شفت روحي فالمراية سقمت شعري تنفست وهبطت عندوو لقيتو فالخرجة تاع سبيطار متكي على الطونوبيل لابس chemisier نواغ مفتوحة من الاول وسروال beige مشيت عندوو
عماد: صباح الخير
انا: وش كاين علاه جيت
عماد: agressive نقولك بالشفاء على جداتك
انا: متدخلش روحك في حياااتي
عماد: حتى لدرك راني بزاف عاقل معاك مي نتي مراكيش حابة هكااا
انا: وش دير تقتلني مثلااا اقتلني اصلا مابقااا حتى وااحد كمل علياا واتهنى هدرتك معايا متغطيش عاى خمااجك والحرام تاعك
شدني من يدي وشفت العروق تاع وجهوو بانوو من التقلاق عرفت بلي كثرت
عماد: منعاودش هدرتي غدوا ساعة 2 تكوني فالريستورون كاين خدمة
انا: منقدرش مكاش كيفااه جداتي مراهيش مليحة
عماد: منعاودش الهدرة خمي ملييح فيها اذا راكي حابة تكمل تعيش وطلقلي يدي ورااح
انا: ااااه ياااربي خدمتي وقرايتي من جهة مرض ماني من جهة وحدوخرة ونتاا كمل علياا
عند عماد~~~~
هدرت معاها كان التعب باين عليهاا عينيها ووجهها صفر بصح هكااك و راسها يابس تفاهمت معاها مكاش حل وحدوخر حتى عيطلي ايمن
ايمن: عماد وصلونا معلومات رئيس المافياا رح يكون هناا هادي فرصتنا غدواا
انا: اوكي دير معاهمم اجتماع وغدواا نشوفوو كيفاه
ايمن: ايه وليان ح تجيبهاا
انا: جابلي ربي راك مهتم بيها كثر من الخدمة
ايمن: ههههه ياااالموسوس روح ايا تهلا
عند ليان~~~
طلعت شفت ماني مازالها على نفس الحال شفت الطبيب قالي بلي حتى لدرك كلش فيد ربي ومكاش كيفاه نجددو اسكوو تفطن ولا تقعد هك ادعيولها برك
حسيت كلاموو جاا كي الموس في قلبي حسيت ح نفقدهاا رفدت روحي وليت للدار دخلت ملقيت حتى واحد سمية العقرب مازال ماولات معرسين وحنا هنا نتعذبو واحد ماسامع بينا دوشت نحيت التعب صليت ودعيت ربي هبطت نشوف كاشما ناكل ملبارح ماكليت والوو طيبت لختي وكان لازم عليا نجوز للخدمة رحت طلبت يعطوني اجازة 3 ايام وكيما كان لحال موسيو حسن قبل مور ماحكيتلوو واش صراا جزت للسبيطار فقدت ماني وديت معايا نور حبت تشوفها وصل لليل ماجاني نوم نخمم واش ح يصراا
فطنت صباح وجدت روحيي هبطت لافاك محبستش نزيد نغيب
مريم: بونجوغ لعمرر ريحتي شوياا
انا: صباح الخير شوياا مي عقلي راهو مخلط
مريم: متغرقيش روحك ا صحبتي كلش يجوز
انا: نشالله
كملت لافاك لقيت موسيو عماد باعتلي ميساج :
عماد: متنسايش rendez-vous منسحقكش روطار
انا: اووووف والله نحلف ماا عبد هادا
شفت الساعة لقيتها مازال ع 2 قلت نروح نشوف ماني مازال عندي امل نروح نلقاها ناضت دخلت عندها لقيتها كيما خليتها لبارح خزرت فيها دموع يسيلوو دعيتلها وخرجت محبيتش ندير روطار
وصلت لقيتوو لتم هوو وايمن واقفين
ايمن: سلام ليان اكي واجدة
انا: راك حاب تقول محتمة ايه
عماد: متكتروش هدرة وركبوو
انا: استنا استناا وين بيهااا
عماد: عندنا اجتماع فبلاصة سرية ونسحقوك لتم
انا: لالاا متفاهمناش هكاا وانا واش يضمنلي
ايمن: صح peut-etre راكي داية فكرة سيئة عليناا مي ماتوصلش بينا لهاد الدرجة
انا:( بصوت بلعقل) كلش متوقع من عباد كيما نتوما
عماد: راناا درنا روطار بما فيه الكفاية وهادي متفهمش هكا اركبيي
ركبت معاهمم وندعي خايفة وين يدووني حبسنا في فيلا كبييرة جاية فبلاصة غير الطريق والشجر فتحولنا الباب الكبيرة ودخلناا هبطنا
عماد: امشي قدامي
محبيتش نكثر معاه لهدرة مشيت قداموو
دخلنا لفيلاا قاعدة نشوف تخلعت ماكنتش متوقعة كاين ناس صح هكات فالواقع حتى خزر فيا عماد
جينا داخلين للقاعة
حبسناا واحد: ممنوع دخول الغرباء
عماد (خزر فيا ): راهي معاناا جينا للاجتماع مع ادريانو
وجزناا دخلنا عباد قاعدة فطابلة مستديرة اغلبهم موشمين وباينين كاينلهم وكانوو زوج نساء بانولي زين المانيات
وحدة غير شافت عماد دخل تلاحت عليه
...:(الالمانية) : اااه لقد اتيت انك شجاع حقا
عماد محبش يكثر معاها لهدرة وقعدناا
عماد: ترجمي قوليلهم رانا جايين هنا حابين نشوف ادريانو في حكاية الكوكايين لي ح يتهرب مالطاليان فالادوية
سمعت وش قال قلبي بداا يخبط خزر فياا بديت نترجم
نطق واحد: (الالمانية) ادريانوو سيأتي بعد قليل تبدو صغيرا فالسن لكنك فرضت نفسك في الساحة اهنئك
حتى دخل واحد كبير وخشين موشم عرفت بلي هوو ادريانوو
قعدوو كامل كي شافووه
ادريانو: (الايطالية) هذا الاجتماع مهم جداا سوف يأخذ كل شخص متطلباته لكن لابد من لغة المال فلكل شيء مقابل
بداوو كل واحد فالطابلة يعطي سومة وانا قلبي ح يخرج من بلاصتوو حسيت روحي تاع صح فيفيلم
عماد جبد صاشي كانوو فيه الماسات ورماهم فوق الطابلة الكل سكتت انا تشوكيت كي شفتهم
ادريانو:(الايطالية) ههههههه احب الناس المجازفة مثلك يمكنكم الانصراف
أنت تقرأ
chronique : layan E imad / حكاية : ليان و عماد❤
Romanceحكاية ليان و عماد 💕 حياة شخصين جمعهم القدر رغم اختلافهم احداث مشوقة واشياء رح تتبدل في حياتهم 🔥🧡
