دخلنا لقينا الناس اشكال انوااع كل جماعة في طابلة الشراب يتسرباا رحبوو بينا فالدخلة شدينا طابلة وايمن وعماد مفهمتش وش كانوو يتخابروا بيناتهم
حتى جا ادريانوو
ادريانوو: ( الايطالية) مرحبا بك سيد عماد اشكرك على قبول دعوتي استمتع بالحفلة
اااه بالمناسبة توجد شخصيات مهمة فهذا الحفل استغل الفرصة فأنت شخص احترافي بهذه الامور
عماد: شكرا لك سيد ادريانوو سأحرص على ذلك
انا قعدت مشوكية هاد الشي عماد يهدر طاليانية خزرت فيه ديرااكت
انا: هاد الشي تهدر طاليانية
عماد: هههه كلمات برك نسلك روحي (وغمزلي)
جاا واحد طالياني ليناا
الايطالي: أتسمحين لي برقصة انستي الجميلة؟
انا حشمت قعدت نخزر فيه حتى شدني عماد من ظهري
عماد: لا اسمح لزوجتي بالرقص مع غيري
الايطالي: هههه معك حق
اناا قعدت مشوكية نخزر فعمااد بصح فرحت مالداخل
بداا المزاد العلني وحسيت بعمااد مقلق وهو ايمن عينيه يهربو من ومن حسيت بلي راهم يخططو لعفسة بصح معرفتش
عماد~~~
بدا التوتر يزيد عندي كي بداا المزاد ايمن شرلي بلي القوات راهم متخبيين مور المستودع لي ورهولنا ادريانوو دار غلطة تعمى وفضح روحوو ناس متخممش
خلاص المزاد العلني وبداات الناس تخرج خرجناا انا وليان وايمن وعلابالنا بلي بقات جماعة كبييرة تاع الكوكايين فالمستودع يقسمو الدراهم والسلعة بيناتهم عطيناا اشارة للقوات زدموو عليهم فالمستودع وسنسلوهم واحد بواحد
ليان~~~~~
خلاصت الحفلة بديناا نخرجوو حتى نشوفوو الباركينغ تغلق وحاصروه قوات امنية من كل الجهات اناا قلبي حبس حسيت بلي خلاص رحت فالجرة واناا ماعندي ماادرت شديت فعماد يخزر فيهم وماشي مقلق دخلوو وجبدوو ادريانوو وجماعة كانت معاه وسنسلوهمم ولي كانوو فالحفلة داوهم للتحقيق لانهم مشتبه فيهمم كنت نستناا يسنسلونا معاه حتى نشوف واحد من الامن جاي قدامنا شديت فأيمن
قائد الامن: نهنيك عماد قمت بمهمة كبيرة وهذا نجاح يتحسب ليك
عماد: شرف لياا اني كملت المهمة بنجاح هكات نكونو تخلصناا من شبكة كبيرة من المافيا راهي تهدد لبلاد
قائد الامن: احسنت نشوفك غدوا فالمركز
اناا قاعدة نشوف غير بعيني يعني عماد ماشي مافيا دار هاد العفسة كامل باش يكشفهم هداا هو سرو؟؟ مقدرتش نواجهوو ولا نهدر معاه حسيت روحي كنت غبية لدرجة تعميت وماشفت والوو قدامي رفدت روحي وركبت مع ايمن قتلو يوصلني للدار طريق كامل وانا ساكتة نعاود فالاحداث في راسي
~~~~~~~عماد
فرحت حسيت نحسيت جبل على ظهري مور ماا شفتهم كامل فالحباس نقدر نرقد مرتاح وفيت بعهدي درك نقدر نكمل حياتي عادي حتى عيطلي ايمن
ايمن : واش خوو متخرجش هاد النجاح يستحق خرجة
عماد: والله ماني قادر راني فرحان لدرجة نروح نرقد من هاد لعيا ايه صح مسقسيتكش ليان كاشما قاتلك
ايمن: حسيتها مكانتش مليحة حرف مهدراتوو طريق كامل وهي غايسة تخمم نعيط لمريم ونقلك كاشما بانلي
عماد: ايا صحيت خوو تصبح بخير
نعذرهاا حست روحها تخدعت مي اناا درت هاد الشي كامل علاجالها خفت تدخل فحكايات ماشي قدها
~~~~~ ليان
جازو يامات على حكاية اندريانوو محبيتش نتفكر جبتها غير قراية وخدمة ودار وساعات نروح نحوس على ديور قيس دراهمي باش نكري
حتى مرة كنت خارجة مالفاك كي العادة ونشوفوو ايه جاا حتى لافاك حسيت قلبي يخبط 100 فالساعة كي شفتوو هبطت راسي ولعبت روحي مشفتوش وجيت رايحة حتى نسمعوو
عماد: ليااان واش راكي جايزة لاعبتها مشفتينيش
انا: لالاا اني مزروبة برك (محبيتش نخزر فيه علابالي نخزر فيه نتخلط كامل)
عماد: كي نهدر معاك اخزري فياا ديجاا اركبي نوصلك
انا: لالا صحيت
شفت وجهوو تزير وعروق وجهوو بانوومحبيتش نكثر وطلعت
عماد~~~~
طريق كامل وانا نخزر فيهاا يامات جازوو وانا نخمم فيها توحشتها وشفتها كيفاه كانت تهرب مني بصح علابالي بلي هي تان كانت تخمم فياا
ليان: اووه وين راك رايح ماشي طريق الخدمة هادي
انا: عندي هدرة معاك
~~~~~ليان
ركبت معاه حتى نشوفو ماشي رايح لطريق الخدمة
عماد: عندي هدرة معاك
طريق نكمل وانا نخمم زعما وشنو هي هاد الهدرة زعماا واش راني نخمم
وصلنا هبطنا لنفس البلاصة لي قعدنا فيه لمرة ليفاتت قدام البحر
انا: كلما تحب تحكي معايا تجيبني لهاد البلاصة
عماد: هاد البلاصة نحبها كي نحب نفرغ قلبي نجي هنا حتى خويا الله يرحموو كان يجي هنا
انا: الله يرحموو كيفاه مات؟
عماد: (يخزر فالبحر) دخل فميليو تاع مخدرات بالسيف وغدروه علاجال دراهم
انا: علابيها دخلت فمكافحة المخدرات
عماد: ( دار ليا) ايه كي مات عطيت عهد لروحي انو جميع واحد دخلوو فهاد لحكاية يخلص ومحبيتش وحدوخر يصرالو واش صرا لخوياا
انا: بصح علاه مقتلييش مكنتش داير فيا كونفيونص؟
عماد: كنت خايف يشكو فيك ولا يغلط واحد معاك ويهددك خفت تدخلي فحكايات خاطيك بسبتي مور ماتوفى خويا وليت نحسب حساب لكلش ماشي حاب نخسر عيباد نحبهم
انا كي سمعت اخر جملة قلهاا خزرت فيه
عماد:(شدلي يدي) ليان نحبك
انا: .....
عماد: من النهار الاول لي شفتك عرفتك special حبيت كلش فيك هدرتك عقليتك عينيك شعرك كلش
مع الاول كدبت روحي بصح مع الايام عرفت قيمتك في حياتي ومارانيش حاب نخسرك
قعدت نخزر فيه وعينيا تعمرو بالدموع
عماد: (مسحلي دموعي) مقتلكش هاد الهدرة باش تبكي
انا: اناا تان نحبك عماد ( وعنقتوو)
هاديك الكلمة اختصرت كلش كنت حابة نقولو بلي شفت فيه حنانتو قبل القساوة تاعوز نهار بكيت على كتافوو وسمعني عرفت روحي بلي حبيتوو
ركبناا فالطونوبيل وهاد المرة كنت نخزر فيه نورمال وصلني قدام الخدمة
عماد: كي تكملي عيطيلي نوصلك
انا: اوكي
عماد : وين بيهاا هكاك؟
انا: علاه؟
عماد: منسحقش بوسة على الهدرة لي هدرتها كاامل
بستو على خدوو وخرجت روشتلوو ورحت للخدمة
نسرين: واش الزين صافا؟
انا: حمدلله سوسوو
نسرين: ايييه لحالة رااهي باهية غير الخير
انا: هههه ماكاين والوو
نسرين: وجهك راهوو منور وعينيك يلمعوو الحكايات تبان تبان
انا: ههههه يخي مهبولة
هاد اليوم حسيت روحي ليان تاع قبل كان اول يوم نكون فيه فرحانة مور ماتوفات ماني الله يرحمهاا
كملت الخدمة بدلت جيت هابطة لقيتو باعتلي ميساج: حبي راني تحت اذا كملتي اني نستنا
هههه قريت لميساج بديت نضحك ميساجاتوو كانوو كامل كيفكيف بصح هاد لمرة كلمة وحدة بدلت المعنى مي شفت عبد راكب ماللور
عماد~~~
وليت للدار فرحاان شافتني يماا
يما: غير الخير راك تمشي وتضحك
انا: هههه راني زاهي برك اليوم
يما: نشاللله كل يوم هكاا
انا: اني طالع ندوش ونخرج جيت طالع شفت اياد جاي يجري ليا
اياد: ايمااد قتلي تشرلي طونوبيلات
انا:(رفدتوو) : ايه نشريلك السبع ديالي
نوال: ااه عماد متديهش يهبلك برك
اياد: نوونوو
عماد: ميعينيش انا اصلا كنت خارج نديه معايا ونروح وجديه
طلعت بدلت وديت اياد معايا نجوز على ليان قبل بعتلها ميساج هبطت
قبل مانوصل عيطت لمول الدار
انا: الوو سلام عليكم نسقسيك على الدار لي راك دايرها الكراء
...: ايه انا هوو حاب نكريهالك
انا: هياا فصح ياا خويا اني جايك مع وحدة نشوفو الدار
...: مرحبا بيكم راني لتم
انا: وشنوو عندي حاجة اني حاب نتفاهمو على دراهم من درك احسبهالها بسومة اقل والباقي عليا يدخلك لي بقى فالكونت تاعك
....: ااه فهمت عليك مكاش مشكل
علابالي ليان ح تيبس راسها وماراحش تقبل نخلصلها الكراء علابالي قادر يجرحهاا jeste تاعي اذا عرفت بصح مكاش حل هادي هي الطريقة الوحيدة لي نعاونها بيها
كوبيت شفت ليان جات
ليان: بونسواغ صافا؟
انا: كي شفتك ماشي غير صافاا
أنت تقرأ
chronique : layan E imad / حكاية : ليان و عماد❤
Roman d'amourحكاية ليان و عماد 💕 حياة شخصين جمعهم القدر رغم اختلافهم احداث مشوقة واشياء رح تتبدل في حياتهم 🔥🧡
