chronique : layan E imad / حكاية : ليان و عماد❤

حلقة 13🧡

ليان ~~
فطنت روطار صافي شحاال مرقدتش رقدة حتى الصباح حتى نسمع صوت مريم
مريم: واش وليتي فنياانة
انا: صبااح الخير
مريم: نوضي نسيتي ليوم l' anniversaire تاع سفيان ولازم نوجدوو روحنا
انا: اييه صح فكرتيني نخلي عليك مهمة تتحفيني تعرفيني لا علاقة
مريم: خسارة عليك ليوم نستيكيوو تعرفي جماعة سفيان لي يعرضهوم اوموان نبانوو شوية كاشما ينوب ربي
نور: نتي هاداا واش تخمي
مريم: بلعي تكبري وتفهمي
كيما كان الحال لبسناا ووجدنا رواحتينا لبست اونسومبل grenad من عند مريم جبدتلي شعري وومكياج حتى معرفتش روحي مريم لبست robe courte بيضاء جاتها تهبل
مريم: (تخزر فلمراية): اللله يبارك زلات مافاقوش بينا برك اصحبتي
خرجنا انا ومريم ووصلنا للاوتال كان jardin وجيهة لابيسين كامل مشبحة ومزينة
سفيان: اووه لبنات جيتو مرحبا بيكم
انا: joyeux anniversaire لعزيز
مريم: لعقوبة ل 100 سنة نشالله
سفيان: صحيتوو فرحتوني كي جيتوو
عماد~~~
كنت قاعد فالدار ديت نهار راحة نستنا فكاش جديد على ادريانوو حتى طبطب الباب
انا: ادخل
اكتمال: عماد اك رايح
انا: وين تان؟
اكتمال: ياخي l'anniversaire تاع سفيان اليوم وعرضك عيب ماتروحش
انا: اني عيان ماشي وقتها
اكتمال: بلييييز هيااا ماتغميتش مالخدمة مبدلو شوياا على جال ختك لعزيزة
انا: اوكيي متهبلينيش نجي
اكتمال: يسسس متنساش جيب ايمن بلاك تنسى
انا: اوكي
وجدت روحي وعيطت لايمن وجات اكتمال قلت نبدلوو شويا وصلنا لوين الحفلة حتى نشوف ليان مالبعيد قاعدة تضحك مع سفيان
ايمن: اوهوو شوف شكون او هنا يادراا واش بيناتهم ليان وسفيان
انا: ما بيناتهم والو تموت تجبد من عندك
ايمن : وشبيك اصحبي ما هدرناش شعرة وقتلتني حسباتلك مارانيش فايقلك
انا: وش فايق اهدرر تعرفني نكره هادي نص هدرة
ايمن: بلي عجباتك ليان صاحبي ونعرفك جامي هتميت بطفلة لهاد الدرجة ياا حصراا واش جازو عليك بصح مع ليان نحسك تكون عماد تاع صح
انا؛ امممم منكدبش عليك حسيت فهاد الطفلة حاجة special عينيها le regard تاعهاا les jestes دياولها مام كيفاه صابرة كلش عجبني فيها
ايمن : وااوو هاداا كامل وواش راك تستنا
انا: مزال خلي نكملو المهمة تاعنا وكلش ساهل
حتى شفت ليان وصحبتها جايين عند اكتمال يسلمو عليها
ليان: اووه اكتمال اكي هناا
اكتمال: اه ليان وشراكي صافا؟
ليان: صافاا حمدلله نقدملك صحبتي مريم
مريم: متشرفين
اكتمال: ايه نعرفك بخويا جيت معاه هبلتو باه جابني
عماد:(بدا يضحك) محبش يمرقها قدام ختو بلي نعرفو بعضاناا : متشرفين انسة ليان
انا شفتو تبسم شدني الضحك: شرف ليا موسيو عماد
اكتمال: وهدا صاحبو لنتيم أيمن
مريم: متشرفين
ايمن: اكتمال مقلتيليش بلي عندك صحابات شابين وهايلين هكا
اكتمال: ههههه ع العام هكاا نتا
جبدتني مريم على جهة
مريم: اسمعي متقوليليش هادا عمااد وايمن لي موالفة تحكيلي عليهم
انا: هوما بالدات والصفات
مريم: يالكلبة مكنتش حسبتهم هكاا وانا نقول الطفلة وشبيهاا غايسة هكااا هاد الشي عندوو صاحب هكاا زل ومخبرتينيش
انا: هههه وانا وين علابالي بلي يعجبك ايمن
بدات الحفلة وقطع سفيان لقاطوو وطفا الشموع والغاشي يصفرر ويصفق
سفيان: مرسي كي جيتوو وفرحتوليي صافي بليزير لحباب
دارو une musique douce وبداوو يشطحوو
كنت قاعدة انا ومريم نحكيوو
مريم: نتي وعماد علاه قاعدين تتبسموو وتضحكوو بيناتكم مقبيل حسباتلكم مشفتكش
انا: هههه والوو شفتو ضحك ضحكت
مريم: اني بديت نشم فيكم اللوش
ناض سفيان واكتمال يشطحو كيفكيف
انا: وهادوو مشميتيش فيهم اللوش جااك غير عليا
مريم: هههه لالا شميتوو سفيان كلاهاا بعينيه مفاقلوش عماد برك
عماد~~~
ايمن : اووه لغاشي كامل ناضوو نروح نشوف صحبة ليان عجبتني ونتا زيد شوياا ولحقنا متقعدش حابس هكا
انا: ههههه ياخي مهبول روح برك
~~~~
ايمن: mademoselle مريم تسمحيلي برقصة
مريم: بيان sur
قعدت نشوف فصحبتي المهبولة تاع الصح لقلوب عند بعضاهاا حتى نشوف عماد جاي عندي
عماد: على حساب الشوفة قعدنا غير حناا تسمحيلي برقصة
انا: (حشمت) : ااامم اوكي
شدلي يدي واليد التانية على ظهري وبدينا نشطحو
عماد: مقتلكش راكي شابة اليوم
انا: هههه مرسي
عماد: مفهمتش علاه كي تكوني مع سفيان الضحكة وانا كلمة تحشمي
انا: ههه لالا سفيان موالفاتو برك
كنا قراب من بعضاناا قعدت نخزر فعينيه ترددت مي قلت نقولو
انا: عماد حابة نقولك عفسة
عماد: قولي
انا: ساعات نحسك مخبي بزاف عفايس عينيك يقولو عكس لي راهوو يبان ساعات صح تبانلي عبد واعر ولي فراسوو يندار وداخل مافيا وحرام مي كي نخزر فيك نشوف عماد وحدوخر مننساش كيفاه وقفت معايا كي ماكنتش مليحة وعاونتني وشنو هي حكايتك
قعد يخزر فياا حتى حسيت قلبي بداا يخبط
عماد: ماكاين والو مخبي هاداا هو عماد واذا حابة اجوبة على اسئلتك الوقت يفضح كلش
محبيتش نجاوبو خلاصت الحفلة ودعناا سفيان وولينا للدار وبداوو حكايات مابعد المناسبة
انا: ايه يالالة وش درتي فيها مع ايمن
مريم: ههه ماكاين والوو مي عجبني هدرناا وتعرفنا على بعضانا بانلي انسان هايل ونقدروو نتفاهموو تبادلنا لنيميروو
انا: وااااو هذاا كاامل والوو من اول التقاء درتوو هادا كامل
مريم: احمم احمم شكون راه يهدر فالحفلة كاامل مكانش زوج باينين مغرومين ببعضاهم كيما نتي وعمااد شفيته كيفاه كان يخزر فيك ههه كتر من سفيان واكتمال كلاك مام كي يشوفك مع سفيان ميحبش
انا: صححح !! علابييها قالي على سفياان
مريم : وش قالك؟
انا: قالي علاه كي تكوني معاه تضحكي ومعايا تشنفي
مريم: اايي نسيبي الغيوور يااه
انا: ديجاا ولا نسيبك
مريم: ليان متكدبيش على روحك نعرفك متعرفيش تكدبي كينتي كي هوو عينيكم فاضحينكم
انا: ااوف معلاباليش ياامريم كي يكون نحس قلبي يخبط وحاسة بلي مخبي علياا حياتوو لازم نعرف باش يتهناا قلبي
~~~~~
مولي من الحفلة تاع سفيان حتى يجيني اتصال من عند خدامين تاع ادريانو على الحفلة اللي حيديروها عيطت لايمن
انا: الوو ايمن كيما توقعنا
ايمن: جاتك l'invitation
انا: ايه جاتني درك
ايمن : هادي هياا فرصتناا على حساب وش فهمت من الكاميرا لي حطيناهاا كاين عملية كبيرة حتصراا مور الحفلة بدراهم المزاد العلني
عماد: لازم نخبروو المركز القوات تاعنا يكونو واجدين فالوقت المناسب هكا مكاش الهربة نجبدهم واحد واحد
ايمن: ايه لازم نكونوو واجدين ومايشكوش فينا انا نعطي تقرير للمركز ونتفاهموو
عماد: ايا اوكي اتهلاا
فرحت بزاف راني قربت من الهدف مبقاش وينحكموو وتخلاص المهمة بنجاح رفدت التليفون عيطت ليان
ليان~~~~
انا: اووه عماد راه يعيط
مريم: ريبوندي حبيب القلب و(غمزت)
انا: الوو عماد
عماد: واش صافا؟ وصلتي
انا: حمدلله ايه وصلنا
عماد: عيطتلك نقولك غدواا ح تكون حفلة ادريانوو وراح تجي باش نتفاداو الشكوك
انا: ايه ووين نتلاقاوو ؟
عماد: درك نبعتلك l'adresse ميساج روحي لتم يوجدوك للحفلة واومبعد نجي نديك
انا: ايه اوكي تصبح بخير
عماد: تصبحي بخير
~~~~~~~~~~~
نضت صباح وجدت روحي وهبطت انا ومريم لافاك خرجناا
مريم: ايه تولي للدار ؟ليوم متخدميش
انا: لالا اليوم الحفلة تاع ادريانوو ولازم نروح
مريم: ااه روحي روحي مادام عماد معاك منخافش
انا: ايا تهلاي اومبعد نتلاقاو فالدار وقواي لنور متتقلقش اذا طولت شوياا
فتحت نشوف l'adresse لي بعتهالي عماد مشيت حتى وصلت لقيتوو محل كبيير ولقيت وحدة تستناني فالدخلة
هي: مدموزال ليان صح؟
انا: ايه انا
هي: وصى عليك موسيوو عماد تفضلي جوزي مرحبا
دخلت لقيتوو حانوت كبير وخدامات لداخل رحبوا بياا وبداوو وحدة تجبد في شعري لوخرة تديرلي مكياج كي كملوو معرفتش روحي
الخدامة: خمووس عليك عرف يخير موسيو عماد
الخدامة 2: محبيتش نكثرلك قلتينا نحب simple وشعرك خليتهولك بسيط ومطلووق هكاك وخرجت تهبلي تفضلي نخيرو اللبسة
طلعنا لايطاج الدوزيام لقيو magasin des robes de soirée خيرت une robe rouge طويلة على لاطاي حتى وصلني ميساج من عماد
عماد: اذا كملتي راني لتحت نستنا
شكرت لبنات لي تهلااو وفياا وهبطت لقيتوو متكي على الطونوبيل لابس costume noir كان يهبل غير شافني قاعد غير يخزر فياا
~~~~~
عماد: وجدت روحي و رحت نجيب ليان بعتلها ميساج تهبط حتى نشوفها قدامي كانت شاابة لدرجة اني غست فيهاا بلا مانفيق لوكان علابالي بلي ح تزيان هكاا ماكنت بعتهاا مانحبش عبد وحدوخر يشوف فيها من غيري ااااه يااعماد ايمن عندو لحق فهدرتوو
~~~~
انا : سلااام
عماد: مشاءالله (يخزر فيا)
انا : ههه نتاا اصريت جيبني هنا بصح مغسي لبنات لداخل هايلين
عماد: بلا مزية اركبي الحفلة تكون بدات
عماد: الوو ايمن وصلت
ايمن: مسافة الطريق ونوصل
وصلناا لفيلا ادريانوو من براا ماكان يبان والو بصح لباركينغ تاع الفيلا كان معمر طونوبيلات فتحلي عماد الباب وشدني من يدي ومشينا وتلاقينا ايمن
ايمن: الللله يباارك عليكم (وغمز لعماد)
عماد: شوف قداامك وخلينا ندخلوو