راهي 6 تاع صباح واقفة على البالكون تاعي نشوف الشمس واليامات كيفاه راهي تجري وانا نجري موراها يوم جديد بلا بيكم ماما وبابا صح القلب والف مي الجرح يقعد يوجع يالوكان يجوزو سنين نشوف في ختي مازالها راقدة شكارة تاع رقاد🧡 __________________________ معرفتكمش على روحي اسمي ليان 22 سنة عاقلة خاطيني مشاكل مي الدنيا علمتني ندافع على روحي ومنمحش في حقي مع كلش واش جوزت مي دايما نضحك و عايشة حياتي ونتمهبل💕 نقرا في كلية اللغات صباح ونخدم فريسترون مع لعشية باش ندخل مصروفي شعري طويل وهو الشي لي نشفا ورثتو على ماما 🧡 ويقلو بلي ضحكتي شابة ههه سيبون ديتها في روحي ماما وبابا ماتو وانا عمري 13 سنة اكسيدون خلاوني انا وختي نور كان عمرها 7سنين عشنا مع جدتي ربي يخليهالي رباتنا وكبرتنا حتى كبرت هي ومرضت ورحنا نعيشو عند عمي كمال لي لوكان جدتي تغمض عينيها مانعرف وش يقدر يدير فينا مرتو سمية عقرب في هيئة انسان ووليدو جلال لي يصرف عليه باباه حاسب روحو عميد الدار مليح لي انا وختي ماعندنا حتى هدرة معاه في هاديك الدار غير بنت عمي سارة صغيرة عليا بعام لي تحس بيا وواقفة معايا 💙 layan💕
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
