انا ح أقدر اتجاوز البحصل ده ان شااء لله❤
"و م الحزن إلا للضعيف المنكسر.."♥
