ايه هوو نفسو لي شفتوو فالريستو وخبطت فيه بصح وش راهوو يدير هناا راهو حاب يخربلهم l'evenement ولا جايب la drogue معاه اااووف ليان سيبون كملي طريقك بلا ما يشوفك دخلت ليتوالات غسلت سقمت روحي وخرجت
انا: سارة نور امشو نروحو هداك هوو
سارة: اااوف ليان وين نروحو هاداوين جينا
نور: صح عندها لحق سارة انا ماشي تحفت روحي على ربع ساعة ونولوو وزيد مازال الحال
سارة : نتي هكاا ديجاا هاداوين حلات الحفلة
حتى نقصت الاضاءة فالقاعة وداروو ecran داتاشو وطلع هوو
سارة: اووه ليان ليكي شكون عماد هوو لي مستلم المشروع
نور: اححح سمحيلي راكي تعرفيهم بلواحد تباني تربيتي عندهم
سارة : بلعي بلعي ليكي شحال شباب كور وديكور الله يبارك
انا :(في نفسي) : ااااه لوكان علابالكم واش راهوو داير اذا كاشما حكمو عليه ودخلو علينا نروحو كامل فالجرة
_____
نروحوو عند عماد الابن الثاني لعائلة ميداوي 27 سنة من صغرو معتمد على روحو وخاطيه الاعمال تاع باباه والعائلة تاعوو اختياراتو ومبادئو هوما الاهم ولكن يستغل اسمو ومنصبو بحذر ومع كل هداا صعيب باش نال ثقة باباه لي داير كامل ثقتو فوليدو الكبير جواد صاحبو ايمن هو دراعو وخادم معاه كلشي
عماد: مساء الخير لكل الحضور لي شرفونا اليوم
يفرحنا وجودكم معانا هاد العشية باش نفتتحو معاكم ولاول مرة مشروع مستشفى ميداوي لي بذلنا فيه جهد كبير وآلات متطورة لي ح تكون متوفرة وتعطي المستشفى تاعنا طابع التطور نخليكم مع التفاصيل ....
_______
~~ليان:
أنا:(في نفسي ) هاد الهدرة كاامل ونتا دايرها من تحت ناس بلا ضمير تخمامهم فالدراهم والحرام انا منقدرش نزيد دقيقة هنا
صونا تليفوني لقيتها مريم رفدتوو وخرجت برا الصالة
مريم: واش ليان شابة الحفلة؟ عمريلي لقرع؟
انا: وش من حالة ياا مريم راني حاسة روحي ف mbc action
مريم: علاه وش صراا؟؟
انا: شفتي هادوك لجماعة لي جاو للريستو لبارح وسمعتهم يهدروو على la drogue لي حيربوهم فالدواء المدير تاعهم لي يحكم فيهم هوو لي راه مستلم هاد l'evenement ايماجين
مريم: ونتي وين علابالك واقيل جماعتوو هو معلابالوش
انا: واش مريم تغطي الشمس بالغربال سمعت السيد الطالياني لي كان قاعد معاه باينة شركة
مريم: روحي برك ليسونسيال تولو بخير متطولوش برك
انا: روحي كوبي ح ندخل
انا غير درت ونلقاه متكي على الحيط ويخزر فياا باينة سمع كلش مالخلعة وليت للور
عماد: (يصفق👏) براافووو وانا نقول وين شايفك بصح chapeau عرفتي كاامل الحكاية بصح درتي غلطة هدرتي فالمكان الخطأ وفالوقت الخطأ
انا: أأأ...أأنااا اناا كنت هنا قصدي كنت نهدر
عماد: ايه كملي وش هدرتي
انا:(استجمعت قوتي) أنا ماهدرت والو وخاطيني هاد لحكايات وهاني رايحة
حكمني من يدي ولصقني فالحيط حسيت يديا جمدوو والرعشة في قلبي مي محبيتش نبين خوفي خزرت فيه
عماد: حبيت نقولك خربتي فمالا يعنيك مالا اتقبلي مالا يرضيك
واطلقني حسيت قلبي ح يخرج مي محبيتش نبين خوفي باسكو هو لي غالط انا ماعندي مادرت
رفدت تليفوني ورحت نجري وهاد لمرة نخرج لبنات ونروحوو
_____
~~~عماد
هدرت الهدرة لي كانت عندي وخرجت كمية النفاق لي كانت لداخل متوالمنيش ناس همها الدراهم ومنأمنش بلي جاوو كامل لانو المشروع مستشفى وعمل انساني
خرجت براا حتى نلقا وحدة تحكي فالتليفون وتهدر علياا وبالزيادة عارفة حكاية مكاش من غيري انا اويمن لي عارفينها هناا
استنيتها تكمل هدرة ودارت شفتها عرفتها كانت فالريستورون تاع لي درت فيه الاجتماع مع الجماعة
سييت نخوفها ونبينلها اللعب بالنار وين يوصلها دنيت ليها وهددتها حسيت يديها يرجفوو كي كنت شايدها بصح le regard تاعها قعد قوي درت الواجب معاها وخرجت تجري
وهي خارجة طاحتلها لاكارت تاع الخدمة فالارض رفدتها
عماد: مادموزال لياان اامم اسمها تان شباب مي حطت روحها في حصلة ماكانش لازم هاد المعلومات يتسربوو
_______
واش رأيكم ف شخصية عماد🤔
تفاااعل نكمل بقية الاجزاء 🌸💫
أنت تقرأ
chronique : layan E imad / حكاية : ليان و عماد❤
Romanceحكاية ليان و عماد 💕 حياة شخصين جمعهم القدر رغم اختلافهم احداث مشوقة واشياء رح تتبدل في حياتهم 🔥🧡
