ناضوو كامل وخرجوو وهوما مقلقين قعد فالقاعة انا وعماد وايمن وادريانوو
ادريانو: (الايطالية) لقد قمت بعمل جيد لم اكن اتوقع ان يخرج منك كل هذا يا عماد اهنئك
عماد: ترجمي قوليلوو العمل رح يتم بأقصى سرعة و مادابيا السلعة تدخل اليوم قبل غدواا
ادريانو بعد ما ترجمتلوو: هههه لاداعي للتسرع في العجلة نداامة فلتعرف انني اسير منظمة وهنالك اشخاص كثيرون ينتظرون بضاعتهم على العموم سأخبرك بآخر التطورات يسرني التعامل مع اشخاص محترفين مثلك وناض
ناض عماد وخمس مع ادريانوو وخرجناا حسيت روحي نتنفس لاول مرة قلبي كان ح يخرج لداخل
~~~~ عند عماد
فريناها فإجتماع ادريانو وقدرت نكسب ثقتوو بالديامون ناس تجري مو دراهم وفعالم لمافيا كلش بالمقابل نقدر نقول درت خطوة فالمهمة تاعي هكا نقدر ندخل فالعالم تاعهم ونجبدهم واحد واحد لي راهم يبيعو السم فهاد البلاد
ايمن: اووف كنت خايف تصرا كاش عفسة حمدلله جازت كيما كان لحال
انا: ايه مليح درك نقدرو نمشو ف plan تاعناا
ايمن: ايا تهلا انا نروح عندي عفسة نفريها
انا: ايا اوكي اركبي
ليان:لالا نروح مع ايمن خير
انا: ماشي طريقو قتلك اركبي
~~~~~~
عند ليان :
حمدت ربي لي جاز اليوم على خير ركبت مع عماد وقلبي يخبط طريق كامل وحنا ساكتين ومرة على مرة يرمي عينو تفاهمننا يوصلني قدام الريستورون كي العادة وصلنا هبط عماد معايا
عماد: خدمتي خدمتك مليح اليوم قدما كنتي بلا غلطات هكا كلما ح تسهال علينا الحالة
انا: ايه باينة بلي تسهال
حتى صونا تليفون لقيتو نميرو منعرفوش
عماد: شكون
انا: معلاباليش درك نشوف
....: الوو انسة ليان دميري
انا: ايه انا
....: رانا نتاصلو بيك من hopital**** المريضة عطاتكم عمرها
انا غير سمعت طاحلي التليفون من يدي
عماد~~~
وصلتها طريق كامل وهي ساكتة ومقلقة وقتاه توصل ههه خايفة ناكلها هبطت معاهاا صونالها تليفون نيميرو متعرفوش حتى شفتهاا طلقت تليفون وطاحت فالارض
ليان : (بالبكاء) لالالاااااا علاااااه ياااربي لالااااا ماني متروحيش وتخليني تعيشييي يااااماني ماعندي حتى واحد من غيرك علااه ياربي
انا: ليان بلعقل نوضي وش كاين
ليان: ماتتت يمااا علااه كامل راحوو وخلاوني بزاف علياا منستاهلش وش درت ياا ربي
قعدت تبكي فالارض ومقدرتش نحبسهاا نعرف مليح وش معنتها تفقد شخص عزيز
عاونتها تنوض ورقلعت نجري للسبيطاار
~~~~
عند ليان:
حسيت الدنيا ظلامت عليا كنت حابة برك نوصل حابة نشوفها قدامي حسيتو كوشماار جاز عليا وصلنا انا وعماد للسبيطار دخلت نجري عندهااا لقيتها مخرجينها ومنحينلها l'appareil تاع التنفس رحت عندها
انا: وييين رجعوهاا رجعوهاا مازالهاا حية ماني حلييي عينيكك تعيشي ليكي اناا ليان هاني
الممرضة: تعيشي مادموزال خلينا نخدموو خدمتنا وغطاولها على وجهها
طحت فالارض وكنت نحس بعماد شايد فياا بصح مكنتش في وعيي وصلوو مريم ونور وسفيان مور ماسمعوو انا سكتت دمعة ماطيحتهاا قاعدة غير نشوف بعينيا
نور:(بالبكاء) وتخبط : ليااان ابكييي ابكيي علااه ياختي غير نتي لي تحسي بيااا راحت ماني
وسفيان يجبد فيهاا ويكالمي فيها مريم قعدت تعنق فياا وتبكي وانا ساكتة برك عماد كان واقف قدامي يخزر فيا
خرجنا ماني وسفيان وعماد تكلفو بكلش انا كنت نبان حية بصح ميتة مالداخل مقدرتش نعبر على الصدمة تاعي ماناكل مانشرب وما نهدر جاا عمي والعقرب ودرنا لعزاا وخرجوو الناس
سمية: اياا رفدوو رواحكم لاعبينها حزنانين عليهاا لوكان رحمتوها فالحياة ايا كل واحد في بلاصتو
نور: (تقلقت وتعيط) لوكااان رحمتيهاا نتي يااشيبة النار وهي حية مخزرتيش فيهااا بصح تخلصي بربي نشالله
جلال: اياااا شدي فمك نوض نعطيك طريحة كنتي تتفرعني كي كانت جداتك هناا بلعي درك فمك كاشما نغلط فيك
رفدت نور ودخلنا للبيت ماكنتش قادرة نتضارب معاهم وكنت متوقعة ح يصرالنا هكا مور ما ماني تغمض عيني
_____
جوزت يامات كحلة اشتاقيت فيها النوم وليت مور لافاك نجوز على قبر ماني نفرغ قلبي باش نروح للخدمة ندير effort قدام نور باش نبانلها مليحة باش تقدر تنسى سمية العقرب كل يوم حكاية جديدة وصلت حتى تعيط وتسب هي ووليدها المعوق وسارة مسكينة ماعندها حتى كلمة هادا هو العام لخراني فلافاك حابة نكملوو ونتخرج ونلقا خدمة بقرايتي
قاعدة نمشي نوصل للخدمة مع لعشية نلقا عماد يعطلي ههه سيبون وليت نعرف نيميرو تاعو
عماد: الوو سلام
انا: سلام
عماد: واش صافا؟
انا: مادام هاد لحكايات مزالني فيهم مشكيتش نكون مليحة
عماد: سقسيت عليك قبل مانقولك بلي كاين rendez-vous مهم غدوا ونسحقوك
انا: عمااد علاه كنت معايا وراك شايف حالتي والله ماني قادرة ندخل فهاد لحكايات اخطووني ياخي منحكيش خماجكم ليكم برك
عماد: ليان الهدرة منعودهاش و(كوبا)
كملت خدمتي وخلصت كنت مولية للدار دخلت بدلت حوايجي وهبطت عند سمية نعطيها الشهرية
انا: هاكي خلصة الشهر
سمية: منسحقهااش
انا: كيفاه هادي متسحقيهاش
سمية : نسحق ترفدي دوزانك نتي وختك وتخرجوو علياا منسحقكومش في داري ماعندكم حتى حق كنت حاملتكم على وجه المحرومة درك كل واحد يعوم بحروو
انا: كيفاه هادي تحاوزينا وين نروحو ؟ منغيضوكش ختي وين نخليهاا
سمية: معلاباليش بيكم راكم كبار وتعرفوو صلاحكم
ونسمع الفرعون تاع وليدها يعيط ملبعيد
جلال: ايه كيماا قالت يماا ارفدوو زبلكم وبرااا انا ناوي نتزوج
انا: شكوون لي تقبل بواحد عريان كيما نتا لا رحمة لاشفقة
جلال: بلعيي يااا لعريانة يالخامجة تدخلي مالليل ليل ورفد يدوو وضربني
سمية : بلااك جلال متوسخش يدك بيهاا اكي سمعتي نخليلك مهلة منا لغدواا تلمي قشك منزيدش نشوفك هناا
سارة كانت غير تبكي وتبعد في خوها
سارة: علاش يااايماا وش دارولك حراام عليك
سمية: (ضربتها ) بلعييي روحي لبيتك ولا نقتلك
طلعت لبيتي شادة خدي شفت فلمراية الكلب الخامج جرحلي فمي ماقدرت ندير والوو وصلت بيهم لهاد الدرجة علابالي عمي مايقدر يديرو والوو رحت صليت ركعتين دعيت ربي فيهم
أنت تقرأ
chronique : layan E imad / حكاية : ليان و عماد❤
Romanceحكاية ليان و عماد 💕 حياة شخصين جمعهم القدر رغم اختلافهم احداث مشوقة واشياء رح تتبدل في حياتهم 🔥🧡
