عند عماد~~~
خرجت مع سفيان ورحنا لللريستورون اليوم نتفاهموو معاها مارانيش حابة الخطط تاعنا والتعب تاعنا يضيع
أيمن: واش خوو كيفاه نديرو
انا: كي ماتفاهمنا تخدم عندنا هكا تكون بين عنينا
أيمن: جماعة الطاليان راهي جاية غدوا وأكبر زعيم للمافيا ح يكون لتم فرصتنا باش نجيبو اكبر عدد من المعلومات عليهم ونعرفو المقر تاعهم
أنا: ايه المنظمة راهي تسنا فآخر التطورات جماعة السلعة تاع الطاليان هوما لي راهم يسربوو الممنوعات والكوكايين هناا ورانا اكتشفنا الاساليب تاعهم أيمن هاد المهمة تاعنا ومالازمش نغلطوو
خرجنا للريستوو وشفتها جاية كنت علابالي راهي خايفة مالداخل بصح حابة تبين العكس هددناها بجداتها وختها باينين هوما نقطة ضعفها صح ضد مبادئي نهدد طفلة ولا نحط حياتها ف danger بصح محتمة كملنا هدرتنا معاهاا قعدنا شوية تفاهمنا وش ح نديرو غدوا وخرجنا
أيمن: ليك عماد راهي واقفة مع سفيان
عماد: اني نشوف فيهاا
عند ليان~~~~
سفيان : اوووه عماد وشراك ا صاحبي
عماد: حمدلله
سفيان : مراكش تبان آخر مرة سمعت بلي ح تفتح hopital
عماد: شغالات اك تعرف بصح اني ندرب دورات هناا
سفيان: كاش نهار نديرو فيهاا قعدة ... ااه ليان معرفتكش عماد ميداوي وليد صاحب بابا ونعرفو بعضانا مالصغر
انا:(محبيتش نبين حاجة قدام سفيان) : متشرفين موسيو عماد
سفيان: هادي ليان انسانة نعزهاا بزاف ونقراو كيفكيف ونعرقو بعضاناا مالصغر
عماد: متشرفين مادموزال ليان (وزير على يدي)
محبيتش نقعد كتر مزية جاا تليفون وصوناا
نور: لل..ليااااااان ممماااني
انا: نور واش كاين متخلعينيش
نور:(بالبكاء) ماااني طااحتت تغاشات فالارض محبتش تفطن
انا: وشنووو مماني نور ...نور اقعدي اني جااية
سفيان: وش كاين ليااان؟؟
انا: سفيان جداتي ..ماني تغشات فالدارر ومحبتش تفطن
سفيان: calme-toi لياان اركبي نروحو
انا: تعيش سفيان ازرب اني خايفة
وصلناا للدار طلعت انا وسفيان لقيت ماني طايحة فالارض ونور قدامهاا تبكي
نور غير شافتني جرات تعنقني: (بالبكاء) ااااهه للياااان من مقبييل محبتش تفطن
سفيان: بلعقل نور متخافيش درك ندوها للسبيطار
دنيت لماني لقيتها مافايقة لوالوو رفدنااهاا انا وسفيان وهبطنا بيها للطونوبيل ونور راحت جابت دوزاناها وتبعتنا
وصلنا للسبيطار ودخلناا ماني وسفيان تكلف بكلش انا ماكنت قادرة ندير والوو دخلوهاا وقاعدين نسناو
انا: سفيان سمحلي تعيش عييناك معاناا روح تريح راني انا ونور معاها
سفيان: متزيديش تعاودي هاد الهدرة جداتك راهي في مقام جداتي ومنخليكمش وحدكم هناا
فهاد اللحظة خرج الطبيب رحناا نجري عندو
انا: دكتووور دكتوور تعيش قلنا وشبيها
دكتور: نتوما اهلهاا
انا: ايه اناا بنتها
دكتور: جازت بجلطة دماغية واعرة بزاف منقدرو نقولو والو نقلناها لغرفة الانعاش
سمعت الهدرة تاعوو حسيت الدنياا دارت بيااا حتى شدني سفيان
انا: (بالبكاء) مااني متروحيش يااا يما معنديش واحد موراك ... متخليناش
نور: (تبكي) ليان متهدريش هكااا.. ماني تعيش
سفيان : بلعقل برك ليان شدي في ربي
جازوو ساعاات وانا هكاك طاح الليل جات مريم
مريم(عنقتني) : ليان متضغطيش على روحك رانا معاك
انا: .....( ساكتة برك)
مريم: ليكي انا نروح لداركم مع نور نجيبو حوايجها ونجيبولك حوايج وعفسات تسحقيهم ونولو
انا: لالا مريم تعيشي باتي مع نور هاد الليلة متخليهاش تولي عيات وغدواا تقراا قولي لسفيان يجيب الحوايج
مريم: اوكي مايكون غير خااطرك متعييش روحك برك
راحوو كامل وقعدت وحدي نروح نطل على ماني مالزجاج نلقاهاا كامل خيووط وراقدة نبكي كي نشوفها هكاك ونولي نقعد جاز الليل وانا على هديك الحالة وصل الصباح دخلت ليتوالات وجهي كاامل حمر ليساغن حتى صونا تليفون
.....: الوو اهبطي راني لتحت
انا: شكون نتاا(انا عرفت الصوت بصح محبيتش نهدر)
....: اهبطي انا عماد راني لتحت
انا: منهبطش ومرانيش فالريستورون و(جيت ح نكوبي)
عماد: علابالي راكي فhopital اهبطي نسحقك
عند عماد~~~~~
شفتها لبارح كيفاه خافت كي جاها تليفون قاعد نتبع فيها بعينياا سفيان كيفاه لعب بشعرها وتبسمتلوو وكيفاه خافت وعرفت بلي جداتها مرضت
بعتت ايمن يعرفلي وش صراا وفالليل قالي بلي جداتهاا راهي مريضة ف hopital**** حالة جلطة دماغية ماعندي حتى خيار لازم نكمل خدمتي ونضمن حاجة ما تتسرب هادي مهمة كبيرة بالنسبة ليا عيطتلهاا صباح وجزت عندهاا للسبيطار
انا: اهبطي راني تحت نستناا
ليان:(كوبات)
انا: دين الرب هااد الطفلة ياا تكوبي ياا تروح وماتعطيك حتى جواب
أنت تقرأ
chronique : layan E imad / حكاية : ليان و عماد❤
Romanceحكاية ليان و عماد 💕 حياة شخصين جمعهم القدر رغم اختلافهم احداث مشوقة واشياء رح تتبدل في حياتهم 🔥🧡
