دخلت عليا نور
نور: واش ليان صافا؟
انا: حمدلله
نور: وشبيك ليان؟ وشبيه وجهك
انا: والو فست روحي برك
نور: راكي تشوفي فياا حابسة شكون ضربك سمية
انا: والوو
نور: اني خاارجة نتفاهم معاهاا الكلبة
انا: نور اسناي سمية حاوزتنا مالدار قاتلي نعطيك مهلة منا لغدوا تخرجي نتي وختك
نور: كيفااااه ؟؟ وين نرووحوو وعمي وش قال
انا: وش ح يقول مثلا باينة يتبعهاا
نور: يااااربي حاسبهم واحد واحد وين نروحو ترمينا لبرا ؟
انا: معلاباليش ياانور نلقالها حل
نور: ليان ايا نولوو لدارنا تاع ماني خير
انا: وش نولو راهم يضاربو عليها مور مات توفات ماني راحوو دارو الفريضة باش يقسموهاا مكتوبة بأسم جدي الله يرحموو
مارانيش حابة ترميلنا حوايجنا برا ايا نرفدوو وش كاين من درك ونشالله نلقاولها حل
نور: (بدات تبكي)
انا: (عنقتها)مادام ربي معانا متخافيش
جوزنا هديك الليلة نلموو حوايجنا دينا المهم نور مالعياء رقدت انا ماجاميش نعاس عيطتلي مريم فالليل
مريم: واش لعمر صافا ريحتي ؟
انا: نقولوو لحمدلله
مريم: وشبيك صوتك ماهوش مليح
انا: ااااه يااا مريم وش نحكي سمية حاوزتناا قاتلنا غدوا ترفدو دوزانكم وبراا منسحقكومش
مريم: كييفااااه ؟؟ هبلت هادي لهلاا تربحهاا دنيا واخرة وكيفاه ح تديرو
انا: مرقدتش راني غير نخمم شهريتي تكفيني نكري دار صغيرة بصح مكاش كيفاه نعيشو وناكلو ونخلصوو les factures وقراية ختي
مريم: ليان نقولها ونعاودها متفورصيش على روحك والله ساعات نخاف عليك علابالي تخبي بزاف فقلبك ارواحوو اقعدو عندنا يمات حتى نلقاو حل
انا: وش من ياماات يامريم منقدرش نثقل عليكم
مريم: مافيهاش هدرة هادي وماكاش نقاش روحي ترقدي وغدوا نجي نلم معاكم دوزان
انا: ربي يخليك لياا
___
غمضت عينيا وتقلبت فالفراش حتى طلع الصباح خملنا دوزاناا انا ونور وجات سارة عندنا
سارة : سمحولي لياان نور والله مانقدر ندير عفسة ليل كامل وانا نحلل ياخي يماا وتعرفوها
انا: وش نديرو ربي يهدي ما خلق
سمية: اياااا كملتوو راني حنيت عليكم وعطيتكم وقت اياا برااا منسحق والو ارفدو زبلكم واهرحو عليا
نور: انا خارجين ربي يخلصك نشالله كيماا حرقتيلنا قلبنا
انا: ربي شاهد وكيما عملتي فينا تخلصي
جات مريم رفدت معانا les valises وديناهم لدارهم استقبلتنا يماها طاطا حياة
حياة: اهلا وسهلا بناتي جوزو
انا: سمحيلنا طاطا تحتمت علينا كنت حابة نشوفك فظروف احسن
عمي جمال: متقوليش هكاا يا بنتي راكم كي بناتناا
حطينا حوايجنا ودخلنا لبيت مريم وجدوهالناا
حتى جاني ميساج من عند عماد
عماد: كيما تفاهمنا على ساعة قدام ريستورون
انا: اووف يااااربي عطيني لعقل والصبر
مريم: وش كاين
انا: عماد يسحقني كاين خدمة
أنت تقرأ
chronique : layan E imad / حكاية : ليان و عماد❤
Romantikحكاية ليان و عماد 💕 حياة شخصين جمعهم القدر رغم اختلافهم احداث مشوقة واشياء رح تتبدل في حياتهم 🔥🧡
